ნამცხვარი "დღე და ღამე" - მარიკა დარჩიას მოგონებების გემო
ნამცხვარი "დღე და ღამე" - მარიკა დარჩიას მოგონებების გემო
ძალიან ახლგაზრდა ვიყავი, როდესც დამოუკიდებელი (თითქმის) ცხოვრება დავიწყე. დამოუკიდებელი ნამდვილად დამოუკიდებლობას სულაც არ ნიშნავდა, ჩვენი ქვეყანასავით ვიყავი... ვცხოვრობდი, სახლში დიდების გარეშე, ფუფუნება იყო იმ დროს ეს... ცხოვრებისთვის საჭირო რაც იყო, თითქმის არ გვეხებოდა.

საკვები, დახმარება, მომარაგება, ბავშვების ბებიებთან დატოვება... მაგრამ... და რა თქმა უნდა ამის საფასურად ჭკუის სწავლება და კონტროლი იყო... იყო ყველაფერი, იყო, მაგრამ ჩვენთვის ვცხოვრობდით... არც გადიები არსე-ბობდნენ და არც მომსვლელი დამხმარე ქალები... როდესაც გინდა დაიძინე, როდესაც უნდათ, მაშინ მოდიან მეგობრები, გაუთავებელი სტუმ-რიანობა და ბევრი საქმე... თან ჯერ იყო და ვსწავლობდი და მერე ვმუშაობდი.... ბევრი რამ იცვლებოდა , მარტო ერთი ფიქრი დარჩა დღესაც უცვლელი...

სამსახურიდან, რომ ვბრუნდები, დაღლილი და გამოფიტული, სულ ვნატრობ - ნეტავ ვინმე იყოს სახლში, კარი გამიღოს, საჭმელი იყოს და ცოტა ამოსუნთქვის საშუალება მქონდეს... ცოტა შემიბრალოს კიდევაც და დამასვენოს... ეს ოცნებად დარჩა, ჩემს დამოუკიდებელ ცხოვრების ფასად... ასე მინდოდა?... ალბათ... მაგრამ ასე არ მიოცნებია... მიოცნებია ისე, როგორც ბავშვობა გავატარე.

კალანდაძის ქუჩა, ბევრი მეზობელი, აივანზე შემოსული აკაციის ტო-ტები და ჩვენი ორი ოთახი... და ამ სივრცეში ვცხოვრობდით დიდებიც და პატარებიც... 3 თაობა, 7 ადამიანი... სად გვეძინა ამდენს დღესაც ვერ ვიგებ, არ მახსოვს არეულობა ან ზედმეტი ნივთები ამ ორ დიდ ოთახში... ისე იყო როგორც წესია... ერთი საძინებელი და ერთი სასადილო... დიდი, მრგვალი მაგიდა, ხავერდის ლამაზი გადასაფარებელი, რომლის ქვეშ ბაბუ ქვითრებს ინახავდა... ნეტავ რატომ? ეტყობა ამ ოთახშიც იშლებოდა ლოგინები... "ლეჟანკებზე" ... მაგრამ ისე მალე ხდებოდა ამის ალაგება და მიმალვა, რომ მე მეხსიერებაში ეს სურათი არ დამრჩა, თუ არ დამიტოვა, ჩემმა კოპწია და ძალიან ესთეტმა ბებიამ... რომელიც ჩემს თოჯინებს, კაბებს უკერევდა, ყოველ კვირას რეც-ხავდა და ახამებდა... ლამაზი უნდა მქონოდა და ასე დამმახსოვრებოდა... თვითონაც
You must have Flash Player installed in order to see this player.
ასეთი იყო. დილიდან ჩაცმული და ამდენი საქმე... ხალათი?... ოი, არა ბატონო... ან როგორ, როდესაც ამდენი ხართ სახლში?... ძნელია ალბათ, ძალიან ძნელი...

მხოლოდ ახლა შემიძლია წარმოვიდგინო, როგორი ტაქტი და გონი სჭირდებოდათ, რომ ამდენი სხვადასხვანაირი ადამიანი ერთად ყოფილიყო... საქმე განაწილებულიყო და ხმა არავის აეწია...

ვფიქობ, ეს უპირველესად უფროსი თაობის დამსახურებაა.. წესებს ის გკარნახობს, მაგრამ ახლგაზრდობასაც რამხელა თმენა სჭირდება. მოკლედ, ეს ადვილი არ არის, მაგრამ რამდენი ხიბლია სხვა... და ამას ყველაზე მეტად ბავშვები გრძნობენ... მათთვის ყველას სცალია, ყველა სხვადასხვანაირად ართობს და ასწავლის...

ჰო, ასეთი იყო ჩვენი სახლი, სავსე, ფუსფუსა... გემრიელი საჭმლის სუნით, ზუსტად დაწერილი წესებით, ბაბუს აბანოს პატარა ჩემოდნით, ბუბას თეთრი საყელოები, დედადას წიგნები თეატრზე, ძია ვახოს სავარჯიშო, აივანზე დაკიდებული რგოლები... მე და ზაზას თამაშები და გაუთავებელი კინკლაობა... მაგრამ ეს ისეთი კარგი იყო, რომ ჩვენ სულ არ გვადარდებდა სივიწროვე და ბევრი ხალხი... ჩვენ ბედნიერები ვიყავით, ყველა ახლოს
გვყავდა...
ტკბილი გემო ჰქონდა ამ დიდ ერთობას... ბუბა განჯინაში ინახავდა "ბურჟუიკაში" გამომცხვარ გემრიელ კექს, რომელსაც "დღე და ღამეს" ეძახდა... აქ მურაბებიც იყო და სხვა ტკბილეული... გასაღებსის მფლობელიც ბუბა იყო. ის იყო მთავარი განმანაწილებელი... ჩვენ კი გვეგონა, მარტო ჩვენთვის იღებოდა ეს კარი და ეს სურნელიც მარტო ჩვენ გვეკუთვნოდა, რადგან მაშინ დღეც და ღამეც ერთნაირად კარგი იყო. იხილეთ ნამცხვრის "დღე და ღამე" რეცეპტი

