შორენას ბლოგი: "ნეტა, ამ სურვილს ამისრულებდი?!"
შორენას ბლოგი: "ნეტა, ამ სურვილს ამისრულებდი?!"
განა არ ვიცი, რომ არ არსებობ?!.. – ვიცი, მაგრამ მაინც მინდა მოგიყვე... იმიტომ, რომ გული მაქვს გადალეული ამდენი დარდითა და ფიქრით... გუშინ ფსიქოლოგთან ჩავეწერე სკოლაში, მაგრამ ჯერ მისთვის არაფერი მითქვამს, მერიდება...

ბავშვები ამბობენ: კარგი ქალიაო, ყველას უგებსო. რა ვიცი, აბა, იქნებ მეც გამიგოს!.. მე თაზო ვარ. მე-8 კლასში ვსწავლობ. სახლში ვცხოვრობთ მე, დედა, ბებია (მამის დედა) და ჩემი 10 წლის და. მამაჩემი? - მამაჩემს კაცი შემოაკვდა გასულ ზაფხულს... იქ ვიყავი მეც. ჯერ სვამდნენ ვიტალასთან (მეზობელია ჩემი), მერე რაღაცა მიწების ამბავზე თუ საქონელზე, კარგად არ ვიცი, დაიწყეს კამათი. მერე კიდე - ჩხუბი და გინება. ის კაცი ვიტალას ნათესავია და სტუმრად იყო მისული ოჯახში. ამიტომ მამაჩემი გაამტყუნა ყველამ: სტუმარი კაცია და უნდა მოუთმინოო. იმ სტუმარმა კიდე გარეთ გაიყვანა და იქაც ყვიროდნენ. მერე დავინახე, მამაჩემს როგორ მოხვდა სახეში იმ კაცის ხელი და წაბორძიკდა. მგონი, ცხვირიდან სისხლიც წამოუვიდა. იმ კაცმა წიხლიც მოუქნია მუცელში და კიდევ დაარტყა გამეტებით რამდენჯერმე, თან ცოლს და დედას აგინებდა. მეზობლებმა გააშველეს... სტუმარი კი არ წყნარდებოდა და მამაჩემს "ახვარს", "ნაბოზარს" და ისეთ სიტყვებს ეძახდა, ვერ გავიმეორებ... ზუსტად არ მახსოვს, რა როგორ მოხდა – იმდენი ვინერვიულე ამაზე – მაგრამ ის კი კარგად დავინახე, როგორ შევარდა სახლში მამაჩემი და გამოიტანა თოფი... აი, ისა – ჩემთვის რომ უნდა ეჩუქებინა დიდობაში... ეგრევე დაუმიზნა და ესროლა... სახე მახსოვს მამაჩემისა – სულ გადაწითლებული სიბრაზისა და სისხლისგან... და კანკალი... – ისე კანკალებდა, მეგონა, თოფი ხელიდან გაუვარდებოდა, ან ააცილებდა მაინც... მაგრამ არ ააცილა! რას ააცილებდა – მამაჩემი ყველაზე მაგარი მონადირეა მთელ ჩვენს კუთხეში.

ახლა კიდევ რა მიშავს – მოყოლა შემიძლია, მაგრამ მაშინ ლაპარაკიც არ შემეძლო კარგად, რამდენიმე კვირა ხმა არ ამომიღია, მუნჯივით თავს ვაქნევდი მარტო... ძალიან ცუდი სანახავი ყოფილა კაცის სიკვდილი!.. მამაჩემიც ცუდი სანახავი იყო – მოიქნია ის თოფი, ღობის ძირში გადააგდო და უკანმოუხედავად გაიქცა... შიშისგან კი არა, ალბათ, კაცის სიკვდილის ნახვა არ უნდოდა!.. ამ ამბის შემდეგ რაღაცნაირად მიყურებენ სკოლაში – დიდი ბიჭები უცნაურად ჩაიცინებენ ხოლმე, სადმე ჩხუბში თუ გამოვჩნდები... ჩემი ტოლები უფრო მერიდებიან. მეც კიდე აღარ ვერევი, ყოველთვის თავს ვარიდებ ჩხუბს იმიტომ, რომ ვიცი, მაინც მე დამბრალდება ყველაფერი. მასწავლებლებს, ეტყობა, ვეცოდები რაღაცნაირად. ისეთი საწყალი თვალებით მიყურებენ, დიდი ხმით დაყვირება მინდება. გოგოები თავიდან ცოტას იფხუკებოდნენ, მაგრამ ახლა გული მოუბრუნდათ ჩემზე და ზოგიერთს ჩემი "დეიდობაც" მოუნდა. მოკლედ, სულ არ მინდა სკოლაში სიარული, მაგრამ რა ვქნა! – მამაჩემი ციხიდან კაი ხანს ვერ გამოვა, მარტო დედას კიდე, აბა, რა შეუძლია – მთელი დღე გაწყვეტილია ბაღ-ბოსტანში მუშაობით. ამიტომ კარგად უნდა ვისწავლო, რომ უმაღლესში უფასოზე მოვხვდე და რამე პროფესია შევიძინო, თორემ მარტო მიწის მუშაობით არაფერი გამოდის.

აი, მე, დედაჩემი და ბებიაჩემი დილის ექვსი
You must have Flash Player installed in order to see this player.
საათიდან ხან ყანაში ვართ, ხან ვენახში და ხანაც ბაღ-ბოსტანში, მაგრამ მაინც დახეული ტუფლით დავდივარ და ტანსაცმელსაც სულ "მეორადებში" გვყიდულობს დედა. ძროხა კი გვყავს, მაგრამ რა ხანია, რძე-მაწონი და ყველი თვალით არ მინახავს, კვირაობით ბაზარში მიაქვს ბებიაჩემს და ყიდის. ეს ბებიაჩემი კიდე ცალკე თემაა - სულ ნერვებს უშლის დედას! შენაო, თბილ ლოგინში მაინც წევხარ და ტკბილ ლუკმას მიირთმევ, ჩემს შვილს კიდენა აყროლებულ ციხეში ულპება ფილტვებიო!.. ნუ გეშინია, არ აკლებს დედაჩემიც! – მაგას რომ ნამუსი ჰქონოდაო, კაცის სისხლს არ დაიდებდა და ბავშვებს არ ჩაყრიდა ამ დღეშიო – მკვლელის შვილის სახელით უნდა იარონ მთელი ცხოვრებაო! სიმართლე გითხრა, მე უკვე აღარ მანაღვლებს, მკვლელის შვილის სახელი მერქმევა თუ სხვა რამე – ყელში ისე ამომიყვანეს, მაგრამ შევღონდი ამათი ჩხუბით: დღე ერთია და ბარე ათჯერ დაერევიან ერთმანეთს. სულ ორომტრიალი და უბედურებაა! შემაძულეს საკუთარი თავიც და ის დალოცვილი მამაჩემიც... ნეტა, სახლში არ მიმიყვანა და!.. მაგრამ წასასვლელი რომ არსად მაქვს, სულ მეზობლებში ხომ არ ვეგდები?! დაღამებამდე გარეთ დავყიალობ და მერე მომდგებიან: სად დაეთრევიო, გზას არ ასცდეო... შენც ჭირად არ გაგვიხდეო! – აზრზე ხარ?! – საკუთარ თავს ჩივიან, მე კი არა! მეც სულ ნერვებზე ვარ!.. იმ დღეს გამაშაყირა მერაბამ: შენაო ნერვიული იქნები, აბა რა, ისეთ ასაკში ხარ, ახლა ღამეები არ დაგეძინება, სულ ტიტველი ქალები მოგელანდებაო!.. ქალები კი არა! ერთი სული მაქვს, როდის გავხდები თვრამეტის, რომ ჩემ გზას დავადგე და მოვშორდე აქაურობას, მაგრამ ხანდახან მრცხვენია ამის გაფიქრებაზე – ვის დავუტოვო ჩემი აწეწილი ოჯახი?! მამა რომ გამოვა, შეიძლება, არც მისაყვედუროს, მაგრამ მე ხომ ჩემი ნამუსი მაქვს, არა?!

აი, ასეთი არეული ვარ და ამიტომაც ჩავეწერე ფსიქოლოგთან. ამბობენ: კარგი ქალიაო... იქნება ეკლესიაშიც დავიწყო სიარული. გიორგამ მითხრა (სტიქაროსანია ჩვენი სოფლის ტაძარში და ჩემი ძმაკაცი): ბიჭო, მოდიო, მამაო ჯიგარი კაციაო, შვილივით მიგიღებსო. რა ვიცი აბა, მეთქი... მკვლელის შვილი რომ ხარ, უფრო მაგიტომაც უნდა მოხვიდეო, შენზე და შენებზე რომ არ გადმოვიდეს ცოდვაო... ვიფიქრებ, რავი... შენც ამიტომ გიყვები ჩემს ამბავს, თორემ განა არ ვიცი, რომ არ არსებობ, გამოგონილი ხარ... მაგრამ მაინც მინდა მოგიყვე... იმიტომ, რომ გული მაქვს გადალეული ამდენი დარდითა და ფიქრით... მაგრამ შენ ხომ ყველა საჩუქარს გთხოვს! მე კი არ მინდა შენი საჩუქარი! მარტო ის მინდა, ღამე მშვიდად დავიძინო, როგორც ადრე, როცა ძილის წინ ჩემ სკოლელ ნათიაზე ვფიქრობდი, და დილით ასევე მშვიდად გავიღვიძო გულზე მძიმე დარდის გარეშე... ნეტა, რომ არსებობდე, ამ სურვილს ამისრულებდი?!


