ალბათ, წარმოუდგენლად მიგაჩნიათ 10 დღეში მუცლის გაქრობა, მაგრამ ეს ნამდვილად შესაძლებელია, თუკი სწორად შეცვლით თქვენს კვების, ცხოვრებისა და ფიზიკური აქტივობის რეჟიმს.
გთავაზობთ ინსტრუქციას, რომლის დაცვის შემთხვევაშიც თქვენ აუცილებლად მოიშორებთ მუცელს სულ რაღაც 10 დღეში.
დღე პირველი
პირველი ნაბიჯი მავნებელი, არაჯანმრთელი საკვების რაციონიდან გამორიცხვაა. შეცვალეთ ის უჯრედისითა და მკვებავი ნივთიერებებით სავსე პროდუქტებით, მაგალითად: ხილით, ბოსტნეულით, შინაური ფრინველის ხორცით, მჭლე ძროხის ხორცით, ბურღულეულით, დაბალცხიმიანი რძის პროდუქტებით, პარკოსნებით, თხილითა და ნიგვზით, მზესუმზირით და ასე შემდეგ. ნუ მიირთმევთ ჰოთ-დოგებს, სოსისებსა და კანფეტებს. ამ დღეს ეცადეთ, არ მიიღოთ ნახშირწყლებით მდიდარი საკვები. დალიეთ 10-12 ჭიქა წყალი იმისათვის, რომ გაიწმინდოთ ორგანიზმი და გამოდევნოთ ცხიმი. ამ 10-დღიანი პროგრამის დაწყებამდე საუკეთესო იქნება, თუკი 3 დღე დექტოქსიკაციას დაუთმობთ. ანუ ამ 3 დღის განმავლობაში რეკომენდებულია ვაშლის ძმრისგან მომზადებული ნაყენის მიღება:
250 გრ წყალში გახსენით 2 სუფრის კოვზი ნატურალური ვაშლის ძმარი და 1 სუფრის კოვზი თაფლი.
სვით ეს ნაყენი დღეში 2-3-ჯერ იმისათვის, რომ შემდეგი 10 დღე მეტად ეფექტური იყოს.
დღე მეორე
ამ დღეს მიირთვით მეტი უმი და მოხარშული ბოსტნეული. შეგიძლიათ გაიკეთოთ ბოსტნეულის სალათა ან მოიმზადოთ ქათმის ბულიონი. მთავარია, დარწმუნდეთ, რომ თქვენ ყოველ სამ საათში ერთხელ მიირთმევთ. ეს დააჩქარებს ნივთიერებათა ცვლას, სისხლში შაქრის დონე დარეგულირდება. თუკი დღის განმავლობაში ხილის და ბოსტნეულის 5-6 ულუფას მიირთმევთ, სხვა საკვებისკენ თვალი არ გაგექცევათ. თუმცა, ნუ გადააჭარბებთ იმ ხილის მიღებისას, რომლებიც მდიდარია ნახშირწყლებით. ისეთების, როგორებიც არის ბანანი, ვაშლი და სხვა. ამასთან, თუ თქვენ სხვადასხვა ფიზიკურ ვარჯიშსაც ასრულებთ, ცხიმის წვა ბევრად აქტიურად წავა. მაგრამ თუკი ახლა იწყებთ ვარჯიშს და აქამდე უმოძრაო ცხოვრების წესს მისდევდით, აჯობებს ფიზიკური აქტივობა 20-წუთიანი სიარულით დაიწყოთ.
დღე მესამე
საუზმეზე მიიღეთ დაახლოებით 50 გრ ნახშირწყალი. მაგალითად: ჰერკულესის ფაფის ერთი ულუფა საკმარისი იქნება. დანარჩენ კვებაზე ეცადეთ, ცილით მდიდარი საკვები მიიღოთ, მაგალითად, უცხიმო ხორცი. წახემსების დროს მიირთვით ხილი, ბოსტნეული, იოგურტი ან რძის ნაკლებცხიმიანი ნაწარმი. შეამცირეთ ცხიმის მიღება და ჩაანაცვლეთ სხვა ცხიმი ზეითუნის ზეთითა და თევზის ქონით. გამორიცხეთ მაიონეზი, მარგარინი, კარაქი და სხვა მსგავსი ცხიმი. ამ დღიდან შეგიძლიათ უფრო გაააქტიუროთ ვარჯიში:
ჩაჯექით რაც შეიძლება ღრმად და პროცესის დროს ღრმად ჩაისუნთქეთ. დაყოვნდით რამდენიმე ხანს და შემდეგ ნელ-ნელა გაიმართეთ, თან ნელა ამოისუნთქეთ.
გაიმეორეთ ვარჯიში 10-ჯერ.
დღე მეოთხე
საუზმეზე მიირთვით 3 კვერცხის ცილისგან მომზადებული ომლეტი, რომელსაც სურვილისამებრ დაუმატებთ ბოსტნეულს. წახემსებისთვის მოიმზადეთ ქათმის მოხარშული ხორცი წითელი წიწაკით, ან ინდაურის მკერდი კიტრით. სადილად არ დაგავიწყდეთ ბოსტნეულის სალათის (ზეითუნის ზეთით) და ქათმის ხორცის მირთმევა. მთავარია, ერთ მიღებაზე არ მიირთვათ 150 გრ-ზე მეტი ქათმის ან ინდაურის ხორცი. თუ საკვების მიღებებს შორის ძალიან მოგშივდათ, შეგიძლიათ წაიცმუცნოთ მზესუმზირით ან თხილით.
დღეს შემდეგი ვარჯიში შეასრულეთ:
დაწექით იატაკზე, ხელები ამოიდეთ თავქვეშ, ფეხის ტერფები მყარად მიაბჯინეთ იატაკს, ხოლო მუხლები მოხარეთ.
დაჭიმეთ მუცლის კუნთები და წამოსწიეთ მხრები მაღლა.
შეასრულეთ მინიმუმ 3 10-10-ვარჯიშიანი ეტაპი. ეტაპებს შორის თითო წუთი შეისვენეთ.
დღე მეხუთე
დღეს შეგიძლიათ მიირთვათ ხილი და ნაკლებცხიმიანი რძე. შეგიძლიათ 1-2 ბანანიც ჭამოთ. ეს ორგანიზმს ნახშირწყლებით აუცილებელ რაოდენობას შემატებს. შეგიძლიათ მოიმზადოთ ბოსტნეულის სუპი ან სალათა და მიირთვათ რამდენიც გინდათ. სვით ბევრი წყალი და წინა ვარჯიშებს დაუმატეთ შემდეგი:
დაწექით იატაკზე, ტერფები მიაბჯინეთ იატაკს, მუხლები მოხარეთ. გაშალეთ ხელები წინ ისე, რომ თითები მაღლა იყოს მიმართული.
ამოისუნთქეთ და შეეცადეთ, ნელ-ნელა წამოდგეთ.
ჩაისუნთქეთ და მიიღეთ საწყისი მდგომარეობა.
დღე მეექვსე
საუზმეზე მიირთვით მწვანე ლობიო, პომიდორი და ერთი კვერცხისგან და ორი კვერცხის ცილისგან მომზადებული ომლეტი. წახემსებისას შეგიძლიათ მიირთვათ თევზის ფილე ან შემწვარი ქათმის თეთრი ხორცი. ასევე შეგიძლიათ მჭლე საქონლის ხორცის ჭამაც. მთელი დღის განმავლობაში არ დაგავიწყდეთ მიირთვათ ხილისა და ბოსტნეულის 5 ულუფა. განაგრძეთ ვარჯიშები დაწყებული სიარულიდან, ჩაჯდომებით დამთავრებული – ყველა ვარჯიში შეასრულეთ.
დღე მეშვიდე
საუზმეზე მოიმზადეთ შემწვარი ქათმის ფილე პომიდვრით. წასახემსებლად თხილი და მზესუმზირა მოიმარაგეთ. წინა ვარჯიშები დღეს შეგიძლიათ ნახევარსაათიანი აერობიკით ჩაანაცვლოთ (აერობიკის ვარჯიშებს ინტერნეტში მრავლად ნახავთ).
დღე მერვე
საუზმეზე მიირთვით ერთი ნაჭერი შავი პური და ორი კვერცხის ცილისგან მომზადებული ომლეტი. მთელი დღის განმავლობაში დალიეთ 10-12 ჭიქა წყალი. წასახემსებლად მოიმარაგეთ სოიოს ჩიფსები, ხილი, იოგურტი და ასე შემდეგ.
ვარჯიშებს შეგიძლიათ ცურვაც დაუმატოთ.
დღე მეცხრე
ამ დღეს ვეგეტარიანელი უნდა გახდეთ. მთელი დღის განმავლობაში მიირთვით ყველა ის ბოსტნეული, რომელიც ნაკლებ კალორიებს შეიცავს. უკეთესი შედეგის მისაღწევად მიირთვით უჯრედისის მაღალშემცველი ბოსტნეული.
სიარულის დრო გაზარდეთ 40 წუთამდე.
სხვა ვარჯიშებს რაც შეეხება, შეგიძლიათ შეასრულოთ პრესის ვარჯიშები ან ჩაჯდომები, ან აერობიკა.
დღე მეათე
ჩართეთ თქვენს საუზმეში მარცვლეული და ხილი. მთელი დღის განმავლობაში კი მიირთვით დაბალცხიმიანი სუპები და უჯრედისის შემცველი პროდუქტები.
ფიზიკურ აქტივობას დაუმატეთ სახტუნაო ან ფეხების ვარჯიშები.
საუკეთესო შედეგის მიღებისთვის, ამ 10 დღის განმავლობაში შეამცირეთ შაქრისა და ნახშირწყლების მიღება.