წინ ვალენტინობის დღესასწაული გველის. ჰოდა, ჩვენი საიტის მკითხველებს, ტრადიციულად, საინტერესო TOP-ეულით გავახარებთ და ამჯერად ზოდიაქოს ყველაზე მოსიყვარულე, რომანტიკულ და სენტიმენტალურ ნიშნებზე ვისაუბრებთ.
ალბათ, იტყვით, სიყვარული ნებისმიერ ადამიანს შეუძლია და რა საჭიროა მათ შორის ამგვარი დიფერენცირებაო. გეთანხმებით, მაგრამ ხომ არსებობენ ადამიანები, ვისთვისაც სიყვარულის და პარტნიორის გარეშე ცხოვრება, უბრალოდ, წარმოუდგენელია? მაშინ, როცა არის ხალხი, ვის ცხოვრებაშიც პირადს და სამსახურს დაბალანსებული ადგილი უკავია, ზოგს კი საერთოდაც მარტოობა მოსწონს... მოკლედ, ასე, დღეს "ზოდიაქოს ქრონიკულ ვალენტინებზე" ვსაუბრობთ:
სიის სათავეში აუცილებლად უნდა მოვაქციოთ, როგორც ღირსეული და პატივცემული თამადა - ლომი. ლომები უზომოდ მოსიყვარულე და გულმხურვალე ინდივიდები არიან. სიყვარული ლომისთვის ცხოვრების ელექსირი და უმთავრესი სტიმულია. ამიტომაც გასაკვირი არაა, რატომ იცვლიან ლომები ხშირად რამოდენიმე პარტნიორს ან ოჯახს. თუ სიყვარული გახუნდა ან გაქრა, ლომი ახალი, უფრო მხურვალე და რაც მთავარია, უფრო მომაჯადოებელი გრძნობის საძებნელად მიეშურება.
სასწორი - რომანტიკის და სილამაზის გარეშე ცხოვრება ვერ წარმოუდგენია. ის ყველაფერში ჰარმონიას დაეძებს, სძულს კონფლიქტი და ჩხუბი. ამიტომ სასიყვარულო ურთიერთობაშიც მუდმივად ცდილობს, ოქროს შუალედი შეინარჩუნოს და პარტნიორთან კამათის გარეშე მოახერხოს ყოველთვის კომპრომისის პოვნა. თუმცა თუ ასე ვერ ხერხდება და მეორე ნახევარი არ მოდის დათმობაზე, სასწორი თავს ამგვარ სიტუაციაში დათრგუნულად და უბედურად ჩათვლის. შესაბამისად, ეცდება, სხვა, უფრო მოსიყვარულე და თბილი პარტნიორით ჩაანაცვლოს ძველი კავშირები. ამიტომ ვინც მეტ სითბოს და ჰარმონიას შესთავაზებს ურთიერთობაში, გულიც მისკენ გაუწევს ერთმნიშვნელოვნად.
იხილეთ სრულად: astrologi.ge