ადამიანების დიდი ნაწილი ჩვენ გარშემო მარტოოდენ ვირტუალური ურთიერთობებით შემოიფარგლება და ხშირად განიცდის აბსოლუტურ სულიერ მარტოობას თუნდაც დაოჯახებული ან წყვილში მყოფი.
სიყვარული ისეთი თემაა, რომელზე მსჯელობაც შორს წაგვიყვანს და არც ჩვენი საიტის ფორმატი გახლავთ შესაბამისი ფილოსოფიური საუბრებისთვის განკუთვნილი. თუმცა, თუკი ასტროლოგიურად მოვუძებნით ნებისმიერ მოვლენას ახსნას, უნდა დავფიქრდეთ იმაზეც, რომ იქნებ იქ არ ვეძებთ იმ ერთადერთს და განუმეორებელს, ვინც ჩვენი "ჭეშმარიტი მეორე ნახევარია"?
ასტროლოგებს მიაჩნიათ, რომ მეუღლეები ხშირად საერთო ინტერესების სფეროს გავლენითაც ახერხებენ ხანგრძლივად შეინარჩუნონ ჰარმონია ოჯახში. ამიტომ შესაფერისი პარტნიორის მონახვაც ზოდიაქოს ნიშნიდან გამომდინარე შეგიძლიათ სცადოთ. მერწმუნეთ, ხშირ შემთხვევაში ეს მართლაც ამართლებს.
ვერძი თუ ხართ, ე.ი. მამაცი, უშიშარი და ენერგიული ადამიანებით იხიბლებით. ეძებეთ თქვენი რჩეული სპორტსმენებსა და მოცეკვავეებს შორის, სამხედრო პოლიგონზე, გოლფის მოედანზე ან სულაც მოტო-მოყვარულთა კლუბში.
კუროს მშვიდი და გაწონაწორებული ხალხი მოეწონება. ამასთან, ფინანსურად შემდგარი და არამფლანგველი. საუკეთესო ვარიანტი მეორე ნახევრის მოსაძებნად არის ბანკი, საფინანსო ორგანიზაციები, ასევე, კულინარიის კურსები (ცნობილი ფაქტია, კუროები გურმანები არიან ბუნებით) ან პიკნიკი მეგობრებთან ერთად, მწვანე გარემოში კუროს მმართველი პლანეტა ვენერა ერთიორად იღვიძებს. ზემოხსენებული ვენერაა ზუსტად სიყვარულზე პასუხისმგებელიც.
ტყუპი თუ ხართ, ცვალებადი, მოუსვენარი და ინტელექტუალურად საინტერესო პარტნიორი გესაჭიროებათ. ეძებეთ იგი ჟურნალისტებს, მწერლებს, ლიტერატურულ კრიტიკოსებს შორის. არანაკლებ მომგებიანია მეორე ნახევრის ძიება ავტომრბოლელთა შორის, იმიტომ, რომ ავტომობილები ნებისმიერი ტყუპის სისუსტეა.
კირჩხიბი თუ ხართ, ოჯახის, სიმშვიდის და სიმყუდროვის მოყვარული პარტნიორი გესაჭიროებათ. იგი აუცილებლად უნდა წააგავდეს რაღაცით თქვენს მშობლებს და რაც მთავარია, ამ უკანასკნელთა მოწონება უნდა დაიმსახუროს. ყველაზე ნაცადი გზა მეორე ნახევრის პოვნის სანათესაო წრეში გამართული შეხვედრებია. შესაძლოა, ბედი რომელიმე საგვარეულო დღესასწაულზეც გაიცნოთ.
ლომს გამორჩეული ვიზუალის მქონე, გულუხვი და კეთილი ადამიანები მოსწონს. თანაც ისეთი, ვინც მის წარმატებას და ინდივიდუალიზმს არასოდეს დაჩრდილავს საკუთარი მიღწევებით. ამიტომ კარგი იქნება, ბედი თქვენსავე თაყვანისმცემლებს შორის გეძებნათ. თუმცა, ამ მხრივ, ხელოვანი ხალხის გარემოცვა, ღამის კლუბი, საკონცერტო დარბაზი და დისკოთეკაც არანაკლებ გამოგადგებათ.
ქალწული მოწესრიგებულ, ჭკვიან და მზრუნველ პარტნიორს ეძებს, რომელიც ჰიგიენის ნორმებს ზედმიწევნით იცავს, ჯანსაღი კვების საკითხში ერკვევა და იშვიათად ანიავებს ფულს უთავბოლოდ. საუკეთესო ვარიანტია, საბედო მედ-პერსონალსა და ფიტნეს-ინსტრუქტორებს შორის ეძებოთ. ამ ხალხში ყველა ზემოხსენებული თვისებაა თავმოყრილი.
იხილეთ სრულად: astrologi.ge