არავისთვის საიდუმლო არ გახლავთ ის ფაქტი, რომ თითოეული ჩვენგანის ჯანმრთელობის საკითხზე ვარსკვლავების ძალაც საკმაოდ დიდ გავლენას ახდენს. სამედიცინო ასტროლოგია, რომელიც ჩვენს მკითხველებს შორის დიდი პოპულარობით სარგებლობს, მოიცავს იმ უნიკალური მცენარეების ჩამონათვალს, რომლებიც ზოდიაქოს ამა თუ იმ ნიშნით დაბადებული ადამიანისთვისაა მიზანშეწონილი სამკურნალოდ.
ვერძი - ვერძების პრობლემა ზედმეტი გადატვირთვაა. მათი ფსიქონერვული სისტემა აუცილებლად საჭიროებს მოდუნებას. საამისოდ საუკეთესოა შავბალახას ნაყენი. იგი ამშვიდებს ნერვულ სისტემას, ხსნის სტრესს და აუმჯობესებს არტერიული წნევის მიმოქცევას.
კურო - ყელი და მასთან დაკავშირებული გართულებები ყველაზე დიდი პრობლემაა ზოდიაქოს ამ ნიშნით დაბადებულთათვის. ისინი ხშირად იტანჯებიან ანგინითა და ტონზილიტით. საუკეთესო სამკურნალო საშუალება კუროებისთვის ამ მხრივ არის გვირილის ნაყენი. იგი აყუჩებს ანთებით მოვლენებს ყელში და აქვს ანტისეპტიკური ეფექტი.
ტყუპი - მსგავსად ვერძებისა, ტყუპის სისუსტეც ნერვული სისტემა და მისი გადატვირთვის პრობლემაა. ამის ფონზე ისინი ხშირად იტანჯებიან უძილობითა და კოშმარებით. საუკეთესო საშუალება ზემოთ ხსენებული ჩივილების მოსახსნელად არის ბარამბოს ნაყენი. იგი მსუბუქი დამამშვიდებელი ეფექტით გამოირჩევა და აწესრიგებს ძილს.
კირჩხიბი - კირჩხიბების ძირითადი პრობლემა შარდსასქესო სისტემასა და თირკმლის ფუნქციების გამართულად მუშაობას უკავშირდება. ბევრი კირჩხიბი ასევე მიდრეკილია, ბოროტად გამოიყენოს ალკოჰოლი, რაც ასევე აზიანებს თირკმლის ფუნქციებს. საუკეთესო სამკურნალო საშუალებად კირჩხიბისთვის მოცვი და მისი ფოთლების ნაყენია მიჩნეული. იგი კარგად აწესრიგებს შარდსასქესო სისტემის მუშაობას.
ლომი - ლომების უმრავლესობას პერიოდულად გულ-სისხლძარღვთა სისტემა და იმუნიტეტის სისუსტე ახსენებს ხოლმე თავს. მათთვის კარგია ასკილის ნაყენის ჩაი, რომელიც თავის მხრივ "ცე" ვიტამინს შეიცავს დიდი ოდენობით და ხელს უწყობს ორგანიზმის ზოგადი იმუნიტეტის ამაღლებას.
ქალწული - მიდრეკილნი არიან იპოქონდრიული შეტევებისკენ. ასევე ხშირად აწუხებთ ვეგეტონევროზი, დერმატიტი ან ეგზემა. მათთვის სასურველია ორგანიზმი გაიკაჟონ კალენდულას ნაყენით ან კომპრესებით. ეს მცენარე არაჩვეულებრივად ებრძვის ნებისმიერი სახის გამონაყარს. აქვს ანთების საწინააღმდეგო და ანტიალერგიული თვისება.
სასწორი - ზოდიაქოს ამ ნიშნით დაბადებულთა პრობლემა ხშირად არის ნივთიერებათა ცვლის მოშლა და წონის სიჭარბე. მათთვის სასურველია სელის მარცვლების ნაყენით მკურნალობა. ეს მცენარე წარმატებით გამოიყენება ქრინიკული ან ანთებითი პროცესების დროს, რომელიც ძირითადად კუჭ-ნაწლავი-ნაღვლის ბუშტის არეში მიმდინარეობს. გაგრძელება