ცხიმიანი საკვების, ფასტ-ფუდის და ტკბილეულის მიღება ყველაზე მეტად ჩვენს ჯანმრთელობასა და გარეგნობაზე აისახება.
და თუკი ამას დღის განმავლობაში მიღებულ წყლის არასაკმარის რაოდენობას, ცხოვრების უმოძრაო წესს, სტრესებსა და უძილობას მივამატებთ, ცელულიტიც გარანტირებული გვექნება.
სამწუხაროდ, ვერანაირი ჯადოსნური კრემი თუ ყველაზე მოდური დიეტები ერთ ღამეში "ფორთოხლის ქერქისგან" ვერ გაგათავისუფლებს. უკეთესი იქნება, თუ გამოჰყოფ დროს და გაანებივრებ საკუთარ სხეულს მასაჟით. შედეგი არ დააყოვნებს!
მშრალი დაზელვა
ცელულიტთან ბრძოლის ამ მეთოდმა უკვე მოასწრო დაემტკიცებინა საკუთარი ეფექტურობა. პირველ რიგში, ის გარდაუვალ და მდგრად ეფექტს იძლევა (განსაკუთრებით, თუ ის ეთერზეთებთან და ანტიცელულიტურ კრემებთან კომპლექსში გაკეთდება); მეორეც, ეს მეთოდი ამაღლებს კანის ტონუსს; მესამე, მოგაშორებთ ზედმეტ სანტიმეტრებს; მეოთხე, სასიამოვნო პროცესია.
როგორ ჩავატაროთ მშრალი დაზელვა
სამკურნალო-კოსმეტიკური პროცედურის სეანსი 5-დან 10 წუთამდე უნდა გაგრძელდეს. აიღე მშრალი ტანის სახეხი ან ჯაგრისი და დაიმუშავე მისი მეშვეობით პრობლემური ადგილები. დაიმახსოვრე: პროცედურა უსიამოვნო და მტკივნეული არ უნდა იყოს. ასევე, დააკვირდი, რომ დაზელვის დროს ზედმეტად არ გაიწელოს კანი. კანი ოდნავ უნდა გაგიხურდეს და შეწითლდეს.
მნიშვნელოვანია სეანსების რეგულარულად გამეორება, იდეალურია ყოველდღე, თბილი აბაზანის ან შხაპის შემდეგ.
ფეხების დაზელვა უნდა დაიწყო მუხლებიდან და ნელ-ნელა ახვიდე თეძოებამდე. პროცედურა უნდა დაასრულო ან დუნდულებზე, ან მუცელზე (წელზე).
არ შეიძლება:
კანის გაწელვა;
ჯაგრისზე ძლიერი დაწოლა;
კანის გახეხვა მაქსიმალური ძალისხმევით.
პროცედურის შემდეგ სასურველია წაისვა ეთერზეთები ან ანტიცელულიტური კრემები.