თებერვალი მიიწურა და შესაბამისად, განწყობაც გაზაფხულის მოლოდინს უკავშირდება. დიზაინერმა ანუკი არეშიძემ ამ თვეში საინტერესო დეტალები შემოგვთავაზა. ჩვენ მისი "ინსტაგრამიდან" ყველაზე საინტერესო ვარიანტები ავარჩიეთ, რომლებსაც შემოგთავაზებთ.
არის თუ არა ამ სეზონზე პოპულარული ბრჭყვიალა პიჯაკები? - დიახ. ბრჭყვიალა ტონები ისევ თავის სიმაღლეზე დგას.
ანუკი, შეიძლება ითქვას, რომ ერთ-ერთი ყველაზე აქტიური ქართველი დიზაინერია მათ შორის, ვინც მოდის კვირეულებს ხშირად ესწრება.
დიზაინერი, ფაქტობრივად, არცერთ მნიშვნელოვან მოდის კვირეულს არ აკლდება, რომელიც მეტწილად პარიზში იმართება ხოლმე. მის აქსესუარებშიც ახალი ტალღა იგრძნობა.
ამ სეზონზე უპირატესობა მინიატურულ სათვალეებს რომ არ ენიჭება, ალბათ, მარტივად მიხვდებოდით.
ნაზი ქვედაბოლო და "უხეში" მოსაცმელი ერთმანეთს აბალანსებს.
დიზაინერს, ცხადია, არც Oversize სამოსი დავიწყებია და მის მიმართ ისევ სიყვარულს ავლენს.