კომენტარები (3)
tata
ძალიან ელეგანტური და განათლებული ქალია ქ.მარიკა,მისი სტუდენტი ვიყავი და ყოველთვის მომწონდა.
მზიკო 56.
მომეწონა,თბილი წერილია,გამახსენდა მეც ბევრი რამ კარგი,ასე იყო წინათ ეხლა არ ვიცი როგორ შეიცვალა ხალხის ცნობიერება.
შეცდომაა
ეს არ არის დღე და ღამე.ეს არის ზებრა ან მოზაიკა.დღე და ღამე შედგება 2 ცალკე ბისკვიტისგან.ერთი შავი და მეორ ყვითელი ფერისაა და უკეთდება შუაში კრემი
ბავშვის ფიზიკური განვითარება
წონა დაბადებისას :
გრ
სიმაღლე დაბადებისას :
სმ
თავის გარშემოწერილობა დაბადებისას :
სმ
თვე
ვიდეო სიახლეები
ამ კატეგორიების სხვა სიახლეები
მარწყვი მალე ფუჭდება... ექსპერტი ფერმერი გვირჩევს, როგორ შევინახოთ ის 1 კვირა!
12:21 / 27-06-2017
მარწყვი უამრავ სასარგებლო ვიტამინსა და მიკროელემენტს შეიცავს. აუმჯობესებს იმუნიტეტს, სასარგებლოა გულ-სისხლძარღვოვანი სისტემისთვის.
საყინულეში შენახული ზაფხული
11:26 / 19-06-2017
ყველა ქალბატონმა კარგად იცის, რა პრაქტიკული და სასარგებლოა ზამთრისთვის გაყინული ხილი თუ ბოსტნეული. ზამთრის მარაგისთვის ასე შენახული პროდუქტების შედარებაც კი არ შეიძლება ე.წ. კონსერვებთან და იმ "საოცარ "და "მადისაღმძვრელ" ხილთან თუ ბოსტნეულთან, რომელთაც ზამთრის პერიოდში მარკეტებსა თუ ჰიპერმარკეტებში გვთავაზობენ.
პროდუქტები, რომლებიც კოლაგენს შეიცავენ
14:29 / 18-06-2017
კოლაგენი ის ნივთიერებაა, რომელიც სახის მოვლის საშუალებებში შედის და აქტიურად მოქმედებს აღმდგენით პროცესებში.
ასე აკეთებენ ელიტურ რესტორნებში: 11 ხრიკი, რომელიც ხილსა და ბოსტნეულს სიქორფეს დიდხანს შეუნარჩუნებს!
13:23 / 09-06-2017
დამწყები დიასახლისები ხშირად მაცივარში შეხედვისას, აღმოაჩენენ ხოლმე პროდუქტებს, რომლებიც გაფუჭებას იწყებს ან უკვე გაფუჭებულია. ამ უსიამოვნების თავიდან ასაცილებლად, გთავაზობთ რამდენიმე ნაცად ხრიკს, რომლებიც ხილსა და ბოსტნეულს დიდხანს შეუნარჩუნებს სიქორფეს.
Bon Repas – გემრიელი განტვირთვის ადგილი, სადაც პატიება ადვილია
16:07 / 08-06-2017
მაპატიე ყველაფერი, რაც მშიერმა გითხარი... - ამ სიტყვების თქმა თუ გიჭირთ, აუცილებლად უნდა ესტუმროთ თბილისში ახლად გახსნილ კაფე Bon Repas-ს და გემრიელი სადილის შემდეგ უკვე აღარაფერი გაგიჭირდებათ.
5 შესანიშნავი იდეა, როგორ გამოვიყენოთ გადამწიფებული ბანანი
15:36 / 06-06-2017
თუ ოდესღაც ბანანები იყიდეთ და დაგავიწყდათ, გაშავებულის ჭამა კი არ გსურთ, ნუ იჩქარებთ გადამწიფებული ბანანის გადაყრას.
როგორ დავიცვათ თავი ზაფხულში  უხარისხო პროდუქტის შეძენა-მოხმარებისგან?
11:04 / 06-06-2017
ხორცეულის მოხმარება ადამიანის ორგანიზმისთვის აუცილებელია, თუმცა მას განსაკუთრებული შერჩევა სჭირდება.
5 რჩევა, როგორ მოამზადოთ უნიკალური და არომატული გასახდომი ჩაი
15:34 / 05-06-2017
მოწესრიგებული მეტაბოლიზმი და ლამაზი სხეული - ვინ არ ოცნებობს ამაზე?
როგორია იდეალური საუზმე
14:37 / 05-06-2017
მარცვლეულის ფაფა საუზმის ერთ-ერთი ყველაზე სასარგებლო ვარიანტია.
ნუ შეიძენთ მარწყვს, თუ ნაყოფზე ეს შეამჩნიეთ! დაიცავით საკუთარი თავი და ახლობლები
13:02 / 02-06-2017
სპეციალისტები ირწმუნებიან, რომ ხარისხიანი და ნატურალური მარწყვის არჩევა რთულია. პირველი მარწყვი, განსაკუთრებით, სათბურის, არცთუ ისე სასარგებლოა. თუმცა, სასარგებლო ნივთიერებები მცირე დოზებით მასში მაინც არის. მწიფე და სასარგებლო მარწყვის ასარჩევად, იხელმძღვანელეთ ამ რჩევებით.
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი