დიზაინერ ანუკი არეშიძის ჩაცმულობას თვალს არაერთი ქალბატონი ადევნებს. ის მათთვის ინსპირაციის წყაროც ბევრჯერ ყოფილა. ამ ეტაპზე ანუკის ფერადი სამოსისკენ მიუწევს გული და მისი „ინსტაგრამიც“ სიფერადეებით აივსო. თუმცა, ამის მიუხედავად, ის მაინც დიდ ყურადღებას უთმობს შავ და თეთრ ფერებს, რაც მისი ფავორიტია.
ერთ-ერთი გამორჩეული ლუქი გახლდათ ვარდისფერი პიჯაკი და შარვალი, რომელიც მზესუმზირის გულსაბნევით იყო გაფორმებული. ვარდისფერი სამოსი ანუკი არეშიძის გარდერობში მრავლად მოიძებნება.
შეიძლება ბევრისთვის ღიმილის მომგვრელი იყოს ის, რომ წელს დაუუთოებელი სამოსია ტრენდული. დიახ, ეს სიმართლეა. ამ ტრენდს არც ქართველი დიზაინერი ჩამორჩა.
„ვგიჟდები დაუუთოებელ ტანსაცმელზე, ძალიან მომწონს და ხშირად დავდივარ კიდეც ასეთი ტანსაცმლით. you go girl !!!“. - სწორედ ასე ეხმაურებიან გამომწერები.
ანუკი აქსესუარების მიმართ დიდი სიყვარულითაა გამსჭვალული, რაც მისმა ყველა გამომწერმა იცის.
ერთად გადავხედოთ დიზაინერის ჩაცმულობის ახალ დეტალებს, რომლებიც მის სტილს გამორჩეულ იერს სძენს: