შორენას ბლოგი: „აუ, შენ რა სექსი ხარ!“
შორენას ბლოგი: „აუ, შენ რა სექსი ხარ!“
ერთი ნაცნობი მიყვებოდა, როგორ არასწორად ესმით ქართველ ქალებს კომპლიმენტის მნიშვნელობა და ზოგჯერ შეურაცხყოფადაც იღებენ. ის ახალი დაბრუნებულია ჩრდილოეთის მეზობელი ქვეყნიდან და როგორც თავად ამბობს, იქაური ჩვევები აქვს გამოყოლილი.

ამას წინათ ერთ ლამაზ გოგონას, რომელიც კიბეზე ნარნარად ჩამოდიოდა, მთელი გზნებით მიაძახა: „აუ, შენ რა სექსი ხარ!“ როგორ ფიქრობთ, რა უპასუხა გოგონამ? - მან მისი აღტკინებული მზერა და ტემპერამენტი სულ ფეხზე დაიკიდა და ისე გაიარა, თითქოს, არც კი გაუგია, უფრო ამაყად გამართა ლამაზი წელი და თავისი გრძელი ფეხები. ამ კომპლიმენტმა საქართველოში არც მეორე შემთხვევაში გაამართლა. გაამართლა კი არა, მის ავტორს კინაღამ სანანებლად გაუხდა, რადგან ამჯერად ადრესატმა ისე გამოლანძღა, სულ „ავადმყოფი“ და „პათოლოგი“ ეძახა! ამის შემდეგ ჩემმა ნაცნობმა ჩათვალა, რომ ქართველ ქალებს კომპლიმენტის არაფერი ესმით!

სხვათა შორის, ეს მეც შემინიშნავს. მაგალითად: ახლობელი ან კოლეგა შესანიშნავად გამოიყურება, გინდა, შეაქო, ასიამოვნო და გულწრფელად ეუბნები: „რა მაგრად გამოიყურები“, „რა ლამაზი ხარ დღეს“, „როგორ გიხდება!“ - ის კი რატომღაც გპასუხობს: „კარგი რა, დღეს საშინლად გამოვიყურები!“ ან მთლად უარესი: „რა სისულელეა! მატყუებ!“ გარდა იმისა, რომ ეს ცალსახად უტაქტობაა, გამოდის, რომ ადამიანს ან საკუთარი თავის არ სჯერა, ან შენი გულწრფელობის! არადა, ქალის ნათქვამ კომპლიმენტს სულ სხვა ფასი აქვს! - და თითქოს, ეს ყველა ქალმა იცის... Smile

თუმცა, კომპლიმენტიცაა და კომპლიმენტიც. ზოგიერთი პიროვნული კეთილგანწყობის გამოხატვა კი არა, ლამის სექსუალური აქტის წარმოდგენაა თავისი მანერითა და ინტონაციით...Smile) და გასაგებია, ქალები ამას შეურაცხყოფად რატომაც იღებენ, თუმცა, არსებობენ ისეთებიც, რომლებსაც ამგვარი სექსისტური გამოხდომები სიამოვნებას ანიჭებს - ისინი, ალბათ, უფრო გულუბრყვილო მეოცნებეები არიან! Smile

ერთი ჩემი ყოფილი თანამშრომელი ასევე თანამშრომელ, ჯიშიან გოგონას ისეთი მანერით მოიკითხავდა ხოლმე, მის ერთი შეხედვით ჩვეულებრივ სიტყვებში: „როგორ ხარ, ანა?“ ყველაზე გამოუცდელი ადამიანიც იოლად ამოიკითხავდა ავხორცულ მიმართვას: „ოხ, რა დიდი სიამოვნებით გაგჟიმავდი!“

იმ ჩემს ნაცნობს კი, ზემოთ რომ გიყვებოდით, როგორც თავად ამტკიცებს, ქალების შეურაცხყოფა სულაც არ უფიქრია, უბრალოდ, მას გულწრფელად მიაჩნია, რომ ქალისთვის ყველაზე დიდი კომპლიმენტი მისი სექსუალობის ხაზგასმაა.

გასაკვირი კი ამაში არაფერია, თუ გავითვალისწინებთ იმ საყოველთაო ტენდენციას, რომლის მიხედვითაც ქალების უმრავლესობა უპირატესობას ე.წ. სექსუალურ სტილს ანიჭებს. ჩვენი ქალაქებისა და სოფლების ქუჩებში მრავლად ნახავთ ტანზე შემოტმასნილ შავ ტყავის შარვლებსა და მოკლე ტოპებში გამოწყობილ გოგონებსა და ქალბატონებს, გამომწვევ დეკოლტეებს, მაღალ პლატფორმებს და ბოტილიონებს და რა მნიშვნელობა აქვს, ფეხი გრძელია თუ მოკლე, საჯდომი მრგვალია თუ მაპატიეთ და, კარგად გვარიანად გვერდებზე გასული, მკერდი გვაქვს თუ მისი მაცდურობა push-up ბიუსტჰალტერის დამსახურებაა! მთავარია, რომ ქალები თავს კმაყოფილებად ვგრძნობდეთ!

პირადად მე თანამედროვე ტენდენციების ზომიერად გამოყენების მომხრე ვარ. მიყვარს ქალები, რომლებსაც საკუთარი ორიგინალური სტილი აქვთ. დამეთანხმებით, ეს ქალს განუმეორებლობას ანიჭებს. ვგიჟდები ქალებზე, რომლებიც სხეულის რაიმე ნაკლს ოსტატურად ნიღბავენ (მათზე ცალკე, მოგვიანებით დავწერ) და საკუთარ სექსუალობას ბუნებრივად, ისე ჩვეულებრივად წარმოაჩენენ, თითქოს,
You must have Flash Player installed in order to see this player.
ეს მათ აკვნიდან გამოჰყვათ! Smile

თუმცა, ვფიქრობ, კომპლიმენტი „შენ რა სექსი ხარ“ მარტო ჩვენი ვულგარული სტილის დამსახურება არ უნდა იყოს. იქნებ ამის მიზეზიც ეს ყბადაღებული „უსექსობაა“, რომელზეც უკვე დიდი ხანია ვსაუბრობთ, ვწერთ, სატელევიზიო ეთერებში განვიხილავთ, მაგარამ საშველი მაინც არაფრით დაგვადგა?! Smile)

მაინც რისი თქმა უნდა კაცს, როცა ამ ფრაზას გეუბნება? – „მინდიხარ!“, „რა დიდი სიამოვნებით „იმასგიზამდი!“ თუ კიდევ უარესების, რისი გამეორების უფლებასაც ჩემი სოციალური სტატუსი და ცოტა სიმორცხვეც არ მაძლევს?! Smile))

არა მგონია, ემოციებისა და გრძნობების უკიდურესად ნატურალისტურად გამოხატვა ადამიანურ ურთიერთობებში ერთ-ერთი ყველაზე მნიშვნელოვანი იყოს და ჩვენს ქალურ ღირსებას, მომხიბვლელობას და სასურველობას რამეს მატებდეს.

მაგრამ თუ მაინც რომელიმე მამაკაცი გეტყვით: „რა სექსი ხარ“, ნუ ჩაარტყამთ მძიმე ხელჩანთას თავში, ნურც გალანძღავთ და პოლიციით დაემუქრებით. ჯერ ერთი, თითქმის დარწმუნებული ვარ, რომ გულში მაინც გაგიხარდებათ და შეიძლება მთელი დღე კარგ ხასიათზე იყოთ. თუ არადა, უბრალოდ, გაატარეთ. Smile
მე კი, როცა მოგახარებთ, რომ ლამაზად გამოიყურებით, ნუ მიპასუხებთ, რომ შევცდი ან „რა სისულელეა!“ თორემ არასდროს გეტყვით: „აუ, შენ რა სექსი ხარ!“ Smile))




კომენტარები (3)
ანი
ყველა ქალს სიამოვნებს კომპლიმენტი და მათ შორის ქართველ ქალებსაც. სიტყვებს "შენ რა სექსი ხარ" გააჩნია ვინ გეუბნება და რა ტონალობით. ქართველი მამაკაცები იმდენად ამაზრზენი ტონალობით ამბობენ ამ სიტყვებს, პირდაპირ გიჩნდება სურვილი, რომ ჩანთა ჩაარტყა :)))
ლილე
ძალიან პრიმიტიული
ლალა
არაფრისმთქმელი
ბავშვის ფიზიკური განვითარება
წონა დაბადებისას :
გრ
სიმაღლე დაბადებისას :
სმ
თავის გარშემოწერილობა დაბადებისას :
სმ
თვე
ამ კატეგორიების სხვა სიახლეები
”ბედის ირონია” ქართულად
13:58 / 20-02-2017
მართლა ცუდი შეგრძნება ყოფილა, როდესაც დილით იმ ადგილას იღვიძებ, სადაც წესით, არ უნდა ყოფილიყავი და თავში ყველა მოვლენის აღდგენას ცდილობ.
თეა’ს ბლოგი: ქალი-კატა
15:30 / 17-02-2017
მეათე კლასში რომ ვიყავი, დედაჩემის მეგობარმა გერმანიიდან შავი ვიწრო ტყავის შარვალი ჩამომიტანა.
დღეს სურბ-სარქისის ღამეა - როგორ ვნახოთ სიზმარში საბედო?
11:45 / 17-02-2017
ამბობენ, რომ „ბუნებას არა აქვს ცუდი ამინდიო“, მაგრამ ბევრი არ დაეთანხმება ამ გამონათქვამს.
კიდევ 16 სამარცხვინო გრამატიკული შეცდომა
10:50 / 17-02-2017
პირველ ათ სიტყვაზე უკვე ვისაუბრეთ. დროა, წავიდეთ უფრო წინ და სხვა სიტყვებიც განვავითაროთ.
შორენას ბლოგი: მე რომ კაცი ვიყო...
11:22 / 14-02-2017
ბავშვობიდან მეგონა, რომ კაცობა ძალიან ძნელია. ასე მეგონა განსაკუთრებით მაშინ, როცა სამუშაოდან მობრუნებული მამაჩემის დაღლილ სახეს და ნაჯაფ ხელებს შევხედავდი, როცა მწყობრად მომავალ ჯარისკაცებს დავინახავდი, როცა ფიგურული სრიალის ყურებისას აღტაცებით ვუცქერდი, როგორ აიტაცებდა პარტნიორი გოგონას და კარგა დიდ მანძილზე გადაისვრიდა, ის კი, ვითომც არაფერი, ოთხმაგ ბრუნს აკეთებდა...
შორენას ბლოგი: რას შეიძლება გადააწყდეთ თბილისში ვალენტინობის ღამეს
13:33 / 11-02-2017
მგონი, ადრეც გითხარით, რომ ცხოვრებისეულ სიტუაციებზე დაკვირვება მიყვარს და პატარ-პატარა დეტალები დიდხანს არ მავიწყდება. ახლა რასაც გიამბობთ, სხვადასხვა დროს ვალენტინობის დღეს მაქვს ნანახი. ნუ იფიქრებთ, რომ ვინმეს საქციელის გარჩევას ან მით უმეტეს, გაკიცხვას ვაპირებდე, მე გიამბობთ და დასკვნები თავად გააკეთეთ.
სააღდგომო ტური ისრაელში საპატრიარქოსგან, სტანდარტულზე სამჯერ უფრო ძვირად!
11:36 / 10-02-2017
შარშანწინ, მაისის თვეში, როცა გავიგე, რომ 26 მაისი სამშაბათი იყო და ერთადერთი დეი ოფით – 4 -დღიანი დასვენების მოწყობა შემეძლო, მომენტალურად დავიწყე ბილეთების ძებნა.
მიყვარხარ! - შენი ვალენტინი...
12:00 / 09-02-2017
არა, რა... დაილოცა ჩვენებური ვალენტინობა! დილით გაგზავნი 3 თეთრიან სმს-ს, ან უფასო ფეისბუკზე დაასტატუსებ მილოცვას, შუადღეს დედას ან მამას "დეიდებო, ბიძიებოს" უმღერი, საღამოს ერთ პლასტმასის ვარდს იღლიაში ამოიჩრი და წავიდა სეირნობა რუსთაველი-თავისუფლების მიმართულებიიიით!..
გურამ შეროზიას ბლოგი: 9 ამოუხსნელი ქართული ფენომენი, რომელიც შოკში ჩაგაგდებთ
10:27 / 08-02-2017
დედამიწაზე უამრავი ამოუხსნელი მოვლენაა, რაზეც ადამიანებს პასუხი არ გვაქვს, ფიქრით თავსაც ნაკლებად ვიღლით, ან ტვინს ვიჭყლეტთ და პასუხს ვეღარ ვპოულობთ.
 საპაემნო თრილერი
22:16 / 06-02-2017
- ყავას დალევ?- არაა, ჩაისტი ვარ!- ერთი ყავა და ერთი ჩაი, თუ შეიძლება...
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი