ბოლოდროინდელმა კვლევამ დაადასტურა, რომ სიცოცხლის ხანგრძლივობა გაიზარდა, მაგრამ მხოლოდ ერთეულებს აქვთ ბედნიერება 100 წლის იუბილე იზეიმონ. ჩვენ შევაგროვეთ 15 რჩევა თუ როგორ უნდა გაიხანგრძლივოთ სიცოცხლე ას წლამდე.
1. წაიკითხეთ გაზეთები თავდაყირამ. ხუმრობასავით ჟღერს და ალბათ არაკომფორტულიცაა, მაგრამ ასეთი პოზა ტვინის უჯრედებს, რომლებიც ასაკის მატებასთან ერთად კვდება, ეხმარება განახლებაში - ამბობს ექიმი, ექსპერტი დაბერების სფეროში მარიოს კირიაზისი.
კიდევ გვირჩევს, მარცხენა ხელით ვწეროთ თუ მემარჯვენე ვართ და მარჯვენათი თუ - ცაცია. ვუსმინოთ მუსიკას, რომელიც ადრე არ მოგვწონდა და ხშირად ჩავერთოთ დისკუსიებში სხვადასხვა თემაზე.
2. დიდი რაოდენობით მიირთვით წითელი ფერის ხილი და ბოსტენული. ტკბილი წიწაკა ცე ვიტამინის საბადოა.
ჭარხალი, სასარგებლოა სისხლძარღვებისთვის, პომიდორი ძლიერი ანტიოქსიდანტით - ლიკოპონითაა მდიდარი.
3. ირბინეთ.
დალასის ინსტიტუტის მეცნიერებმა დაამტკიცეს, რომ ყოველდღიური 8-წუთიანი სირბილი მამაკაცებისთვის და 9-წუთიანი ქალებისთვის ამცირებს გულ-სისხლძარღვთა დაავადების რისკს. ასევე მოქმედებს ველოსიპედით გადაადგილება.
4. სიფრთხილე გმართებთ საზოგადო ტუალეტით სარგებლობისას.
საზოგადო ტუალეტით სარგებლობის შემდეგ კარგად დაიბანეთ ხელები, რათა ჩამოიცილოთ ყველა ის ბაქტერია (განსაკუთრებით ბევრი ბაქტერია ბუდობს კარის სახელურზე), რაც აიკიდეთ. - გვირჩევს აბერდინის უნივერსიტეტის პროფესორი, ბაქტერიოლოგი ჰიუ პენინგტონი.
5. მიირთვით ბანანი.
იგი დაგიწევთ წნევას, რაც გულ-სისხლძარღვთა დაავადებებისა და ინსულტის მიზეზია. ბანანი მდიდარია კალიუმით. ამასთანავე, ეს ნივთიერება დაგეხმარებათ ორგანიზმიდან გამოიდევნოს ზედმეტი წყალი, რომელიც გადამეტებული მარილის მირთმევის შემდეგ გროვდება ორგანიზმში.
6. ჩაიბუქნეთ.
ეს ვარჯიში შეგიძლიათ ნებისმიერ დროსა და ადგილას აკეთოთ. შედეგად გაგიმაგრდებათ კუნთები, რომლებიც დროთა განმავლობაში სუსტება. მაგარი კუნთები კი დაცემისგან დაგიცავთ.
7. დღეში თუნდაც 1 ჭიქა ჩაი დალიეთ.
ჩაის საოცარი თვისება აქვს, მას შეუძლია ტრესის გამომწვევ ჰორმონებს ებრძოლოს, რაც 28 პროცენტით დაგიცავთ გულის შეტევისგან. ამასთანავე, ჩაიში შემავალი ანტიოქსიდანტები გაგიმაგრებთ სისხლძარღვებს.
8. დაიძინეთ 1 საათით ადრე. 1 საათით მეტი ძილი დაგირეგულირებთ წნევას.
6-კვირიანი ცდის შედეგად დამტკიცდა, რომ ადამიანები, რომლებსაც ჩვეულებრივ დროსთან შედარებით 1 საათით მეტი ეძინათ, დაეწიათ წნევა (წნევის მატება ასაკის მატებასთან ერთად ჩვეულებრივი მოვლენაა). ამასთანავე, ხანგრძლივი ძილი სტრესთან ბრძოლაში გვეხმარება.
9. მიირთვით მაწონი და იოგურტი.
"პაციენტები, რომლებიც ოპერაციის შემდეგ მაწონს (ან იოგურტს) მიირთმევენ, დაცულები იყვნენ ბაქტერია Clostridium difficile-ისგან. თანაც, ის პაციენტები, რომლებიც მაწონს (ან იოგურტს) ოპერციამდეც მიირთმევდენენ, ოპერაციისშემდგომი გართულებები არ აღენიშნებოდათ". - ამბობს ექიმი-დიეტოლოგი სარა შენკერი.
10. გამოიყენეთ კბილის ძაფი.
ის, ვინც კბილებშორის დაშორებებს კბილის ძაფით ისუფთავებს, დაცულია კარიესის გამომწვევი ბაქტერიებისგან. სუფთა კბილები კი გვიცავს გულ-სისხლძარღვთა დაავადებებისგან, ჭკუასუსტობისა და შაქრიანი დიაბეტისგან.
11. ისუნთქეთ წვენის საწრუპი ჩხირით.
ამ პროცედურას დღეში რამდენიმე წუთი უნდა დაუთმოთ. ცხვირით ღრმად ჩაისუნთქეთ და წვენი საწრუპი ჩხირით გამოუშვით ჰაერი. და პირიქით. ასე სუნთქვა დაგირეგულირებთ წნევასა და პულსაციას და გაგიუმჯობესებთ ფილტვების მუშაობას.
12. შეინარჩუნეთ სახლში სისუფთავე.
დამტკიცებულია, რომ ადამიანები, რომლებიც სახლს ალაგებენ, ბედნიერების ჰორმონის - სეროტონინის მაღალი დონით გამოირჩევიან.
13. მიირთვით ბეკონი ძეხვის ნაცვლად.
ორივე ერთნაირად კალორიული და ცხიმიანი, მაგრამ ძეხვთან შედარებით ბეკონს უფრო ცოტას მივირთმევთ, რაც სიმსუქნისგან, ჭკუასუსტობისა და გულ-სისხლძრღვთა დაავადებებისგან დაგიცავთ.
14. ყოველდღიურად ისეირნეთ ფეხით.
ცდის შედეგად დადგინდა, რომ ყოველდღიური რამდენიმეწუთიანი სეირნობა აუმჯობესებს ტვინის მუშაობას.
15. თეფშზე ნახევარი კერძი დაიდეთ.
ექსპერიმენტის შედეგად დადგინდა, რომ ადამიანები, რომლებიც ერთ ჭამაზე 30 პროცენტით ნაკლებ საკვებს მიირთმევდნენ, უფრო დიდხანს ცოცხლობდნენ. ასე რომ, მიირთვით იმაზე ნაკლები, ვიდრე ჩვეულებრივ ჭამდით.
დაბოლოს, ბესი კუპერი პლანეტის ყველაზე ხანდაზმული მანდილოსანი იყო.
იგი 116 წლის ასაკში გარდაიცვალა. როცა ჰკითხეს, მისი სიცოცხლის ხანგრძლივობის საიდუმლო რა იყო, მისმა პასუხმა ყველა გაარკვირვა: "არ ვჭამ ფასტ-ფუდს და იძულებით არაფერს ვაკეთებ". ასე რომ, მიირთვით, სასარგებლო საკვები და აკეთეთ თქვენთვის სიამოვნების მომნიჭებელი საქმეები.
ჯანმრთელობას და 100 წლამდე სიცოცხლეს გისურვებთ!