დღეს სურბ-სარქისის ღამეა - როგორ ვნახოთ სიზმარში საბედო?
დღეს სურბ-სარქისის ღამეა - როგორ ვნახოთ სიზმარში საბედო?
ამბობენ, რომ „ბუნებას არა აქვს ცუდი ამინდიო“, მაგრამ ბევრი არ დაეთანხმება ამ გამონათქვამს. ბევრისთვის (ერთ-ერთი მე ვარ) ზამთარი ნამდვილი ტანჯვაა. ძნელია, იყო კარგ ხასიათზე, როდესაც ფანჯრიდან ნაცრისფერი ცა მოჩანს და ტანზე სიცივისაგან წარმოსახვითი ჭიანჭველები დაგდიან. ამ დროს არაფრის კეთება არ გინდა და აპათია და სიზარმაცე გიპყრობს. ერთადერთი აზრი – რაც შეიძლება მალე მიაღწიო სახლში, ჩაიცვა თბილი წინდები და ცხელ ჩაის ჭიქასთან ერთად, პლედში გახვეული ტელევიზორის წინ, სავარძელში ჩაეფლო.

ისე, კარგად რომ დაუფიქრდე, ზამთარი ჩვენთან სამი კი არა, მთელი ხუთი თვე გრძელდება, მაგრამ თუ ვიფიქრებთ, რომ ეს წელიწადის ყველაზე საშინელი, ბნელი და ცივი დროა, მაშინ დეპრესია შემოგვიტევს. ფსიქოლოგიურად უნდა განვეწყოთ, რომ თბილ ქვეყნებში ვერ გავემგზავრებით და „გადარჩენისათვის“ ბრძოლა მოგვიწევს.

ყველაზე მეტად თებერვალი არ მიყვარს, რადგან თითქმის სულ ქარია. ბავშვობაში ვიღაცამ მომიყვა „სურბ სარქისის“ ლეგენდა და ღრმად მჯეროდა, რომ თებერვლის ქარების მიზეზი სწორედ ის იყო. კალენდარს შევხედე. მახსოვს, რომ ახლა სურბ სარქისის დღეებია. პარასკევი ღამე კი მარილიანი კვერების რიტუალის დროა! დღეს სწორედ პარასკევია. ჩემი შარშანდელი მცდელობა გამახსენდა. მკითხაობების დიდად არ მწამს, მაგრამ  მახსოვს, ცნობისმოყვარეობამ ამიტანა და „დავგუგლე“:

სომხური ლეგენდის თანახმად, წმინდა სარქისმა თებერვალში მოიტაცა ბერძენი ელენა. მამამ მდევრები დაადევნა, მაგრამ ამოვარდა საშინელი ქარბუქი და რამდენიმე დღე გაგრძელდა. მდევრებმა ქალი ვეღარ დაიბრუნეს.

თუ პარასკევს საღამოს, ტაფაზე გამოაცხობ მარილიან კვერს (2 სუფრის კოვზი ფქვილი, 1 სავსე ჩაის კოვზი მარილი და ცოტა წყალი), ძილის წინ შეჭამ, ისე, რომ ზედ არაფერი დააყოლო და დაიძინებ, შაბათს გამთენიისას დაგესიზმრება წინასწარმეტყველური სიზმარი, რომელიც უნდა დაიმახსოვრო. ვინც სიზმარში წყალს დაგალევინებს, ის იქნება შენი ბედი. სასურველია, კვერი ქვრივმა ქალმა გამოაცხოს“.


ჩემი მეზობელი, ქვრივი ლაურა გამახსენდა, მეშვიდე სართულზე ავირბინე და კარზე მოკრძალებულად დავაკაკუნე. მახსოვს, ბავშვობაში სულ ვერიდებოდი ხოლმე. კაცივით ბოხი, ჩახრინწული ხმა და ძალიან თმიანი მკლავები ჰქონდა (იმ დროს ჯერ კიდევ არ იყო აქტუალურ ფაზაში ეპილაცია). ისე, რა საინტერესო ფენომენია ბავშვობაში განცდილი პატარ-პატარა შიშები და ფობიები. ახლა ხომ უკვე დიდი ვარ? მაგრამ უსიამოვნო განცდამ მაინც შემიპყრო. არადა, რა ვქნა? ძალიან მაინტერესებს, სიზმარში ვინ დამალევინებს წყალს. Embarassed

ლაურამ კარი მალევე გააღო. თავზე „ბიგუტები“ ეკეთა და ხალათი ეცვა.

