1. ნაოჭების გასწორების არაჩვეულებრივი ეფექტი, რომელიც არანაირად არ ჩამოუვარდება სალონურ პროცედურებს, შეგიძლიათ მიიღოთ ერთი ჩაის კოვზი კარტოფილის ფქვილისა (სახამებლის) და ბანანის რბილობის ნიღბით. ინგრედიენტები კარგად აურიეთ ერთმანეთში, დაიდეთ სახესა და დეკოლტეს ზონაზე 20-25 წუთით. როცა ნიღაბი გაშრება, ჩამოიბანეთ თბილი წყლით.
2. გარდა იმისა, რომ ჭიმავს კანს, ეს ნიღაბი აცოცხლებს და ატენიანებს კიდეც მას. ერთი ჩაის კოვზი თაფლი, ერთი ლიმონის წვენი და ერთი ჩაის კოვზი თეთრი თიხა შეურიეთ ერთმანეთში და დაიდეთ სახეზე 20 წუთით. თიხის ნიღბის ვარიანტი უმჯობესია, მათ აირჩიონ, ვისაც პრობლემური კანი აქვს, რადგან გარდა იმისა, რომ ამ ინგრედიენტს კანის გადაჭიმვის ეფექტი აქვს, ის საუკეთესო ანტისეპტიკიც გახლავთ. მისი მეშვეობით სიწითლეები და დაზიანებები კანზე მარტივად ალაგდება.
3. მესამე ნიღაბი, ნაოჭების გასწორების გარდა, სახიდან ხსნის დაღლილობის კვალსაც. აიღეთ ერთი კვერცხის ცილა (ის კარგად ჭიმავს კანს და კრავს ფორებს), დაუმატეთ 1 ჩაის კოვზი ბავშვის ტალკი, ლიმონის წვენი და პიტნის ზეთის რამდენიმე წვეთი. დაიდეთ ნიღაბი სახეზე 20 წუთით და შემდეგ ჩამოიბანეთ თბილი წყლით.
უმჯობესია, ეს ნიღბები გაიკეთოთ რიგრიგობით 3-4 დღის ინტერვალით.