ასაკის მატებასთან ერთად კანი მკლავებზე მოფამფალდება, თუმცა ეს არ ნიშნავს, რომ გრძელსახელოიანი სამოსით უნდა იაროთ.
ჩვენ ვიცით ადვილი ვარჯიშები, ამ პრობლემისგან გასათავისუფლებლად.
1. იდეალური აზიდვა
1. დაწექით სწორად. ხელები მხრების ქვეშ დაალაგეთ.
2. ასწიეთ მუხლები და გამართეთ ფეხები. უნდა იგრძნოთ, როგორ გეჭიმებათ მუცლის კუნთები.
3. დაეშვით დაბლა. ზურგი არ მოხაროთ. მკერდსა და იატაკს შორის მანძილი 8 სმ უნდა იყოს.
4. ყურადღება გადაიტანეთ ტრიცეპსებზე. სხეული ნელა აზიდეთ, სანამ ხელები არ გაიმართება. ფეხები და ზურგი გამართული გქონდეთ.
გაიმეორეთ ვარჯიში 20-ჯერ.
2. ბუქნი სკამთან ერთად
1. სკამი უნდა იყოს მყარი.
2. მყარად მოჰკიდეთ ხელები სკამს, ისე, რომ არ შეგიშალოთ ბუქნების კეთებისას.
3. ჩაბუქნეთ, მაგრამ ეცადეთ, ზურგი სწორად გქონდეთ და სკამთან ახლოს იყოთ.
4. ისე ჩაბუქნეთ, რომ ხელებმა 90-გრადუისიანი კუთხე შექმნან.
5. ტრიცეპსები აამუშავეთ, აიწიეთ და სკამზე დაჯექით.
გაიმეორეთ ვარჯიში 20-ჯერ.
3. აზიდვა ცალ ხელზე
1. დაწექით გვერდულად, ფეხები მოხარეთ.
2. მარჯვენა ხელი მარცხენა მხარზე დაიდეთ.
3. მარცხენა ხელი დადეთ იატაკზე.
4. ყურადღება გადაიტანეთ ტრიცეპსებზე. ასწიეთ სხეული, სანამ მარცხენა ხელი არ გასწორდება, დაეშვით დაბლა.
გაიმეორეთ ვარჯიში 10-10-ჯერ, ორივე მხარეს.
4. ხელების ტრიალი
1. სწორად დადექით. ხელები გაშალეთ.
2. ორივე ხელით გააკეთეთ წრიული მოძრაობა, ჯერ ერთ მხარეს, მერე მეორეზე.
გაიმეორეთ ვარჯიში 20-ჯერ.
5. ჭიმი კედელთან
1. კედელთან სახით დადექით. გასწორებული ხელებით მიეყრდენით მას, დაიცავით ეს მანძილი.
2. კედელს გაშლილი ხელისგულები მიადეთ.
3. დაიხარეთ კედლისკენ, მაგრამ ფეხები თავის ადგილზე დატოვეთ.
4. გადაიტანეთ ყურადღება ტრიცეპსებზე. მოშორდით კედელს, სანამ ხელები არ გასწორდება.
გაიმეორეთ ვარჯიში 20-ჯერ.
ეს ვარჯიშები ტრიცეპსების გამკვრივებაში დაგეხმარებათ.