–  ხომ მშვიდობაა, შვილო?

შეიცხადა და მარჯვენა ხელი გულზე მიიდო.

– კიი, კიი, ლაურა დეიდა! მშვიდობაა. უბრალოდ, თქვენთან უცნაური თხოვნა მაქვს! შეგიძლიათ, რომ საღამოს მარილიანი კვერი გამომიცხოთ? დღეს სურბ სარქისია და…

– უი, შენ რა გითხრა მე!

ბოხი ხმით „გადაიროხროხა“ („გადაიკისკისა“ არ შეესაბამება მის ხმის ტემბრს).

– საღამოსთვის გაგიკეთებ და ასე, შვიდისთვის ამოირბინე.

– რეცეპტი გითხრათ?

– ვიცი, ვიცი! ორი სომეხი დაქალი მყავდა, მაგის მეტი რა მიჭამია!

მადლობა ვუთხარი და კიბე გახარებულმა ჩავირბინე. რვის ხუთ წუთზე ისევ მის კარზე ვაკაკუნებდი. კვერი კარებშივე გამომაწოდა. ცალ მხარეს დასწვია, მაგრამ მე მაინც მადლობა გადავუხადე. ჩემი
You must have Flash Player installed in order to see this player.
მოუთმენელი ხასიათის რა ვთქვი, ძილამდე ვერ მოვისვენე და რვა საათზე შევჭამე. Yell

ლაურამ ალბათ სასიკვდილოდ გამიმეტა. მე მგონი, ფქვილის და მარილის დოზები ერთმანეთში აერია და პირიქით გამოაცხო. მსგავსი საზიზღრობა ცხოვრებაში არ მიგემია! გაჭირვებით გადავყლაპე. სანამ დამეძინა, ტანჯვისაგან მოვკვდი. სიზმარში კი ვნახე, ვითომ მინდორში ვიდექი და გარს ძალიან ბევრი ბიჭი მეხვია. ყველა უცნობი იყო. სათითაოდ მოდიოდნენ და წყალს მასხამდნენ. Undecided

გაღვიძებისთანავე 2 ლიტრი წყალი დავლიე და ჩემს გათხოვილ დაქალს დავურეკე. სიზმარი რომ მოვუყევი, დამცინა – შენ ალბათ მეძავი გახდებიო. ნერვები მომეშალა. რისთვის ვიწვალე ამდენი? იმედია, წელს მაინც გამიმართლებს და ვინმე ღირსეული მამაკაცი დამალევინებს წყალს სიზმარში.  ღირსეული - იმიტომ, რომ იდეალურები არ არსებობენ. ამიტომ უნდა გიყვარდეთ მამაკაცი ისეთი, როგორიც არის! – მოიცა, მაგრამ თუ საერთოდ არ არის?

მაშინ, მაშინ… ადექით და ესესხეთ ბლომად ფული მას, ვინც მოგწონთ და ყურადღებას არ გაქცევთ. დაე, მაგ უნამუსომ 24 საათის განმავლობაში მხოლოდ თქვენზე იფიქროს!!!