კომენტარები (1)
ნინო
გული ამიდუღა შენმა წერილმა.უფალს ვთხოვ.ყველა კარგი სურვილი აგისრულოს.მჯერა ასეც იქნება.შენ ისეთი ლამაზი და ძლიერი სულის ბიჭი ჩანხარ
ბავშვის ფიზიკური განვითარება
წონა დაბადებისას :
გრ
სიმაღლე დაბადებისას :
სმ
თავის გარშემოწერილობა დაბადებისას :
სმ
თვე
ამ კატეგორიების სხვა სიახლეები
ჩემი პირველი სიყვარულის უცნაური ისტორია - გურამ შეროზიას ბლოგი
10:44 / 22-02-2017
მაშინ დაკომპლექსებული და შებოჭილი ბიჭი ვიყავი, მსუბუქ რეფრენად გამოყოლილი მეგრული აქცენტით, წიგნებში თავჩაკლული და ვიზუალურად სრულიად გაურკვეველი, ჩამოუყალიბებელი, მოუვლელი.
”ბედის ირონია” ქართულად
13:58 / 20-02-2017
მართლა ცუდი შეგრძნება ყოფილა, როდესაც დილით იმ ადგილას იღვიძებ, სადაც წესით, არ უნდა ყოფილიყავი და თავში ყველა მოვლენის აღდგენას ცდილობ.
შორენას ბლოგი: „აუ, შენ რა სექსი ხარ!“
17:59 / 17-02-2017
ერთი ნაცნობი მიყვებოდა, როგორ არასწორად ესმით ქართველ ქალებს კომპლიმენტის მნიშვნელობა და ზოგჯერ შეურაცხყოფადაც იღებენ. ის ახალი დაბრუნებულია ჩრდილოეთის მეზობელი ქვეყნიდან და როგორც თავად ამბობს, იქაური ჩვევები აქვს გამოყოლილი.
თეა’ს ბლოგი: ქალი-კატა
15:30 / 17-02-2017
მეათე კლასში რომ ვიყავი, დედაჩემის მეგობარმა გერმანიიდან შავი ვიწრო ტყავის შარვალი ჩამომიტანა.
დღეს სურბ-სარქისის ღამეა - როგორ ვნახოთ სიზმარში საბედო?
11:45 / 17-02-2017
ამბობენ, რომ „ბუნებას არა აქვს ცუდი ამინდიო“, მაგრამ ბევრი არ დაეთანხმება ამ გამონათქვამს.
კიდევ 16 სამარცხვინო გრამატიკული შეცდომა
10:50 / 17-02-2017
პირველ ათ სიტყვაზე უკვე ვისაუბრეთ. დროა, წავიდეთ უფრო წინ და სხვა სიტყვებიც განვავითაროთ.
შორენას ბლოგი: მე რომ კაცი ვიყო...
11:22 / 14-02-2017
ბავშვობიდან მეგონა, რომ კაცობა ძალიან ძნელია. ასე მეგონა განსაკუთრებით მაშინ, როცა სამუშაოდან მობრუნებული მამაჩემის დაღლილ სახეს და ნაჯაფ ხელებს შევხედავდი, როცა მწყობრად მომავალ ჯარისკაცებს დავინახავდი, როცა ფიგურული სრიალის ყურებისას აღტაცებით ვუცქერდი, როგორ აიტაცებდა პარტნიორი გოგონას და კარგა დიდ მანძილზე გადაისვრიდა, ის კი, ვითომც არაფერი, ოთხმაგ ბრუნს აკეთებდა...
შორენას ბლოგი: რას შეიძლება გადააწყდეთ თბილისში ვალენტინობის ღამეს
13:33 / 11-02-2017
მგონი, ადრეც გითხარით, რომ ცხოვრებისეულ სიტუაციებზე დაკვირვება მიყვარს და პატარ-პატარა დეტალები დიდხანს არ მავიწყდება. ახლა რასაც გიამბობთ, სხვადასხვა დროს ვალენტინობის დღეს მაქვს ნანახი. ნუ იფიქრებთ, რომ ვინმეს საქციელის გარჩევას ან მით უმეტეს, გაკიცხვას ვაპირებდე, მე გიამბობთ და დასკვნები თავად გააკეთეთ.
სააღდგომო ტური ისრაელში საპატრიარქოსგან, სტანდარტულზე სამჯერ უფრო ძვირად!
11:36 / 10-02-2017
შარშანწინ, მაისის თვეში, როცა გავიგე, რომ 26 მაისი სამშაბათი იყო და ერთადერთი დეი ოფით – 4 -დღიანი დასვენების მოწყობა შემეძლო, მომენტალურად დავიწყე ბილეთების ძებნა.
მიყვარხარ! - შენი ვალენტინი...
12:00 / 09-02-2017
არა, რა... დაილოცა ჩვენებური ვალენტინობა! დილით გაგზავნი 3 თეთრიან სმს-ს, ან უფასო ფეისბუკზე დაასტატუსებ მილოცვას, შუადღეს დედას ან მამას "დეიდებო, ბიძიებოს" უმღერი, საღამოს ერთ პლასტმასის ვარდს იღლიაში ამოიჩრი და წავიდა სეირნობა რუსთაველი-თავისუფლების მიმართულებიიიით!..
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი