წონის დაკლება დამოკიდებულია შემდეგ კომპონენტებზე:
70% სწორ კვებაზე და 30% ფიზიკურ აქტივობაზე. როგორც ხედავთ, ძირითადი მაინც კვებაა.
მაშ ასე:
I კვირა
დილით, უზმოზე უნდა დალიოთ 300 გრ წყალი. ზოგიერთისთვის არ არის ადვილი, მაგრამ შეეცადეთ. წყალი უნდა სვათ ყლუპ-ყლუპობით. კარგი იქნება, თუ დალევის დროს ჩაილაპარაკებთ: მე ვარ ჯანმრთელი, ტანადი, ბედნიერი. ამით ორ კურდღელს დაიჭერთ.
როდესაც საჭმელს მიირთმევთ, თქვენს თავს უთხარით: ვჭამ და ვიკლებ.
მიიღეთ წონის დაკლება არა როგორც საშინელი რამ, არამედ როგორც სასიამოვნო თამაში. გახსოვთ, ბავშვობისას როგორ თამაშობდით? ახლაც ასე ითამაშეთ.
მეც გამიჭირდა თავიდან. პირველი სამი დღე იყო ყველაზე რთული. დამეხმარნენ ოჯახის წევრები. მე ვთხოვე, რომ ღამით აეკრძალათ ჩემთვის ჭამა. იპოვეთ თანამოაზრეები ამ საქმეში და ნახავთ, რა ადვილად მიხვალთ შედეგამდე.
მე იმდენად ვიყავი მონდომებული, რომ 1 თვეში დავიკელი 14 კგ, ხოლო 6 თვის განმავლობაში დავიკელი 40 კგ და 3 წელია ვინარჩუნებ ამ წონას.
ადამიანს ყველაფერი შეუძლია.
ორგანიზმი ვერ აცნობიერებს, როდის შია და როდის სწყურია. ამიტომ გვაძლევს სიგნალს შიმშილის გრძნობის გამოწვევით. ამ დროს დალიეთ 1 ჭიქა წყალი. თუ 15 წუთის შემდეგ მაინც გშიათ, მაშინ ჭამეთ.
დილით წყლის დალევიდან 20 წუთის შემდეგ მიირთვით 1 ჩაის კოვზი ქატო გახსნილი 1 ჭიქა (200-250 გრ) კეფირში. კეფირი სასურველია იყოს 1.5%-იანი.
რისთვის გვჭირდება ეს? წონის დაკლების დროს ორგანიზმში გამოიყოფა ტოქსინები. ქატო გვეხმარება მათ გამოდევნაში. ის შეიწოვს მათ წყლის დახმარებით.
წყლის რაოდენობა დღის განმავლობაში შეადგენს: 1 კგ-ზე 30 მლ წყალს. თუ თქვენ იწონით 80 კილოგრამს, ე.ი. უნდა დალიოთ 2,4 ლ წყალი. წყალი და არა სითხე.
კეფირი შეიცავს ცილებს, რომლებიც აუცილებელია ჩვენი ორგანიზმისთვის. 1 ჭიქა კეფირის მიღებით თქვენი ორგანიზმი იღებს 60 მლგ ცილას და მხოლოდ 1,5 გრ ცხიმს.
18 საათამდე მიირთვით 5 ცალი ვაშლი (ეს აუცილებლად). ნებისმიერი ხილი, ბანანის, ყურძნისა და ლეღვის გარდა, მცირე რაოდენობით (1-2 ცალი).
2 ცალი ნიგოზი ან 10 ცალი ნუში. ესეც აუცილებელია ორგანიზმისთვის.
უმი ბოსტნეული ნებისმიერი რაოდენობით, კარტოფილის და ჭარხლის გარდა.
საღამოს ბოსტნეულის სალათა შეაზავეთ 1 სუფრის კოვზი ზეითუნის ზეთით.
დღის განმავლობაში შეგიძლიათ მიირთვათ 100 გრ ხაჭო 6%-იანი ან მოხარშული ქათმის ფილე, 2 კვერცხის მოხარშული ცილა.
შეიძლება მაქსიმუმ 2 ჭიქა ყავა, რადგან ის კარგი ანტიოქსიდანტია.
კარგი იქნება, თუ კვების რაციონში შეიტანთ მწვანე ჩაის და ჯანჯაფილის ჩაის.
აიღეთ 1 სმ ჯანჯაფილი, გათალეთ, დაჭერით წვრილად, დაასხით 0.5 ლ წყალი, დაუმატეთ 1 ჩხირი დარიჩინი, 2 ცალი მიხაკი და 2 ცალი კარდამონი. ადუღეთ 5 წუთი და გადადგით. აცალეთ 5 წუთი და შემდეგ მიირთვით. ეს ნაყენი აჩქარებს მეტაბოლიზმს და ახურებს ორგანიზმს.
შაქარი უნდა ამოვიღოთ მენიუდან საერთოდ და შევცვალოთ ნახევარი ჩაის კოვზი თაფლით.
თუ თქვენ ძალიან გინდათ შოკოლადი, მაშინ უპირატესობა მიანიჭეთ შავ, მწარე შოკოლადს.
გახსოვდეთ, რომ პირველი ორგანიზმიდან გადის სითხე. ამიტომ შეიძლება ერთ დღეში 1 კილოც დაიკლოთ. მთავარია, ორგანიზმმა დაიწყოს ცხიმის წვა. ჯერ გადის ორგანიზმიდან ზედმეტი სითხე, ხოლო შემდეგ იწვის ცხიმი.
ძილი: აუცილებელია სრულფასოვანი ძილი. თუ თქვენ ვერ გამოიძინებთ, ორგანიზმს მოშივდება.
დაძინებამდე 3 საათით ადრე ვწყვეტთ ყოველგვარი საკვების მიღებას.
მთავარია: ჭამეთ!!!! ჭამეთ!!!!!!! ორგანიზმს არ უნდა მოშივდეს.
ფიზიკური დატვირთვა: სიარული ჩქარი ნაბიჯეთ 20, 30, 40 წუთი. ერთი კვირის განმავლობაში იკლებთ 2-5 კგ-მდე.
შემდეგი დღეების რაციონსა და ფიზიკურ დატვირთვაზე შემდეგ სტატიებში.
II კვირა
რაციონში უკვე შეგვიძლია შევიტანოთ წიწიბურა, ბრინჯი, ჰერკულესი. რაოდენობა: მაქსიმუმ 2 სუფრის კოვზი. სადილად შეგვიძლია მივირთვათ მოთუშული ბოსტნეული. გახსოვდეთ, რომ საკვების რაოდენობა ერთ მიღებაზე არ უნდა აღემატებოდეს 300 გრ-ს.
სამი კვირის შემდეგ შეგიძლიათ გაანებივროთ თქვენი თავი და მიირთვათ ნამცხვარი, ცომეული, ტკბილეული. ოღონდ მცირე რაოდენობით.
მეორე დღე კი დაუთმეთ განტვირთვას. მიიღეთ დღის განმავლობაში 1 ლიტრი კეფირი და ვაშლი.
არის კიდევ ერთი საიდუმლო:
შეიძლება არც კი დაკვირვებიხართ ამ პროცესს. უკვე დამტკიცებული ფაქტია, რომ ქალის ორგანიზმზე მოქმედებს მთვარის ფაზები. სავსემთვარიანობის დროს მადა და შიმშილის გრძნობა იმატებს. თვეში ორჯერ, ყოველ მე-14 და 29-ე დღეს დილიდან მეორე დილამდე შეზღუდეთ საკვების რაოდენობა.
თუ დააკვირდებით, შეამჩნევთ, რომ ამ დღეებში წყალიც კი მოქმედებს წონაზე. უბრალოდ, ამ დროს შეამცირეთ როგორც წყლის, ისე საკვების რაოდენობა.
ახლა კი ფიზიკურ დატვირთვაზე.
თქვენ შეგიძლიათ აირჩიოთ ნებისმიერი სახის კარდიოდატვირთვა: სიარული, სირბილი, სპორტულ ბილიკზე სიარული ან სირბილი, ველოსიპედი და ასე შემდეგ.
კარდიოდატვირთვა იწვევს ცხიმის აქტიურ წვას.
თუ სპორტული დარბაზისთვის დრო არ გრჩებათ, მაშინ იარეთ. სიარული საუკეთესო და ხელმისაწვდომი საშუალებაა. ასევე კარგია კიბეებზე ასვლაც.
გარდა კარდიოდატვირთვისა, საჭიროა სიმძიმეების აწევაც. ამისათვის კი დარბაზში ტრენერის მეთვალყურეობა დაგვჭირდება.
დიეტების შედეგად ორგანიზმი კარგავს არა მარტო წყალს და ცხიმს, არამედ კუნთებსაც. სამწუხაროდ, ამის შესახებ არავინ საუბრობს.
მთავარია ბალანსირებული კვება და ზომიერი ფიზიკური დატვირთვა.
როდესაც მე ვიკლებდი, ვერ ვბედავდი დარბაზში შესვლას. ვარჯიში კი მჭირდებოდა. დავიწყე სიარული. ჯერ ოცი წუთი ჩქარი ნაბიჯით, შემდეგ 30, 40... 1 საათი. კიბეებზე ასვლა საოცრებას ახდენს, გულის მუშაობას აუმჯობესებს და ფეხის კუნთებზე დადებითად მოქმედებს.
კიდევ ერთი საშიშროება, რომელიც გველის, ეს სახის კუნთების მოდუნებაა.
მაია სიჭინავა