სპეციალისტები ირწმუნებიან, რომ ხარისხიანი და ნატურალური მარწყვის არჩევა რთულია. პირველი მარწყვი, განსაკუთრებით, სათბურის, არცთუ ისე სასარგებლოა. თუმცა, სასარგებლო ნივთიერებები მცირე დოზებით მასში მაინც არის. მწიფე და სასარგებლო მარწყვის ასარჩევად, იხელმძღვანელეთ ამ რჩევებით.
როგორ ავარჩიოთ მარწყვი
შეხედეთ, დაყნოსეთ, დააგემოვნეთ!
ბაზარში გამყიდველები თავადვე გთავაზობენ მარწყვის დაგემოვნებას. ეს კი ყველაზე ნაცადი ხერხია, გასინჯო, უსაფრთხოა თუ არა მარწყვი.
შენახვა
მიაქციეთ ყურადღება, როგორ ინახება მარწყვი. ის შეიძლება იყოს დაფასოებული ცალკე პლასტმასის კონტეინერებში ან ყუთებში. თუ მარწყვს წვენი აქვს გამოშვებული და შესამჩნევია ოდნავ დამპალი მარწყვებიც, ე.ი. ის 3 დღის წინ დაკრიფეს. თუ ყუთებზე მარწყვის წვენის კვალი არ აღინიშნება - ეს საგანგაშო ნიშანია. ნორმალური მარწყვი ფსკერზე ოდნავ იჭყლიტება და ტოვებს კვალს.
დააკვირდით ფოთლებს
აირჩიეთ მაგარი, დაუჭყლეტავი მარწყვი ყვავილის ყუნწებით. ასეთ მარწყვს С ვიტამინის მდიდარი მარაგი აქვს შენარჩუნებული.
გარეგნობას მნიშვნელობა აქვს
ფერის მიხედვით განსჯა - არასწორია, რადგან უამრავის სახეობა არსებობს. ჩვეული მარწყვი - კაშკაშა წითელი ფერისაა. ბორდოსფერს ის იღებს, როცა გადამწიფდება. თუ დახლზე მუქი ფერის მარწყვი შეგხვდათ, თანაც მაგარი, დარწმუნებული იყავით, ის სელიტრათია დამუშავებული.
ქიმიკატები ვერ დაიმალება
აუცილებლად უნდა მიაქციოთ ყურადღება პატარა ლაქებს. მათი არსებობა - ნიტრატების კვალია, ასეთი მარწყვი საშიშია.
მეტი - უკეთესს არ ნიშნავს
ბევრი უშვებს შეცდომას და არჩევს გიგანტურ მარწყვს. გახსოვდეთ, რომ არაბუნებრივად დიდი ზომა - პესტიციდების არსებობის ნიშანია. თუმცა, არსებობს სხვადასხვა სახეობის მარწყვი, ამიტომ ზომა პირველ რიგში ამაზეა დამოკიდებული.
უცხოური მარწყვი
თურქული მარწყვი ჩვენსას არ ჩამორჩება, ის თურქეთში მთელი წლის განმავლობაში ხარობს. ნიტრატების რაოდენობას სპეციალური სამსახური აკონტროლებს. აი, ნაადრევ მარწყვთან კი სიფრთხილე გმართებთ. მას ქიმიკატებით ამუშავებენ, რათა რაც შეიძლება სწრაფად გაასაღონ.
ფრთხილად, ნიტრატები!
როგორც უნდა უტრიალო, გემრიელი სურნელი - ხარისხის პირველი მაჩვენებელია. მარწყვს სასუქისა და სინესტის სურნელი არ უნდა ასდიოდეს. თუ მას საერთოდ არ აქვს სურნელი - ე.ი. ქიმიკატებითაა გაჟღენთილი.