უძრავი ცხოვრების წესის გამო ხერხემალი ზარალდება. არაფერი რომ არ ვთქვათ წელის არეში ზედმეტ სანტიმეტრებზე. საოცარია, მაგრამ ზურგის მდგომარეობის გაუმჯობესება და მუცლის მოშორება შესაძლებელია დღეში მხოლოდ მარტივი, 5-წუთიანი მანიპულაციით.
როგორ შევამციროთ წელის გარშემოწერილობა
იაპონელი ექიმი ფუკუცუძი 10 წლის განმავლობაში ატარებდა კვლევებს და შეიმუშავა სხეულის კორექციის უნიკალური მეთოდი.
ექიმი მივიდა დასკვნამდე, რომ ფართო წელის ძირითადი მიზეზი გახლავთ მენჯის ძვლის არასწორი განლაგება. თუ მას თავის ადგილას დავაბრუნებთ, წელის გარშემოწერილობაც შემცირდება, მუცელი გაქრება, ზურგი კი გაიმართება.
ფუკუცუძის მეთოდიკა
დაწექით მაგარ, სწორ ზედაპირზე. ჭიპის გასწვრივ, წელის ქვეშ ამოიდეთ დახვეული პირსახოცი. მოდუნდით.
გაშალეთ ფეხები მხრების სიგანეზე, შეაერთეთ ფეხის ცერა თითები. ხელები თავის ზემოთ გაჭიმეთ, ხელისგულები იატაკზე დადეთ და ნეკები შეაერთეთ. თავი გაასწორეთ.
იწექით ამ პოზაში 5 წუთი. თუ თავიდან გაგიძნელდათ, საკმარისია 2-3 წუთიც.
ხერხემალი რომ არ დაგიზიანდეთ, ნელ-ნელა წამოდექით. თუ ზურგის სერიოზული პრობლემა გაწუხებთ, კომპლექსის დაწყებამდე მიმართეთ ექიმს.
იხილეთ ვიდეო