რა საფრთხეს უქმნის ქალს მიომა
რა საფრთხეს უქმნის ქალს მიომა
ჯანდაცვის მსოფლიო ორგანიზაციის მონაცემებით, ახალგაზრდა ქალების 60%-ზე მეტს ესა თუ ის გინეკოლოგიური დარღვევა აღენიშნება. ერთ-ერთი მათგანია საშვილოსნოს მიომაა

სპეციალისტთა აზრით, ის ყველაზე გავრცელებული კეთილთვისებიანი სიმსივნეა და 40-50 წლის ქალების დაახლოებით 25-30%-ს აქვს. რა აჩენს მიომას და არის თუ არა აუცილებელი მის მოსაცილებლად ქირურგიული ჩარევა?

გვესაუბრება გინეკოლოგი ლელა რუხაძე: - მიომა კეთილთვისებიანი წარმონაქმნია, რომელიც საშვილოსნოს კუნთოვან კედელზე იზრდება. მიომური კვანძების წარმოშობის მექანიზმი ჯერჯერობით ბოლომდე არ არის შესწავლილი, მაგრამ დადგენილია, რომ ესტროგენების სიჭარბე მიომას ზრდისთვის ხელსაყრელ პირობებს, ესტროგენების სინთეზს ქმნის, ანუ მნიშვნელობა აქვს დარღვევას და ამ ჰორმონების ზემოქმედებას საშვილოსნოს ტანის (მიომეტრიუმის) ქსოვილების მგრძნობელობაზე.

- რაზეა დამოკიდებული მიომას მკურნალობის ტაქტიკა?

- მრავალ ფაქტორზე: მიომას ზომაზე, ადგილმდებარეობაზე, ზრდის ინტენსივობაზე, ქალის ასაკზე, შვილოსნობაზე და სხვ. ზოგჯერ მიომა მკურნალობის გარეშე რეგრესირებს, ანუ პატარავდება და გაიწოვება.

თუ მიომა მცირე ზომისაა, მკურნალობა ძირითადად პროგესტერონის ჯგუფის პრეპარატებით მიმდინარეობს, მაგრამ თუ წარმონაქმნმა საშვილოსნოს ღრუს დეფორმაცია გამოიწვია, საჭიროა ქირურგიული ჩარევა - მიომექტომია (მიომას ამოკვეთა).

არსებობს მიომას მკურნალობის კონსერვატიული მეთოდებიც - სპეციალური მედიკამენტები ძირითადად საკვერცხეების ფუნქციაზე მოქმედებს და ხელს უწყობს მიომას ზრდის შეჩერებას ან მისი ზომის შემცირებას, თუმცა მისი სრული გაქრობა არ ხდება.

არსებობს კიდევ ერთი მეთოდი - მიომას ემბოლიზაცია: იმ სისხლძარღვების ბლოკირება, რომლებიც კვებავენ ამ წარმონაქმნს, შედეგად კი მიომას ქსოვილი "კვდება".
ზოგიერთი მიომა პატარაა, მაგრამ სისხლმდენია და ანემიას იწვევს. ამ შემთხვევაშიც ამოკვეთაა საჭირო.

მიომა, წესისამებრ, რეპროდუქციულ ასაკში ვითარდება, კლიმაქსურ პერიოდში კი უკუგანვითარებას განიცდის, ვინაიდან ესტროგენების რაოდენობა მცირდება. თუმცა არის შემთხვევები, როდესაც მიომური კვანძები კლიმაქსურ პერიოდშიც იზრდება. ასეთ შემთხვევაში ქირურგიული ჩარევა აუცილებელია.

- ექიმები მიომათი დაავადებულ ქალებს ხშირად დაორსულებას ურჩევენ. რატომ?

- ორსულობის პერიოდში, ანუ მთელი ცხრა თვის განმავლობაში, ეს წარმონაქმნი პროგესტერონის (ქალის სასქესო ჰორმონის) ზემოქმედებას განიცდის და პროგნოზიც კეთილსაიმედოა.

- მიომური კვანძი გაუთხოვარ ქალსაც შეიძლება გაუჩნდეს?


- გამორიცხული არ არის. მისი პირველი სიმპტომებია არარეგულარული მენსტრუალური ციკლი და სისხლიანი გამონადენი ციკლის შუალედში. ცხადია, ეს სიმპტომები მიომას არსებობაზე ყოველთვის არ მიგვანიშნებს, მაგრამ ექიმის კონსულტაცია და ექოსკოპიური დათვალიერება მაინც აუცილებელია.

ყოველგვარი ჰორმონული დარღვევა, რომელიც მენსტრუალური ციკლის მოშლით ვლინდება - ტკივილი თუ გამონადენი - ყურადსაღებია. დაგვიანებულ დიაგნოზს ხშირად დაავადების გართულებამდე და უშვილობამდე მივყავართ.

მინდა, ქალბატონებს კიდევ ერთი რჩევა მივცე: როდესაც საშვილოსნოში მიომური კვანძებია, ყურადღებას ითხოვს სარძევე ჯირკვალიც, რადგან მიომური კვანძების ფონზე მასში ხშირად წარმოიქმნება ფიბროადენომა.


- მიომას ამოკვეთისას ხშირად საშვილოსნოს ამოკვეთასაც მიიჩნევენ საჭიროდ.

- როდესაც მიომა დიდი ზომისაა და მეტისმეტად ახლოს არის საშვილოსნოს ყელთან, ის სისხლმდენია და საფრთხეს უქმნის ქალის ჯანმრთელობას. თუ ქალს უკვე ჰყავს შვილები და მეტი შვილის გაჩენას აღარ აპირებს, არ აქვს აზრი კონსერვატიულ მკურნალობას, რომელმაც დროთა განმავლობაში შესაძლოა უკუშედეგიც კი გამოიღოს.

ასეთ შემთხვევაში მიომა საშვილოსნოსთან ერთად უნდა ამოიკვეთოს. მთავარია, ქალს შევუნარჩუნოთ საკვერცხე, რომელიც ჰორმონული ორგანოა და თავის ფუნქციას კვლავ შეასრულებს. როდესაც პაციენტი ახალგაზრდა, გასათხოვარი ქალია, ოპერაციის შემთხვევაში ყოველ ღონეს ხმარობენ, რომ მას საშვილოსნო შეუნარჩუნონ, მაგრამ ოპერაციის შემდეგ ასეთ პაციენტს მეთვალყურეობა სჭირდება.

- მიომა ყოველთვის კეთილთვისებიანია?

- მიომური კვანძების ბევრი სახეობა არსებობს. მათი უმრავლესობა კეთილთვისებიანია, თუმცა ეს იმას არ ნიშნავს, რომ წარმონაქმნი უყურადღებოდ დავტოვოთ, მით უმეტეს - თუ ის იზრდება და სისხლმდენია.

ქალბატონებმა ნებისმიერი არასასურველი სიმპტომის აღმოჩენისას, დაავადების გართულება თავიდან რომ აიცილონ., უნდა ჩაიტარონ გამოკვლევა (თუნდაც ექოსკოპიური). ალერგენების დეტექტორი

ლიკა კერატიშვილი
გაზეთი "ყველა სიახლე"
(გამოდის ოთხშაბათობით)
კომენტარები (2)
ნანა
ამომწურავი იფორმაციაა და გასაგები.ძალიან მაინტერესებს მიომა რომელიც იყო მოწყვეტილი დაჩირქდა და წარმოიშვა პერტონიტი შესაძლებელია თუ არა ისევ განვითარდეს
თამრიკო
წავიკითხე და კმაყოფილი დავრჩი. რაც მაინტერესებდა - გავიგე. მადლობთ
ვიდეო სიახლეები
ამ კატეგორიების სხვა სიახლეები
ცივ წყალს საჭმლის საწამლავად გადაქცევა შეუძლია
17:24 / 17-11-2014
რენტგენოლოგებმა ექსპერიმენტი ჩაატარეს და რამდენიმეწლიანი კვლევის შედეგად დაადგინეს, რომ თუ საკვებს ცივ სასმელს (ყინულიანი წყალი, "კოკა-კოლა", "პეპსი") მივაყოლებთ, საკვები კუჭში მოსანელებლად 4-5 საათს კი არ გასტანს, არამედ 20 წუთს.
ვარსკვლავები, რომლებმაც შაქარზე უარი თქვეს და ეს მათ სხეულებსაც დაეტყოთ
12:56 / 07-11-2014
მეცნიერები ცდილობენ, არარაფინირებული შაქრის სასარგებლო თვისებები დაამტკიცონ, მაგრამ უკვე მრავალმა ვარსკვლავმა უარი თქვა მის მიღებაზე.
როგორ გავიწმინდოთ ღვიძლი ქიშმიშით?
10:18 / 13-10-2014
ქიშმიშით ღვიძლის გაწმენდა მარტივი და უმტკივნეულო მეთოდია. მას უკუჩვენება არა აქვს. სცადეთ და თავად დარწმუნდით მის ეფექტიანობაში.
როგორ ამოვიცნოთ ფალსიფიცირებული მაწონი
12:25 / 02-09-2014
მაწონი ქართული ნაციონალური რძემჟავა პროდუქტია. დღეს საქართველოს ბაზარზე არსებული მაწონი მთლიანად საქართველოშია დამზადებული.
საქართველოში პოპულარული წამალი, რომელსაც ბავშვების სიცოცხლე შეეწირა - ტკივილგამაყუჩებლის ფატალური ეფექტები
12:51 / 15-08-2014
საქართველოს ჯანდაცვის სამინისტრომ განაცხადა, რომ მრავალი მედიკამენტი, რომელიც აქამდე აფთიაქებში ჩვეულებრივად იყიდებოდა, შეიცვლის სტატუსს და მათი ყიდვა მხოლოდ რეცეპტით გახდება შესაძლებელი.
ხალხური საშუალებები მარილების და სხეულზე კაპილარების მოსაშორებლად
15:29 / 06-08-2014
ფიჭვი და ასკილი - აურიეთ ერთმანეთში 10 ს.კ. წვრილად დაჭრილი ფიჭვის წიწვები და 5 ს.კ. დაქუცმაცებული ასკილი.
"ფულის ხე" - კურნავს ჰერპესს, ანგინას, ართრიტს, ახორცებს ჭრილობებს
14:00 / 03-08-2014
შემჩნეულია, რომ "ფულის ხე" ძლიერ რეაგირებს იმ ადამიანების ჯანმრთელობის მდგომარეობაზე, რომლებსაც სახლში ეს ჯადოსნური მცენარე აქვთ გახარებული.
ფარისებრი ჯირკვლის (ჩიყვის) მკურნალობა ხალხური საშუალებებით
13:42 / 03-08-2014
1. 10 ლიმონის წვენი, 10 თავი წვრილადდაჭრილი ნიორი, 1 ლ ნატურალური თაფლი კარგად აურიეთ ერთმანეთში და დააყენეთ 7 დღის განმავლობაში. მიიღეთ აუჩქარებლად 4 ჩ.კ. დღეში ერთხელ. კურსი - 1 თვე, 1 თვე დაისვენეთ, შემდეგ გაიმეორეთ.
როგორ ვებრძოლოთ მწერებს ზაფხულში
11:48 / 28-07-2014
ჭიანჭველა - თუ ბინაში, აგარაკზე ჭიანჭველები გაჩნდნენ, იატაკზე, სადაც ისინი გროვდებიან, კიტრის კანები დაალაგეთ.
ალუბალი – დღეგრძელობისა და მარადიული ახალგაზრდობის ელექსირი
12:20 / 16-06-2014
სულ ახლახან მეცნიერები მივიდნენ დასკვნამდე, რომ ალუბლის წვენი – სიცოცხლისა და ახალგაზრდობის შეუცვლელი ელექსირია.
არქივის კალენდარი