გათხოვილის დღიურები - ვნებიანი ღამეები სასტუმროში (ეპიზოდი XVII)
გათხოვილის დღიურები - ვნებიანი ღამეები სასტუმროში (ეპიზოდი XVII)
გაგიკვირდებათ და... ახლა სასტუმროში ვარ! თანაც, ბათუმში. გუშინ ჩამოვედი. სერთიფიკატთან ერთად, ხუთდღიანი საგზური გადმომცეს, ბათუმის ერთ-ერთ პრესტიჟულ სასტუმროში.
ამ ხუთი დღის განმავლობაში მედიასემინარებს უნდა დავესწრო. მასტერკლასს ჟურნალისტიკაში - იტალიელი ჯუზეპე სპანიოლო გვიტარებს. ჩემ გარდა, კიდევ ხუთი ჟურნალისტია: - რუსი ანდრეი, რომელიც საქართველოში ცხოვრობს და ძალიან სასაცილოდ ლაპარაკობს ქართულად;

სამი ქალი, დაახლოებით 50 წლამდე ასაკის (ისინი ყველგან ერთად დადიან), მე და "მაჩო", - ასე დავარქვი ამ ტიპს (იმ საღამოსაც იყო, დაჯილდოებაზე და ყურადღებას იქცევდა ნავარჯიშებ სხეულზე შემოტმასნილი, წინ ჩახსნილი ვარდისფერი პერანგით და ზედმეტად თავდაჯერებული მანერებით).

ჩემზე აშკარად "აკრეფილი" აქვს. ეტყობა, ბოლომდე ვერ შეეგუა "ვიცე მისტერის" სტატუსს. ალბათ, დარწმუნებული იყო, რომ პირველ ადგილს აიღებდა. ნეტავ მისი სტატია წამაკითხა. ალბათ, დაწერდა, "როგორ დავკავდი სექსით მთაში", რადგან აგერ უკვე მესამე ღამეა, საოცარი ხმების მოსმენა მიწევს გვერდითა ნომრიდან.

ჯერ იყო და, პირველ საღამოს, სემინარის მერე, აუზზე რომ ჩავედით, ცოტა დაგვიანებით გამოცხადდა. იქ მყოფი ხალხი შეგვათვალიერა. მერე დამსვენებელი გოგონებისკენ შებრუნდა, შორტი გაიხადა და "არმანის" "პლავკით" წამოწვა შეზლონგზე.

მე კარგა ხანს ვიცურავე. ცოტა ხანი ჩავყვინთე და წყლის ქვეშ გავჩერდი. ჩემს ტვინს "რესტარტი" გავუკეთე და ამოვყვინთე. მაჩო უკვე იმ გოგონებთან იჯდა და სავარაუდოდ, მოძველებული ხუმრობებით ართობდა.

ვახშამზე, სასადილოში უკვე ერთ-ერთ მათგანთან ერთად გამოცხადდა. ღამით, გვიანობამდე ბარში სვამდნენ ვისკის. მე ცოტა ხნით იმ ქალებთან მივედი. მერე ანდრეის ველაპარაკე ჟურნალისტიკაზე. როდესაც ნომერში ავედი დასაძინებლად, გვერდითა ნომრის კართან მაჩო და ის გოგო იდგნენ. - ნეტავ დაგენახათ, თავისი "ნადავლი" კარზე აეყუდებინა და ისეთი დათაფლული ხმით "კერავდა", სიცილი ძლივს შევიკავე.

მერე დაიწყო და რა დაიწყო! ასე მეგონა, ჩემს საწოლში აკეთებდნენ "ამას"! ჯანდაბა, რაღა ჩემს მეზობლად მოხვდა. ბედი უნდა ყველაფერს.

დღეს იგივე ხმებს ვისმენ, უკვე მესამედ! არა, ეს უკვე მეტისმეტია! მესამე ღამეა, არ მძინავს. ერთი სული მაქვს გათენდეს, რომ საუზმეზე ჩავიდე. მივალ და ვეტყვი! ან ეს გატყეპვა რა მოდაში შემოვიდა?.. ისეთი გამეტებით უტყლაშუნებს, რომ იმ გოგოს მაგივრად მე მტკივა.

