შემუშავებულ იქნა უნიკალური მეთოდი, რომელიც ქალებისთვის ნაადრევი მენოპაუზის შემთხვევაში დაფეხმძიმების საშუალებას იძლევა.
სტენფორდის უნივერსიტეტის მეცნიერთა ჯგუფმა 30 წლის 27 უშვილო ქალზე, რომლებსაც საკვერცხეების დისფუნქცია აღენიშნებოდათ, ექსპერიმენტი ჩაატარა. სპეციალისტებმა მათ საკვერცხეები ამოკვეთეს, ისინი ლაბორატორიულ პირობებში "გაააქტიურეს" და გაცოცხლებული ქსოვილები იგივე ადგილზე მოათავსეს.
ამის შემდეგ ქალებს ჰორმონალური თერაპია ჩაუტარდათ. შედეგად, 8 ქალის შემთხვევაში ქსოვილებმა იცოცხლეს და განვითარებაც დაიწყეს. მომწიფებული კვერცხუჯრედები ექსტრაკორპორალური განაყოფიერებისთვის აიღეს. ერთ-ერთმა პაციენტმა უკვე გააჩინა შვილი, დანარჩენები ემბრიონის იმპლანტაციისთვის ემზადებიან.
ადრეული მენოპაუზა 100-დან ერთ ქალში გვხვდება. საკვერცხეების დროზე ადრე დათრგუნვა კვერცხუჯრედის ზედმეტად ხშირი მომწიფების ან სასქესო უჯრედების მცირე რაოდენობის გამო ხდება.
სტენფორდის უნივერსიტეტის მეცნიერები დარწმუნებულები არიან, რომ მათ მიერ შემუშავებული მეთოდი საშუალებას მისცემს, დაორსულდნენ არა მხოლოდ ის ქალები, რომლებსაც ნაადრევი მენოპაუზა აღენიშნებათ, არამედ ისინიც, რომლებმაც სხივური და ქიმიოთერაპია გადაიტანეს; ასევე, ისინიც, ვინც უკვე მიაღწია 40-45 წელს.