დავისახოთ მიზანი, რომ გამხდარი და ზომიერად დაკუნთული ფეხები გვქონდეს. კალორიული საკვებიდან მიღებული ცხიმი, როგორც წესი, გალიფეს ზონაზე გროვდება.
ამიტომ, ეცადეთ, ცხიმიანი საკვები თევზით ან ქათმით ჩაანაცვლოთ. მოერიდეთ კალორიულ პროდუქტების მირთმევას საუზმესა და ვახშამზეც.
საუზმის ვარიანტები (აირჩიეთ თქვენთვის მისაღები)
ა. გახუხული პური, გამომცხვარი პომიდორი და ნაკლებცხიმიანი ყველი.
ბ. დაცეხვილი პურის ერთი ნაჭერი, საშუალო ზომის ბანანი, ნახევარი ჭიქა უცხიმო რძე.
სადილები (დამატებით შეიძლიათ მიირთვათ დაცეხვილი პურის ერთი ნაჭერი)
ა. ლიმონის წვენით შეზავებული დაჭყლეტილი ბანანი.
ბ. ლიმონის წვენით შეზავებული 50 გრამი მოხარშული თევზი.
გ. 2 სადილის კოვზი მოხარშული ლობიო.
ვახშამი (აირჩიეთ თქვენთვის მისაღები ვარიანტი)
ა. 250 გრამი მოხარშული ქათმის ხორცი, ბოსტნეულის სალათის მცირე ულუფასთან ერთად.
ბ. 150 გრამი მოხარშული თეთრი თევზი, 125 გრამი კარტოფილი, რამდენიმე ღერი მწვანე ლობიო, ან რამდენიმე ნაჭერი ყაბაყი.
ახლა რაც შეეხება ვარჯიშებს: ფეხები რომ გაგიხდეთ, ფეხის კუნთები უნდა გააქტიუროთ. ამისთვის კი ვარჯიში, სიარული, სექსი და სირბილია საჭირო. თუ ტელევიზორისთვის თვალის მოცილებას ვერ ახერხებთ, დრო ტყუილად არ დახარჯოთ, ფეხებშუა ბალიში მოიქციეთ და ეცადეთ კუნთების დაჭიმვით მოუჭიროთ მას.
სარეკლამო პაუზის დროს კი შემდეგი ვარჯიში გააკეთეთ: წამოწექით იატაკზე. ერთი ხელი თავქვეშ ამოიდეთ, ის, რომელ მხარეზეც წევხართ (მაგალითად, თუ მარჯვენა მხარეს წევხართ, თავქვეშაც მარცხენა ხელი უნდა ამოიდოთ). მეორე ხელი კი მკერდის წინ, იატაკზე დადეთ, რათა წონასწორობა შეინარჩუნოთ. ახლა კი გაჭიმული ფეხი მაღლა ასწიეთ და დასწიეთ, მაგრამ იატაკს არ შეახოთ. გააკეთეთ ვარჯიში 10-ჯერ. ისუნთქეთ მშვიდად; ფეხის აწევის დროს ჩაისუნთქეთ, დაწევისას - ამოისუნთქეთ. გადაბრუნდით მეორე მხარეს და იგივე გაიმეორეთ.