დასაწყისშივე მინდა აღვნიშნო, არ არსებობს ყოველმხრივ კარგი ან ყოველმხრივ უარყოფითი თვისებებით შემკული ადამიანი.
შესაბამისად, სანამ რომელიმე ძლიერი სქესის წარმომადგენელს "უვარგისის" იარლიყს მიაწებებთ, ქალბატონებო, კარგად დაფიქრდით, იქნებ მეუღლის, საყვარელი ადამიანის ცხოვრებაზე თქვენც ახდენთ ნეგატიურ ფსიქოლოგიურ გავლენას და ამ უკანასკნელის უსაქმურობა გარკვეულწილად თქვენი ბრალიც კია?
ასტროლოგებს მიაჩნიათ, რომ მამაკაცები, ისევე, როგორც ქალები, ზოდიაქოს ნიშნის მიხედვით, აქტიურ და შედარებით უფრო პასიურ, რბილ, ლაბილურ ინდივიდებად იყოფიან. შესაბამისად, ის, თუ რამდენად აქვს შანსი თქვენს მამაკაცს, წარმატებული და შემდგარი პიროვნება იყოს ცხოვრებაში, დიდწილად არის დამოკიდებული მისი ზოდიაქოს ნიშნის უმთავრეს მახასიათებლებზე... თუმცა, მაინც არსებობენ გამონაკლისები.
წარმოგიდგენთ უსაქმურობისკენ მიდრეკილი და ინერტული მამაკაცების ტოპ-სამეულს:
სასწორი – მისი პრობლემა მერყევი ხასიათია. იგი მუდმივად ელის ცხოვრებაში იმას, რომ ერთ დღესაც ზეცა გაიხსნება და წარმატება მას თავად "გამოიცეკვებს" ცხოვრების აქტიურ ფერხულში ჩასართველად.
თუკი გვერდით ძლიერი ქალი ჰყავს ცხოვრების მეგზურად (და ეს, როგორც წესი, უმეტეს შემთხვევაში ასეც არის, იმიტომ, რომ მისი ვიზუალური მონაცემები და მჭევრმეტყველება ქალებს მარტივად ახვევს თავბრუს), მამაკაცი სასწორი ბოჰემურ უსაქმურობაში გაატარებს ცხოვრების საუკეთესო წლებს და ყოველთვის ექნება მიზეზი იმის ასახსნელად, თუ რატომ იქცევა ასე.
სასწორები პოლემიკისა და კამათის დიდოსტატები არიან. შესაბამისად, თუ მასთან კამათს დააპირებთ ამ თემაზე, იგი აუცილებლად მოახერხებს დაგიმტკიცოთ საპირისპირო და თავს უსაქმურად არც არასოდეს აღიარებს. მას რომ ჰკითხოთ – უბრალოდ, შესაფერის დროსა და პერსპექტიულ წინადადებებს ელოდება, რომელიც არა და არ ჩანს... და რაც უნდა სამწუხარო იყოს, არც არასოდეს გამოჩნდება, სანამ იგი ზის და ელის.
მშვილდოსანი – ე.წ. ცუდი ბიჭების კატეგორიის უსაქმურია. მისი "საქმე" ყველაზე ხშირად არის უბნის ბირჟა, ძმაკაცების ხმაურიანი თავყრილობა, თამაში, ალკოჰოლი და ა.შ. როგორც წესი, სახლში, დივანზე წამოწოლილს, როგორც ჭეშმარიტ უსაქმურს, მხოლოდ მაშინ ნახავთ, თუკი ნაბახუსევზეა წინა ღამის ლოთობის შემდეგ; ისე კი, გამუდმებით "ეჩქარება" და ყოველთვის ვიღაცის დასახმარებლად და საშველად გარბის... ძმაკაცების სული და გულია, მათთვის არაფერი ენანება.
სამაგიეროდ, საკუთარ ოჯახში ტირანივით ან უფრო უკეთესი, გადამფრენი ფრინველივით იქცევა. პერიოდულად ათევს ღამეს და დილით ისევ "გადაუდებელ საქმეებზე" გარბის, რომლებიც არა და არ თავდება.
იხილეთ სრულად: astrologi.ge