გისურვებთ წარმატებას! Wink
კომენტარები (13)
დიანა
ესე რა თურმე შეიძლება ცოტა პოზიტივი:))
მაკო
ყ ო ჩ ა ღ კარგია. ვიხალისე. ყველამ თავის საქმე აკეთოს ჩუმად, წყნარად, ხარისხიანად და აღარც სხვები დაიგრუზებიან....
სალოო
აუუ დამაგვიანდა ანუ
ეთო
ბოლოში მაგრად ვიხალისე :D კარგი იდეაა :D
სოფიო
ძალიან კარგი სტატიააა სულ ჩემი ბავშობა გამახსენდა ათას რამეს ვაკეთებდით ბავშობაში რომ ჩვენი მომავალი საბედო დაგვენახაა :D :D
ბავშვის ფიზიკური განვითარება
წონა დაბადებისას :
გრ
სიმაღლე დაბადებისას :
სმ
თავის გარშემოწერილობა დაბადებისას :
სმ
თვე
ამ კატეგორიების სხვა სიახლეები
”ბედის ირონია” ქართულად
13:58 / 20-02-2017
მართლა ცუდი შეგრძნება ყოფილა, როდესაც დილით იმ ადგილას იღვიძებ, სადაც წესით, არ უნდა ყოფილიყავი და თავში ყველა მოვლენის აღდგენას ცდილობ.
შორენას ბლოგი: „აუ, შენ რა სექსი ხარ!“
17:59 / 17-02-2017
ერთი ნაცნობი მიყვებოდა, როგორ არასწორად ესმით ქართველ ქალებს კომპლიმენტის მნიშვნელობა და ზოგჯერ შეურაცხყოფადაც იღებენ. ის ახალი დაბრუნებულია ჩრდილოეთის მეზობელი ქვეყნიდან და როგორც თავად ამბობს, იქაური ჩვევები აქვს გამოყოლილი.
თეა’ს ბლოგი: ქალი-კატა
15:30 / 17-02-2017
მეათე კლასში რომ ვიყავი, დედაჩემის მეგობარმა გერმანიიდან შავი ვიწრო ტყავის შარვალი ჩამომიტანა.
კიდევ 16 სამარცხვინო გრამატიკული შეცდომა
10:50 / 17-02-2017
პირველ ათ სიტყვაზე უკვე ვისაუბრეთ. დროა, წავიდეთ უფრო წინ და სხვა სიტყვებიც განვავითაროთ.
შორენას ბლოგი: მე რომ კაცი ვიყო...
11:22 / 14-02-2017
ბავშვობიდან მეგონა, რომ კაცობა ძალიან ძნელია. ასე მეგონა განსაკუთრებით მაშინ, როცა სამუშაოდან მობრუნებული მამაჩემის დაღლილ სახეს და ნაჯაფ ხელებს შევხედავდი, როცა მწყობრად მომავალ ჯარისკაცებს დავინახავდი, როცა ფიგურული სრიალის ყურებისას აღტაცებით ვუცქერდი, როგორ აიტაცებდა პარტნიორი გოგონას და კარგა დიდ მანძილზე გადაისვრიდა, ის კი, ვითომც არაფერი, ოთხმაგ ბრუნს აკეთებდა...
შორენას ბლოგი: რას შეიძლება გადააწყდეთ თბილისში ვალენტინობის ღამეს
13:33 / 11-02-2017
მგონი, ადრეც გითხარით, რომ ცხოვრებისეულ სიტუაციებზე დაკვირვება მიყვარს და პატარ-პატარა დეტალები დიდხანს არ მავიწყდება. ახლა რასაც გიამბობთ, სხვადასხვა დროს ვალენტინობის დღეს მაქვს ნანახი. ნუ იფიქრებთ, რომ ვინმეს საქციელის გარჩევას ან მით უმეტეს, გაკიცხვას ვაპირებდე, მე გიამბობთ და დასკვნები თავად გააკეთეთ.
სააღდგომო ტური ისრაელში საპატრიარქოსგან, სტანდარტულზე სამჯერ უფრო ძვირად!
11:36 / 10-02-2017
შარშანწინ, მაისის თვეში, როცა გავიგე, რომ 26 მაისი სამშაბათი იყო და ერთადერთი დეი ოფით – 4 -დღიანი დასვენების მოწყობა შემეძლო, მომენტალურად დავიწყე ბილეთების ძებნა.
მიყვარხარ! - შენი ვალენტინი...
12:00 / 09-02-2017
არა, რა... დაილოცა ჩვენებური ვალენტინობა! დილით გაგზავნი 3 თეთრიან სმს-ს, ან უფასო ფეისბუკზე დაასტატუსებ მილოცვას, შუადღეს დედას ან მამას "დეიდებო, ბიძიებოს" უმღერი, საღამოს ერთ პლასტმასის ვარდს იღლიაში ამოიჩრი და წავიდა სეირნობა რუსთაველი-თავისუფლების მიმართულებიიიით!..
გურამ შეროზიას ბლოგი: 9 ამოუხსნელი ქართული ფენომენი, რომელიც შოკში ჩაგაგდებთ
10:27 / 08-02-2017
დედამიწაზე უამრავი ამოუხსნელი მოვლენაა, რაზეც ადამიანებს პასუხი არ გვაქვს, ფიქრით თავსაც ნაკლებად ვიღლით, ან ტვინს ვიჭყლეტთ და პასუხს ვეღარ ვპოულობთ.
 საპაემნო თრილერი
22:16 / 06-02-2017
- ყავას დალევ?- არაა, ჩაისტი ვარ!- ერთი ყავა და ერთი ჩაი, თუ შეიძლება...
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი