სილამაზის ალქიმია: რომელ პროდუქტში ვეძებოთ ჩვენთვის აუცილებელი ვიტამინები?
სილამაზის ალქიმია: რომელ პროდუქტში ვეძებოთ ჩვენთვის აუცილებელი ვიტამინები?
სწორი კვება - მომხიბვლელობისა და მოხდენილობის საწინდარია. თუმცა ის ვარსკვლავებიც კი, რომელთა კვება პირადი დიეტოლოგებისა და მზარეულების დახმარებით მოწესრიგებულია, მაინც იღებენ სხვადასხვა ვიტამინის დანამატებს.

სპეციალისტების მტკიცებით, ვიტამინებითა და მინერალებით ყველაზე დაბალანსებული რაციონიც კი 30%-ით შევსებას საჭიროებს.

მაგალითად, იმისათვის, რომ D ვიტამინის დღიური ნორმა მივიღოთ, ყოველდღიურად უნდა ვსვათ 10 ლიტრი რძე, ხოლო იმისათვის, რომ A ან E ვიტამინების დღიური ნორმა მივიღოთ, დღეში უნდა შევჭამოთ 1,5 კილოგრამი სტაფილო ან მიწის თხილი. შესაბამისად, რაციონალური კვება შეუძლებელია "სილამაზისა და ჯანმრთელობის დამატებითი აბების" გარეშე.

მოდი, გავარკვიოთ, რომელი ვიტამინებია განსაკუთრებით აუცილებელი ქალის სილამაზისა და ჯანმრთელობისთვის.

ძირითადი "ქალური" ვიტამინები

ვიტამინი E

ეს არის სუსტი სქესისთვის საჭირო პირველი ვიტამინი. ის ხელს უწყობს შვილოსნობას, იცავს კანს დაბერებისგან, რადგანაც ძლიერი ანტიოქსიდანტია.

სად ვეძებოთ: გოგრის თესლში, მზესუმზირაში, მცენარეულ ცხიმებში, მწვანილში, ხორბლეულში, სოიოში, ბროკოლში, საქონლის ღვიძლში, კვერცხში, რძეში, არაქისსა და ნუშში.

დეფიციტის ნიშნები: კანის სიმშრალე, მხედველობის დაქვეითება, ფრჩხილების მტვრევა, ლიბიდოს დაქვეითება და სხვა.

ვიტამინი A (რენიტოლი)

ასევე ძლიერი ანტიოქსიდანტია, რომელიც სტიმულირებას უკეთებს ახალი უჯრედების განვითარებას, მარტივად რომ ვთქვათ, აახალგაზრდავებს კანს. მნიშვნელოვანია მხედველობისთვის, ძვლებისთვის, ფრჩხილებისა და თმისთვის, აძლიერებს იმუნიტეტს, ამცირებს ასაკობრივ პიგმენტაციას.

სად ვეძებოთ: ვიტამინი A - რძის პროდუქტებში, კვერცხში, წითელ ხიზილალასა და ღორის ღვიძლშია; პროვიტამინი A - მწვანილში, ბოსტნეულსა და ყვითელი ფერის ხილსა და ბოსტნეულში.

დეფიციტის ნიშნები: სიმშრალე და აქერცვლა, კანის გაუხეშება და სხვა.

ვიტამინი C (ასკორბინის მჟავა)

აუცილებელია კოლაგენის ფორმირებისთვის, რომელიც პასუხისმგებელია კანის ელასტიურობისთვის, სისხლძარღვების, ღრძილების, კბილებისა და ძვლების სიძლიერისთვის.

აუმჯობესებს კანის ფერს, ხელს უწყობს რკინის შეთვისებას, მოქმედებს, როგორც ანტიალერგენი და ანტიკანცეროგენი.

სად ვეძებოთ: ასკილში, ციტრუსში, მწვანე ბოსტნეულში, პომიდორში, წითელ ტკბილ წიწაკაში, ყვავილოვან კომბოსტოში, ყაბაყში, კენკრაში (შავი მოცხარი, ქაცვი), კომბოსტოში.

დეფიციტის ნიშნები: კანის სიმშრალე და უფერულობა, მტვრევადი ფრჩხილები, საერთო სისუსტე და ქრონიკული დაღლილობის სინდრომი...

ვიტამინები B ჯგუფიდან

ყოველდღიური must have - ვიტამინი B1, B2, B3 (იგივე ვიტამინი PP), B6 (პირიდოქსინი), B9 (ფოლიუმის მჟავა) და B12 (ციანოკობალამინი). ეს ვიტამინები ხელს უშლის სტრესის წარმოქმნას, ამაგრებს თმასა და ფრჩხილებს, ხელს უშლის ადრეულ გაჭაღარავებას, აჯანსაღებს კანის ფერს და ელასტიკურს ხდის მას, აძლიერებს იმუნიტეტს, ნერვულ და სისხლძარღვოვან სისტემას.

სად ვეძებოთ: მშრალ საფუარში, მანანის ბურღულში, არაქისში, ღორის ხორცში, საქონლის ხორცში, ღვიძლში, თევზში, სოკოში, კვერცხში, სტაფილოში, კომბოსტოში, ბროკოლში, ტომატში, წიწაკაში, ბოლოკში, გოგრაში, ნესვში, ატამში, ავოკადოში, ბანანში, მარცვლეულში, მცენარეულ ცხიმში, რძესა და რძის ნაწარმში.

დეფიციტის ნიშნები:
უძილობა, აპათია, ხშირი სტრესი, გაღიზიანება, მეხსიერების ჩავარდნები, იმუნიტეტის დაქვეითება, ქერტლი, თმისცვენა და სხვა...

ვიტამინი D

"მზის" ვიტამინი აუცილებელია ძვლებისა და კბილების ჯანმრთელობისთვის, კანის სილამაზისთვის, თმისცვენის პროფილაქტიკისთვის. შეგახსენებთ, რომ ეს მიკრონუტრიენტი გამომუშავდება ულტრაიისფერის ზემოქმედებით. ამიტომაც D ვიტამინის მისაღებად საკმარისია 10-წუთიანი ყოველდღიური მზის აბაზანები.

სად ვეძებოთ: თევზის ქონში, ზეითუნის ზეთში, რძეში, კვერცხის გულში, ზუთხში.

დეფიციტის ნიშნები: თმის მალე გაცხიმიანება, ფარისებრი ჯირკვლის პრობლემა, მხედველობის დაქვეითება, წვა ყელში და სხვა...

ვიტამინი K


ამაღლებს კანისა და სისხლძარღვების ტონუსს, ებრძვის კანის ჰიპერპიგმენტაციას (ათეთრებს კანს), მნიშვნელოვანია ძვლებისა და კბილების ჯანმრთელობისთვის, თირკმლის ნორმალური მუშაობისთვის.

სად ვეძებოთ: მწვანე ბოსტნეულში, ზეთისხილში, ტკბილ წიწაკაში, ჭინჭარში, სტაფილოში, პომიდორში, კარტოფილში.

დეფიციტის ნიშნები: სიშავეები თვალების ქვეშ, ცხვირიდან სისხლდენა და სხვა...

ვიტამინი F

ზრუნავს კანისა და თმის ჯანრთელობაზე (ნორმაში მოჰყავს ლიპიდური ცვლა, აუმჯობესებს უჯრედების რეგენერაციასა და კვებას), დაბლა სწევს ქოლესტერინის დონეს სისხლში, ხელს უწყობს კანქვეშა ცხიმის წვას, ანუ ხელს უწყობს წონაში დაკლებას, პასუხს აგებს რეპროდუქციული ფუნქციის სწორად მუშაობაზე.

სად ვეძებოთ: მცენარეულ ცხიმში, მზესუმზირაში, თევზის ქონში, ავოკადოში.

დეფიციტის ნიშნები: სუსტი, მტვრევადი თმა, ნაადრევი ჭაღარა, მშრალი კანი.

ვიტამინი N (ბიოტინი)

ბიოტინი აუცილებელია კუჭის, იმუნური სისტემისა და თმისა და ფრჩხილების ჯანმრთელობისთვის.

სად ვეძებოთ: ყვავილოვან კომბოსტოში, მწვანე ხახვში, ლობიოში, სოიოში, მწვანე ბარდაში, კარტოფილში, ღვიძლსა და თირკმელში, კვერცხის გულში, რძის პროდუქტებში, ლუდის საფუარში.

დეფიციტის ნიშნები: აწეული შაქარი და ქოლესტერინი სისხლში, ფერმკრთალი სახის კანი, კანის სიმშრალე და აქერცვლა, უძილობა, უმადობა, დეპრესია, გადაღლილობა, ნევროზი, სახსრების ტკივილი და სხვა…
კომენტარები (2)
ანანო
მართლაც რომ გმადლობთ,,აუცილებლად გავითვალისწინებ ამ რჩევებს))
თეონა
დიდი მადლობა ამ შესანიშნავი რჩევისთვის
ვიდეო სიახლეები
ამ კატეგორიების სხვა სიახლეები
როგორ გავირუჯოთ 1 დღეში შოკოლადისფრად ისე, რომ არ დავიწვათ?
15:21 / 28-05-2015
მელანინი - მზის ულტრაიისფერისგან დამცავი ნივთიერებაა. ის განსაზღვრავს რუჯის დონესაც.
როგორ გავთავისუფლდეთ თავის ტკივილისგან ზუსტად 3 წუთში?
15:13 / 28-05-2015
ვისაც თავის ტკივილი აწუხებს, იცის, რა საშინელი შეგრძნებაა, როცა ტკივილი არც მოდუნების და არც არაფრის კეთების საშუალებას არ გაძლევს.
წარბის იდეალური ფორმა - პროფესიონალების ოქროს წესები
12:14 / 28-05-2015
წარბის ბუნებრივი ფორმა, ანუ როგორითაც დაგაჯილდოვა ბუნებამ, ყველაზე მეტად უხდება შენი სახის ტიპს, თუ არ ჩავთვლით გადაბმის ადგილს, რომელიც პერიოდულად უნდა ამოიქნას.
ლამაზი ყელისა და ნიკაპის ელექსირი - კომპრესები ყელზე მოშვებული კანისთვის
14:48 / 27-05-2015
1 ჭიქა წყალში გახსენით 1 სუფრის კოვზი ლიმონის წვენი, 1 სუფრის კოვზი სამედიცინო სპირტი და 1 ჩაის კოვზი მარილი. გაისუფთავეთ ყელი და ბამბის ტამპონის მეშვეობით წაისვით მომზადებული ხსნარი.
ანწლის სასწაულმოქმედი ექსტრაქტი კიბოს წინააღმდეგ
14:15 / 26-05-2015
როგორც უნდა უცნაურად ჟღერდეს, ფაქტი რჩება ფაქტად - ანწლის ექსტრაქტით ბულგარეთში მკურნალობენ კიბოს. უფრო მეტიც - იძლევიან 100%–იან გარანტიას, რომ კიბოს განკურნება შესაძლებელია როგორც ოპერაციამდე, ასევე ოპერაციის შემდეგაც.
ბრინჯის ნახარშს აღარ გადაღვრით! - საშუალება, რომელსაც ანალოგი არ გააჩნია
14:05 / 26-05-2015
ძველი ჩინური რეცეპტები - ეს თქვენი ჯანმრთელობისთვის საჭირო რეკომენდაციების ნამდვილი განძია! დროის მიერ გამოცდილი უძველესი ცოდნა ჯადოსნური ძალის მატარებელია და იმ დროსაც გვეხმარება, როცა ჩვეულებრივი საშუალებები სიტუაციაზე არანაირად აღარ მოქმედებს.
5 ტიპის მუცელი და მათი მოშორების მეთოდები
11:10 / 26-05-2015
საზღვაო სეზონი მოდის და სანამ პლაჟზე გასუქებული მუცლის გამო სირცხვილით დაიწვებით, გადახედეთ რჩევებს, რომლებსაც მწვრთნელი და ტელეწამყვანი ჯეიმს დუგიანი გიზიარებთ.
7 საფეხური, როგორ გავიდიდოთ ტუჩები
16:54 / 25-05-2015
1. ოდნავ დაინამეთ ტუჩები ჩვეულებრივი მბზინავი საცხით ("ბლესკით");
პროდუქტები, რომლებიც კალორიების წვაში გვეხმარებიან
14:20 / 23-05-2015
ქვემოჩამოთვლილი პროდუქტები მეტაბოლიზმს აჩქარებენ და კალორიების წვას იწვევნ, რის შედეგადაც, მათი მირთმევისას ადამიანი წონაში მტანჯველი დიეტების გარეშე იკლებს.
არქივის კალენდარი