როგორ შევარჩიოთ საქორწინო თაიგული
როგორ შევარჩიოთ საქორწინო თაიგული
საქორწინო თაიგული პატარძლის ერთ-ერთი მნიშვნელოვანი აქსეუარია. ამიტომ მისი სწორად შერჩევა ისეთივე მნიშვნელოვანია, როგორც, ვთქვათ, საპატარძლო სამკაულის.

ხშირად, თაიგულს მთლიანად ფლორისტის გემოვნებას მიანდობენ ხოლმე. რაც არაა მართებული. როცა თაიგულის შეკვეთას აძლევთ, აუცილებელია ფლორისტს აუხსნათ, როგორი ფერისა და რა სტილის კაბა ეცმევა დედოფალს. თუ ასე არ მოიქცევით, შესაძლოა ცალკე აღებული თაიგული ულამაზესი იყოს, მაგრამ როგორც კი პატარძალი ხელში დაიჭერს...

არ შეიძლება თაიგული ცალკე "გარბოდეს" და კაბა - ცალკე. კაბა, სამკაული, მაკიაჟი და თაიგული ჰარმონიულად უნდა ერწყმოდეს ერთმანეთს. თაიგული ის აქსესუარია, რომელსაც ნეფე-დედოფლის ჩაცმულობის დაკავშირებაც შეუძლია. ამაზე ქვემოთ ვისაუბრებთ. მანამდე კი კონკრეტული რჩევები საქორწინო თაიგულის შერჩევასთან დაკავშირებით:

დედოფლის სიმაღლე და თაიგულის სიგრძე

გარდა იმისა, რომ თაიგულის ყვავილები კაბის ფერს უნდა ეხამებოდეს, გასათვალისწინებელია დედოფლის სიმაღლეც. გაგიკვირდათ? თუ საქმეს პროფესიინალურად ვუდგებით, ეს დეტალი უყურადღებოდ არ უნდა დავტოვოთ.

მაშ, ასე: სიმაღლე და თაიგული - თუ დედოფალი დაბალი, ან საშუალო ტანისაა, გრძელი და დიდი თაიგული არ მოუხდება. ასე ის ვიზუალურად უფრო დადაბლდება. ამიტომ გრძელი, მიხაკის ტიპის ყვავილები უნდა გამოირიცხოს.

მაღალმა პატარძლებმა პირიქით, ძალიან მოკლეღეროიანი ყვავილებზე არ უნდა შეაჩერონ არჩევანი. სამაგიეროდ, თამამად შეუძლიათ აირჩიონ გრძელღეროიანი ყვავილები.

ყვავილების შერჩევა თაიგულისთვის

თაიგულისთვის ყვავილების შერჩევისას უპირატესობა მიანიჭეთ გარემო პირობებისადმი მდგრად ყვავილებს. ასეთებია ვარდები, შროშანები, კალები. ბოლო დროს მოდური გახდა ორქიდეები და ჰერბერები. ეს პრაქტიკული რჩევაა, მაგრამ იმას არ ნიშნავს, რომ არჩევანში შეზღუდულები ხართ. სიმბოლოების მოყვარულ ადამიანებს შემდეგი ჩამონათვალი გამოადგებათ:

წითელი ვარდი- მგზნებარე სიყვარული, გლადიოლუსი - მშვენიერების, ჰორტენზია - თავმდაბლობის და მადლიერების, გიორგინა - ბედნიერების და სიხარულის. ამარანტი-მარადიულობა და ერთგულება. ამარილისი- სიამაყე და პირველქმნილი სილამაზე. ქრიზანთემა- ლურჯი - ბედნიერი და ხანგრძლივი ცხოვრება, თეთრი – სიმართლე, ყვითელი - იდუმალი შეყვარებული, წითელი – ვნება. გვირილა- უმანკოება, თავდადებული სიყვარული, უმწიკვლოება. ზამბახი- ნდობა და სიბრძნე, შთაგონება. სურო- ერთგულება, ქორწინებაში სიყვარული და სიახლოვე. იასამანი-ბედნიერება და წარმატება. ია-სიმორცხვე. ტიტა -ნამდვილი სიყვარული.

როგორ დავამზადოთ თაიგული

თუ თაიგულის სპეციალისტთან შეკვეთა გადაწყვიტეთ, გაითვალისწინეთ, თაიგული მთელი კვირით ადრე უნდა შეუკვეთოთ, რადგან ყვავილების უმრავლესობა უცხოეთიდან ჩამოაქვთ და ამდენად, დროის ფაქტორი ყურადსაღებია. უკვე მზა თაიგული უშუალოდ ქორწილის დღეს წამოიღეთ სალონიდან. (სხვათა შორის, სალონში ყვავილებს სპეციალურ მაცივარში ინახავენ. ეს ისე, ინფორმაციისთვის).

კარგი საქორწინო თაიგულის შეკვეთა საკმაოდ ძვირი სიამოვნებაა. არადა სახლის პირობებშიც შეიძლება მისი დამზადება. მთავარი გემოვნებით შერჩეული ყვავილები, ფერადი ფანტაზია და მარჯვე ხელებია.

თქვენ დაგჭირდებათ ყვავილები, ფლორისტული ძაფი, სატინის თასმა, ატლასის ლენტი, ლამაზი ქინძისთავები.

იშვიათი ჯიშის ყვავილები საკმაოდ ძვირი ღირს. თუ მათ შეძენას ვერ ახერხებთ, გული ნუ დაგწყდებათ. ძალიან მიმზიდველი, ლამაზი და ორიგინალურია მინდვრის ყვავილებისგან გაკეთებული თაიგული. თანაც, გვირილები ხომ ბედნიერების, ხოლო იები კი ერთგულების სიმბოლოა.

შეიძინეთ ახალი ყვავილები. ყვავილები მჭიდროდ შეკარით სპეციალური ფლორისტული ძაფით, დაამაგრეთ და მორთეთ სატინის თასმით ან ატლასის ლენტით. დაამაგრეთ მარგალისტისთავიანი ლამაზი ქინძისთავებით.

ეცადეთ, ყვავილები მჭიდროდ შეკრათ. თუ თაიგულისთვის
რამდენიმე სახეობის ყვავილს იყენებთ, ეს წესი გაითვალისწინეთ: უფრო მყარი ყვავილები (მაგალითად, მიხაკები) თაიგულის გარშემო განალაგეთ, უფრო ნაზები კი მიხაკების დონის ოდნავ ქვევით.

კარგი იქნება თუ თაიგულისთვის გამოიყენებთ გვირილებს, ჰერბერებს, ზიზილებს. მათ მყარი ყვავილები აქვთ და ხელმისაწვდომია წლის განმავლობაში. როცა თაიგულის ყვავილები სხვადასხვა ზომისაა, ჯერ თანაბრად გაანაწილეთ მსხვილი ყვავილები, ხოლო მათ შორის სივრცე "ამოავსეთ"წვრილ-წვრილი, პატარა ყვავილებით. შეგიძლიათ იყიდოთ მზად თაიგული, მოაშოროთ ბალახები, ქაღალდი და ახალი ლენტებით, საკუთარი გემოვნებით გააფორმოთ.

თაიგულმა, შესაძლოა კაბა და ხელთათმანები დაგისვაროთ. ამიტომ თაიგულის ღეროების შეფუთვას ყურადღებით მოეკიდეთ. შეფუთვა უნდა იყოს მტკიცე და ვიზუალურადაც ლამაზი. შესაფუთი მასალის ფერი კონტრასტს არ უნდა ქმნიდეს ყვავილებისა და დედოფლის კაბის ფერთან.

თაიგული მოხერხებული და მსუბუქი უნდა იყოს. ის შესაძლოა დამაგრდეს საყრდენზე ან შეიკრას ყვავილის ღეროებით. გააჩნია რომელ ყვავილებზე შეაჩერებთ არჩევანს. მაგალითად ვარდები, იორდასალამი, ჰერბერები, გვირილები მაგრდება საყრდენზე. კალები, შროშანი და ორქიდეები კი ღეროებით იკვრება

ჰო, მართლა...

დასაწყისში შეგპირდით, რომ თაიგულის და სიძის სამოსის დაკავშირებაზე ვისაუბრებდით. კარგი იქნება, თუ თაიგულიდან რომელიმე ყვავილს სასიძო მკრდთან მიიმაგრებს. ეს ნეფე-დედოფლის გამაერთიანებელი შტრიხი იქნება. ოღონდ პატარძალმა ყურადღება უნდა მიაქციოს, როგორც კი ეს ყვავილი "ყურებს ჩამოყრის"სხვა უნდა ჩაანაცვლოს.

ამით თქვენს მზრუნველ ხასიათსაც გაესმევა ხაზი. შესაძლოა თქვენი რჩეული მამაკაცი მკერდზე ყვავილის დაბნევის იდეამ სულაც არ მოხიბლოს. ამ შემთხვევაში შეგიძლიათ ასე მოიქცეთ. ვთქვათ სიძეს შინდისფერი ჰალსტუხი უკეთია, მაშინ ეცადეთ, თქვენი თაიგულის ცენტრში მოთავსებული ყვავილიც ამ ფერისა იყოს. შეგვიძლია ნეფისთვის ცალკე გულსაბნევი დავამზადოთ თაიგულის ყვავილებისგან. ცხადია, მისი გემოვნების გათვალისწინებით.

და ბოლოს...

მართალია, თაიგულზე ბევრი დრო, ფანტაზია და ენერგია დახარჯეთ, მაგრამ ნუ დაინანებთ და სტუმრებს ლამაზ რიტუალს ნუ მოაკლებთ. დარწმუნებული ვარ თქვენს სტუმრებს შორის ალბათ ბევრი გასათხოვარი გოგო იქნება. ჰოდა შეტრიალდით მათკენ ზურგით.

1... 2... 3... და ისროლეთ ეს ჩვენი ნალოლიავები თაიგული თქვენი გასათხოვარი მეგობრებისკენ! ვინც დაიჭერს, შემდეგი პატარძალი ის იქნება და ნუ დაიზარებთ, წააკითხეთ "და ქალის" ეს ნომერი გამოადგება.

ნათია როსტიაშვილი
ჟურნალი "და ქალი"
(ოქტომბრის ნომერი)
კომენტარები (0)
კომენტარი ჯერ არ გაკეთებულა
ვიდეო სიახლეები
ამ კატეგორიების სხვა სიახლეები
რამდენად ძლიერად შეუძლიათ სიყვარული ქალებს ზოდიაქოს ნიშნის მიხედვით
11:02 / 25-07-2016
ასტროლოგიური სწავლების მიხედვით, ზოდიაქოს თითოეული ნიშნით დაბადებული ადამიანი გარკვეული ტემპერამენტით გამოირჩევა.
ვისთან იპოვით ყველაზე მარტივად საერთო ენას ზოდიაქოს ნიშნის მიხედვით
12:21 / 18-07-2016
გაინტერესებთ, როგორ იპოვოთ ადამიანი, რომელთან ურთიერთობაც საკუთარი თავის რწმენას აგიმაღლებთ და მარტივად გამონახავთ მასთან საერთო ენას? ასტროლოგები თვლიან, რომ მონათესავე სული ზოდიაქოს ნიშნის მიხედვით უნდა შეარჩიოთ.
საუკეთესო ციტატები მამაკაცებზე ცნობილი ფსიქოლოგებისგან- გაითვალისწინეთ ქალბატონებო
16:10 / 16-07-2016
გავრცელებული ფრაზები, რომლებიც საიდუმლოს ახდის ფარდას თუ რა ხდება საწინააღმდეგო სექსის წარმომადგენლების ტვინსა და გულში.
სად დავისვენოთ ზაფხულში ზოდიაქოს ნიშნის მიხედვით
11:19 / 12-07-2016
ზაფხული ძალაში შედის და ალბათ, ყველას აინტერესებს, სად ჯობს დასვენება. ასტროლოგიურად ქვეყნებსაც საკუთარი ზოდიაქოს ნიშანი და ასტროლოგიური მოცემულობები გააჩნია.
რითი გვხიბლავენ ზოდიაქოს ნიშნები
11:22 / 07-07-2016
ნებისმიერ ადამიანს აქვს ხასიათში მინიმუმ სამი თვისება, რომელიც მას განუმეორებელს ხდის და რომლის გამოც ღირს, რომ ესა თუ ის ადამიანი შევიყვაროთ.
ტოპ-სამი მამაკაცი ზოდიაქოს ნიშნის მიხედვით, რომელსაც ნამდვილი სიყვარული შეუძლია
09:23 / 06-07-2016
თუკი თქვენ სუსტი სქესის წარმომადგენელი ხართ, ამასთანავე, მამაკაცებზე გულგატეხილიც, შესაძლოა, ამ სტატიის სათაურმა სიცილი მოგგვაროთ.
ივლისის თვის სასიყვარულო პროგნოზი ზოდიაქოს ნიშნებისთვის
11:00 / 01-07-2016
ვერძითამამად შეგიძლიათ დაქორწინდეთ საყვარელ ადამიანზე. ჰარმონიული და ხანგრძლივი კავშირია მოსალოდნელი. მარტოხელებს რომანტიკული ნაცნობობა ელით, რომელიც სერიოზულ ურთიერთობაში გადავა. კარგი იქნება, თუ პარტნიორთან ერთად ჩაერთვებით ჰობიში, საერთო ბიზნესს წამოიწყებთ.
ვინ შეიძლება იყოს თქვენი ოცნების პრინცი ზოდიაქოს ნიშნის მიხედვით
09:08 / 01-07-2016
თუკი იმ ქალების კატეგორიას განეკუთვნებით, რომლებიც მიუხედავად ასაკისა, ჯერ კიდევ დაუღალავად დაეძებენ "იმ ერთადერთს და განუმეორებელს", იქნებ ზოდიაქოს ნიშნის მიხედვითაც გეცადათ მისი მოძებნა?
ზოდიაქოს ნიშნების გარეგნობა და მახასიათებლები
11:10 / 30-06-2016
ადამიანის გარეგნობა, იმისდა მიხედვით, თუ ზოდიაქოს რომელ ნიშანზეა დაბადებული, საკმაოდ სპეციფიკური და ინდივიდუალურია. ამიტომ, თუკი კარგად დააკვირდებით, ადვილად იცნობთ ვერძს, ლომს ან მშვილდოსანს გარეგნული მონაცემებით.
ზოდიაქოს ყველაზე ენამწარე ქალები
11:20 / 29-06-2016
ამბობენ, რომ ქალის ენა მისი იარაღია, თუმცა არსებობენ ქალები, რომელთაც ახლოს ვერავინ გაეკარება, ზუსტად რომ საკუთარი ენის სიმწარიდან გამომდინარე.
არქივის კალენდარი
ორ სა ოთ ხუ პა შა კვ
27282930 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31