ვეღარ მოვითმინე და კედელზე მივუკაკუნე. ცოტა ხნით სიჩუმე ჩამოვარდა, მაგრამ მხოლოდ ცოტა ხნით. ბოლოს ყურსასმენები გავიკეთე და მუსიკა ჩავრთე.

თქვენ, ალბათ, ფიქრობთ, საიდან სად გადახტაო. ვიცი, იმ საღამოს ამბები გაინტერესებთ და მოგიყვებით!

პროგრამის ორგანიზატორები სიტყვით გამოდიოდნენ. ამერიკელმა მარკმა გამარჯვებული გამოავლინა. მე ისეთი სიტყვა ვთქვი, ყველას ცრემლი მოადგა თვალზე. მერე სერთიფიკატი გადმომცეს, 3000 ლარი და ეს საგზური. სიხარულისაგან ყველაფერი დამავიწყდა. ჩემმა ქმარმა რამოდენიმეჯერ დამიმესიჯა, როგორ მიდის საქმეო.

მხოლოდ ბოლო მესიჯზე ვუპასუხე: ნახევარ საათში მომაკითხე-მეთქი. მანქანაში რომ ჩავჯექი, ჯერ ჩემი "მიღწევები" ვაჩვენე. სიხარულისაგან მეცხრე ცაზე რომ აფრინდა, მერე უცებ ძირს დავანარცხე და ვუთხარი, რომ ყველაფერი გავიგე. გაჩერებულ მანქანაში ვისხედით და ვლაპარაკობდით.

მან მითხრა, რომ ჩემს თვალებში ვეღარ ხედავს იმ ნაპერწკალს, რასაც ადრე ხედავდა და ჰგონია,
რომ ძველებურად აღარ მიყვარს... მერე მკითხა, რა ვიგრძენი, როდესაც გავიგე, რომ ლუზერი ჩემი ქმარია, - გამიხარდა თუ "გამიტყდა". ამაზე დავფიქრდი. აქამდე მეგონა, რომ "გამიტყდა", მაგრამ ახლა ვხვდები, რომ გამიხარდა.

მართალია! - მე აღარ მაკმაყოფილებს ჩვენი ურთიერთობა ისეთი, როგორიც ახლა არის. მე უკეთესი მინდა! სინამდვილეში ის "ნაპერწკალი" ორივემ დავკარგეთ! კარგია, რომ ეს მედიასემინარი დაემთხვა. ხუთი დღით რომ წავალ, ორივეს დრო გვექნება საფიქრელად. როგორც მუხრან მაჭავარიანის ლექსშია:

"მივდივარ! - რადგან კვლავაც მინდა, რომ ვიყოთ ერთად,
გშორდები! - რადგან მომენატრა შეხვედრა შენთან!"


ქალის და კაცის ურთიერთობა კოცონს ჰგავს: ხან აგიზგიზდება, ხან მინელდება, მაგრამ აუცილებლად პერიოდულად "შეკეთება" სჭირდება, რომ საერთოდ არ ჩაქრეს.

სახლში რომ დავბრუნდით, ორივე უცნაურად ვგრძნობდით თავს. მე და ჩემი ქმარი ვერ ვიტანთ ხელოვნურობას და მოვალეობის მიზნით რაღაცის გაკეთებას. იმ ღამის მერე რაღაც შეიცვალა. მე, შეყვარებულები როცა ვიყავით, ის შეგრძნება დამეუფლა.

შაბათს ბავშვები ჩემს მშობლებთან ერთად, ჩვენს აგარაკზე დავტოვეთ. კვირას მე გამაცილა სადგურში. მატარებელი რომ დაიძრა, ყელში ბურთი გამეჩხირა.

სასტუმროში რომ დავბინავდი, ცოტა ხასიათზე მოვედი. ყველაზე მეტად იტალიელი ლექტორი გამიხარდა. მე ხომ ვგიჟდები იტალიელებზე? პირველ კურსზე ვსწავლობდი კიდეც ენას. მერე ის ლექტორი წავიდა და ახალი ვეღარ მოიყვანეს.

ჯუზეპესაც ესიამოვნა, როდესაც პირველ დღეს მასთან მივედი და - "კომესტა, სონო ლიეტო დი ვედერლა"- ვუთხარი. მის ლექციებს თარჯიმანი გვითარგმნის. დღეს გვკითხა, როგორ ფიქრობთ, რატომ ყიდულობს ხალხი ყვითელ პრესასო?! - მაჩო ნახევრად გადაწოლილ მდგომარეობაში იჯდა სკამზე და ხელში კალამს ათამაშებდა. გასწორებაც არ იკადრა, ისე გამოთქვა აზრი:

- იმიტომ, რომ ხალხია გოიმი! მასა არის უგემოვნო! ინტელექტის დონე დაბალია და აინტერესებთ, ვის რა აცვია, ვინ ვისი საყვარელია და მსგავსი იდიოტიზმი!

- აქ დილემაა! - შევაწყვეტინე მე. - დააკვირდით მდგომარეობას: - ჯიხურები გადაჭრელებულია ყვითელი პრესით! ჟურნალებს გარეკანი არ გააჩნიათ. მხოლოდ სათაურები, რომლებსაც ხელს თუ მივაფარებთ, ვერც კი მივხვდებით, რომელი რომელი ჟურნალია. ყველგან ყდაზე გამოტანილი "სელებრითები" და ინტრიგნული სათაურები, რომლებიც ყველა "რატომ"-ით იწყება! არცერთი ჟურნალი აღარ გამოდის ხელოვნებაზე.

ყველას არ შეუძლია, 5-6-ლარიანი ჟურნალის ყიდვა, რომელიც შედარებით ნორმალური წასაკითხია. ამიტომ, რაღაც რომ უნდა იკითხონ, იძულებულები ხდებიან, შეიძინონ ჟურნალი იმ ფასთა კატეგორიიდან, სადაც მდარე ხარისხის სტატიები იბეჭდება! ჩაკეტილი წრესავითაა...

- და შენ ფიქრობ, რომ თუ გამოუშვებ რაღაც სერიოზულ ჟურნალს იმ ფასად, იყიდიან?

- დარწმუნებული ვარ! ამას დრო დასჭირდება. ტელევიზიებმაც უნდა ამოიღონ დაბალი დონის სერიალები და მათ ნაცვლად რამე ნორმალური სერიალები აჩვენონ. - ძალიან ბევრი კარგი სერიალია, რომელიც ძალიან პოპულარულია ევროპაში.

ქვეყნად იმდენი საინტერესო და ამოუწურავი თემაა, რაც ბევრმა არ იცის. ყველა კომპეტენტური ვერ იქნება ამ საკითხში. ადამიანები არ დებენ კვერცხს, მაგრამ საღის და ლაყეს გარჩევა შეუძლიათ! რატომ უნდა აეწყო მკითხველის გემოვნებაზე? არ ჯობია, მკითხველი "გადააწყო" შენს გემოვნებაზე?..

ანდრეი დამეთანხმა. ამ თემაზე ბევრი ვიმსჯელეთ. სემინარის შემდეგ ჩვენი ნომრებისკენ წავედით. კარს რომ ვაღებდი, ჩემი მეზობელი (უკვე მძულს ეს სიტყვა) მაჩო უკნიდან მომიახლოვდა და მითხრა:

- შენთან საინტერესო იქნება დებატები. სიამოვნებით გეკამათებოდი...

- თუ სიამოვნებით დამამარცხებდი? - გავუღიმე და ნომერში შევედი. კარი გასაღებით გადავკეტე (ყოველი შემთხვევისთვის).

მაღვიძარამ 9 საათზე დარეკა. მომკლავს ამდენი უძილობა. ცივი შხაპი მივიღე, რომ გამოვფხიზლდე. სასაუზმოდ ჩავედი. ქალები უკვე წასულიყვნენ. ანდრეი მარტო იჯდა და ყავას ამთავრებდა. მეც მასთან დავჯექი და მაჩო დავინახე, თავის ღამის პარტნიორთან ერთად იჯდა.

სანამ ყავა დავლიე, მან ოთხი კვერცხი, ოთხი სოსისი და ლორიანი ბუტერბროდი მიირთვა. გენაცვალე, იმდენ ენერგიას ხარჯავს ყოველ ღამე, წესით, სამი კაცის დოზა საკვებს უნდა იღებდეს.

ყავის ბოლო ყლუპი მოვსვი და მათი მაგიდისკენ გავემართე.

- დილა მშვიდობისა! იმედი მაქვს, კარგად გეძინათ... - მე საშინლად! ბოლო სამი ღამეა, რაც კოშმარები მაწუხებს. მესიზმრება, ვითომ დემონი შემოფრინდება ჩემს ოთახში და თავის ცეცხლოვან მათრახს მიტყლაშუნებს (ის გოგო ისე გაწითლდა სახეზე, როგორც, ალბათ, მისი საჯდომი გუშინ ღამით).

- ამაღამ კიდევ რომ მოფრინდეს და მათრახის ტყლაშუნი გააგრძელოს, ჯერ ვარდისფერბუმბულებიანი ხელბორკილებით მივაბამ საწოლზე, მერე იმ თავისი ცეცხლოვანი მათრახით კარგად ნავარჯიშებ სხეულს მთლიანად ავუჭრელებ (ეს ისეთი სახით ვთქვი, თითქოს ამ წუთებში მართლა მეჭირა მათრახი და ტანს ვუჭრელებდი)!!!

მაჩო არც განძრეულა. გაღიმებულმა თვალები ნახევრად მოჭუტა და მითხრა:

- შენც სცადე, დაელაპარაკე მაგ დემონს, იქნებ რისი თქმა უნდა შენთვის?..

გაგრძელება იქნება... პარასკევს
კომენტარები (74)
დათო
ამ გოგოს აშკარად მოსწონს მაჩო.ავტორი წესიერი და ინტელექტუალი ადამიანია,მაგრამ მაჩოშიცაა ასეთივე პოტენციალი,ოღონდ გამოღვიძება სჭირდება...
მად
დადეთ რა ჩემი სულსწრაფობის ფიალა ამევსოოოოოოოო
ნია
მართლა გააკონტროლეთ რა კომენტარები. "ვსე პონემაუტ პო მერე სვოიეი ისპორჩენნოსტი" ასეთი კაი გამონათქვამი არსებობს. მაგრამ რატომ უნდა გვლანძღოს, ვიღაც უვიცმა, რომელსაც წაკითხულიდან აზრის გამოტანა არ შეუძლია. ველი ახალ ნაწილს მეეეც :))))
G.R.
დრეს პარასკებბბბბბია :) :) :)
მად
ჰოლოკოსტი- ვაუუუ- შენ რა გინდა აქ?ბოზობა თუ იცი რაცაააა მიდი და იბოზე ჩვენი ნუ გშურს :D:D:D
G.R.
ადმინისტრატორს ვთხოვ გააკონტროლოს კომენტარები უცენზურო გამონათქვამებისგან. ჩვენს ყოველდღიურობაში ისედაც ერთმანეთის ლანძღვა-გინებაში ვართ და არ მიონდა აქაც იგივე მესმოდეს (წავიკითხო).
ჰოლოკოსტი-ს
გააჯვი ამ საიტიდან და მონასტერი სადაც გეგულება იქ შედი
ჰოლოკოსტი
ბოზების თავშესაქცევი საიტია და ბოზები თხზავენ ბოზობებს
ნინო
ძალიან მომეწონა.თანაც ძალიან ინტრიგნულად დამთავრდა 2-3 დწეშიგავდივარ ქალაქიდან იქ სადაც ინტერნეტი კი არა ტელეფონიც ვერ იჭერს და უკვე განვიცდი. ავტორო მგონი დამოკიდებული გავხდი თქვენს ნაწერებზე.:))))რა თქმა უნდა ვიხუმრე,მაგრამ ნახევრად. მოუთმენლად გელოდებით და იმედია არ გადამივლის
ნატალიკო
მაგარია !
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ვიდეო სიახლეები
ამ კატეგორიების სხვა სიახლეები
რას არ გაგანდობთ ჭკვიანი ქალი არასოდეს: 10 პუნქტი
10:23 / 24-05-2016
ჩემი ენა - ჩემი მტერია. როგორი ზუსტია ეს გამონათქვამი, განსაკუთრებით, სუსტ სქესთან მიმართებაში. ადამიანზე სწორი წარმოდგენა მხოლოდ მასთან გასაუბრების შემდეგ გექმნებათ. ჭკვიანი ქალი იმით კი არ გამოირჩევა, რომ კვანტური ფიზიკის განხილვა შეუძლია, არამედ იმით, რომ იცის, სად რა ილაპარაკოს.
როდის არის მამაკაცი რეალურად შეყვარებული - ამას მისი ზოდიაქოს ნიშანი გეტყვით
09:26 / 24-05-2016
ქალების უმეტესობას ჰგონია, რომ მამაკაცები არასტაბილური არსებები არიან. თუმცა იმ შემთხვევაში, როცა სიყვარული ნამდვილია, ნებისმიერი მამაკაცი შეძლებს, იყოს ერთგული.
ორი თვისება, რომელიც ღირს, რომ ისწავლოთ ზოდიაქოს ამა თუ იმ ნიშნისგან
09:51 / 23-05-2016
ადამიანები განსხვავებულები არიან. შესაბამისად, ყველას გაგვაჩნია ამქვეყნად ჩვენ-ჩვენი ნაკლი და ღირსება. ასტროლოგიურად თუ მივუდგებით საკითხს, ზოდიაქოს ნებისმიერი ნიშანი გამოირჩევა ცუდი და კარგი თვისებებით.
5 მიზეზი იმისა, თუ რატომ ქრებიან მამაკაცები უკვალოდ
15:42 / 20-05-2016
ხანდახან ხდება ისე, რომ მამაკაცი უმიზეზოდ ქრება ქალის ცხოვრებიდან. მაგრამ უმიზეზოდ - ეს მხოლოდ პირობითად. სინამდვილეში, მამაკაცისთვის მიზეზი თვალნათელი და მარტივია.
ზოდიაქოს სამი ყველაზე მოსიყვარულე ნიშანი
10:53 / 19-05-2016
სითბოს გამოხატვა და ემოციების უპრობლემოდ, ღიად გამოვლინება ყველა ჩვენგანს როდი ხელეწიფება.
10 მეთოდი, როგორ დაძლიოთ განშორების ტკივილი და გახდეთ ბედნიერი
12:09 / 17-05-2016
ურთიერთობები იწყება და სრულდება. ჩვენს ცხოვრებაში ახალი ადამიანები შემოდიან. თუმცა, ალბათ, დამეთანხმებით, რომ განშორება საკმაოდ რთული და მტკივნეულია ადამიანის ცხოვრებაში. ზოგი იმდენად განიცდის, რომ დეპრესიაშიც კი ვარდება და ცხოვრების აზრს კარგავს.
როგორ უნდა გვიყვარდეს ესა თუ ის ზოდიაქოს ნიშანი
10:55 / 17-05-2016
ადამიანები განსხვავებულები არიან როგორც ტემპერამენტის მხრივ, ისე სიყვარულში. ამიტომ აუცილებელია, ინტერესის ობიექტის ზოდიაქოს ნიშნის ცოდნასთან ერთად ვიცოდეთ ის, თუ როგორ უნდა გამოვხატოთ სიყვარული მასთან მისი ზოდიაქოს ნიშნის თავისებურებებიდან გამომდინარე.
ყველაზე თავმდაბალი ზოდიაქოს ნიშნები
11:31 / 14-05-2016
როგორ გგონიათ, თავმდაბლობა და სისადავე ადამიანის ხასიათის ნაკლია თუ ღირსება? ასტროლოგები თვლიან, რომ გამოკვეთილად ამბიციურ ზოდიაქოს ნიშნებთან ერთად არსებობენ ძალზე თავმდაბალი და თვითკრიტიკული ადამიანებიც, რომელთათვისაც არასოდესაა ამბიციები ეგოიზმის წყარო:
მაისში ვერძებს ახალი შემოსავლის წყარო, კუროებს იმიჯის ცვლილება, ქალწულებს კი კარიერული წინსვლა ელით...
09:17 / 11-05-2016
როგორც რუსი ასტროლოგი ვასილისა ვოლოდინა ვარაუდობს, მაისის თვე, უფრო სწორად, მისი მეორე ნახევარი არცთუ მშვიდი და სტაბილური იქნება.
ზოდიაქოს ნიშნები, რომლებიც ორმაგი რომანებისკენ არიან მიდრეკილნი
09:39 / 10-05-2016
ნებისმიერი ადამიანი ინდივიდუალურია სიყვარულსა და პირად ურთიერთობაში. ზოგი თუ მონოგამიურობისკენაა მიდრეკილი, ვიღაცისთვის ჰაერივით აუცილებელია მრავალფეროვნება, თუმცა ამგვარ პოლიგამიას ეს ხალხი ერთობ ოსტატურად უძებნის ახსნას.
არქივის კალენდარი
ორ სა ოთ ხუ პა შა კვ
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31