შოშიას ბლოგი: ლიკა ქავჟარაძის დაბრუნება რომ შემეძლოს!..
შოშიას ბლოგი: ლიკა ქავჟარაძის დაბრუნება რომ შემეძლოს!..
რომ შემეძლოს, მივიდოდი ლიკასთან, წყნარად ჩამოვუჯდებოდი საწოლის კიდეზე და მორიდებით ვკითხავდი: რით გატკინეთ ყველაზე მეტად?!

რომ შემეძლოს, ვაგრძნობინებდი, რომ ვხედავ, მისი ღრმა და ფიქრიანი თვალები საით იმზირებიან. შემიძლია წარმოვიდგინო ის სხვებისთვის უცნაური სამყარო, სადაც მას, როგორც გამორჩეულს, ეძახიან...

რომ შემეძლოს, ვეტყოდი, რომ მჯერა ამ განსხვავებულის და მიუწვდომლის არსებობისა!

რომ შემეძლოს, დავუბრუნებდი იმ გამაოგნებელ სილამაზეს, რომელიც არც კალმით აიწერება და არც ენით გამოითქმის - მას მხოლოდ გრძნობენ და ტყვევდებიან!

რომ შემეძლოს, დავუბრუნებდი იმ არაამქვეყნიურ მზერას და ღიმილს, რომლითაც მან დრო გააჩერა და სილამაზის უნიკალური საზომი შექმნა...

რომ შემეძლოს, დავუბრუნებდი სიცოცხლის წყურვილს - ყველაზე ხარბსა და დაუოკებელ გრძნობას... და ცხოვრების ხალისს - რომ ამ სიცოცხლით დამტკბარიყო...

რომ შემეძლოს, გულიანად გავაცინებდი - ისეთ სასაცილო რამეებს მოვუყვებოდი, ჩაჟირებამდე რომ ეცინა...

რომ შემეძლოს, რიჟრაჟს ვაყურებინებდი - როცა ბნელი ცისკიდური გაბაცდებოდა, გამტრედისფერდებოდა, ვარსკვლავები დასაძინებლად გაიკრიფებოდნენ, სამაგიეროდ, გაიღვიძებდნენ ჩიტები და ყვავილები. მოგისმენიათ, რა გატაცებით გალობენ ფრინველები გამთენიას? - ამაზე სასიამოვნო მოსასმენი ამ ქვეყანაზე ცოტა რამ მეგულება! ჰოდა, ამ ჭიკჭიკს მოვასმენინებდი... მერე მინდორში წავიყვანდი და ბალახის კამკამა ცვრით ავახორკლინებდი კანს... ბოლოს კი ყველა ყვავილისგან შევკრავდი გვირგინს და დავადგამდი თავზე, როგორც პირველქმნილი, უმანკო სილამაზის დედოფალს!..

რომ შემეძლოს, თაკარა მზის გულზე გაშლილი ყაყაჩოების ზღვაში დავაყენებდი და მათ თავისუფლების წყურვილსა და ველურ სილამაზეს მთელი გზნებით განვაცდევინებდი. ვეტყოდი, რომ მოწყვეტისას ყაყაჩოს ფურცლები შემთხვევით არ სცვივა - ის მხოლოდ საკუთარ ფესვებზე, საკუთარ მდელოზეა ლამაზი და ბრიალა - მაშინ, როცა ბუნებრივი და თავისუფალია!

მერე მთის მდინარეს აღმა ავუყვებოდით და წყურვილს პეშვით მოვაკვლევინებდი ისეთი ცივი წყლით, მთელ სახეს რომ გაგვიყინავდა...

რომ შემეძლოს, ზვარში შევიყვანდი... ვაჩვენებდი მტევნებს შორის გაჩრილ ჩიტის ბუდეებს, დაბრაწულლოყებიან ბავშვებს, საწნახელებში ჩამდგარ ჯიშიან კაცებს, მაჭრით შემთვრალ მომღიმარ ახალგაზრდებს... თვალწინ მიდგას, თავადაც როგორ გაეღიმებოდა...

რომ შემეძლოს, ვაჩვენებდი, როგორ აკრავდა თონეში პურს ჩემი ბებია. როცა პური დაიბრაწებოდა, იმ სივარვარეში ისევ ჩაეყუდებოდა, სწრაფი მოძრაობით "ამოხდიდა" და რომელიმეს გადაამტვრევდა. იმ პურის სურნელი და ცხელი ოხშივარი თითქოს, სახეს ახლაც მიწვავს...

რომ შემეძლოს, ამოვარჩევდი ყველაზე ლამაზ, მოხდენილ ბედაურს და გავაჭენებინებდი შორს, ძალიან შორს და იმდენ ხანს, რომ ქარზე გაშლილ ცხენის ფაფარს მისი ყველა დარდი და უბედურება გაჰყოლოდა...

...და რომ შემეძლოს, ადამიანთა გულებს ვაჩუქებდი! რომ ამოერჩია ყველაზე წრფელი, სუფთა და ნამდვილი და შეენახა ის საკუთარ გულთან ახლოს - სათუთად და სამუდამოდ!


კომენტარები (4)
ნანა
დასანანია რომ აქამდე ვერ აისრულეთ ოცნებაააააააა!ეხლა დავაყენოთ სასუფეველშიიიი
შოშია
ნნნნნ-ს: იქ, სადაც თქვენ!
კახელი
დედამიწაზე ანგელოზებს ბედი არ ააქვთ
ნნნნნ
აქამდე სად იყავით?
ბავშვის ფიზიკური განვითარება
წონა დაბადებისას :
გრ
სიმაღლე დაბადებისას :
სმ
თავის გარშემოწერილობა დაბადებისას :
სმ
თვე
ამ კატეგორიების სხვა სიახლეები
როგორ ვაქციოთ პირველი კოცნა დაუვიწყარ მოგონებად?
11:36 / 12-10-2017
პირველი კოცნა ყველა ადამიანისთვის ერთ-ერთი უმნიშვნელოვანესი მომენტია ცხოვრებაში.
შოშიას ბლოგი: შეეშვით ადამიანს, რომელიც შვილის სიკვდილის შემდეგაც ვერ მოინელეთ!
12:27 / 04-10-2017
ამის თქმას არ ვაპირებდი... - თქვენ მაიძულეთ...ასე მწვავედ გამოხატვა არ მინდოდა - თქვენ მიბიძგეთ...
ნანიკოს ბლოგი: მე ყოველთვის ვიცავდი მამაკაცს, ჩემზე ძლიერს და ამას წესები მავალდებულებდა
11:01 / 03-10-2017
"არის სტატისტიკა, სადაც ნათლად ჩანს, რომ საქართველოდან წასული ემიგრანტების მხოლოდ 9% არის ქალი. დანარჩენი - მამაკაცია გადახვეწილი, ისინი გზავნილების უდიდესი ნაწილის შემომტანები არიან.
შოშიას ბლოგი: ამას წინათ კაფეში წყვილის ჩხუბს შევესწარი...
11:37 / 02-10-2017
… ამჯერადაც, როგორც ყოველთვის, უჩვეულო ამბის თხრობას ჩვეულებრივ დავიწყებ: ამას წინათ უხერხულ და უსიამოვნო სცენას შევესწარი, როცა მე და ჩემმა მეგობარმა ერთ პატარა კაფეში ყავის დასალევად და სასაუბროდ შევიარეთ. ჩვენ გვერდითა მაგიდასთან წყვილი სადილს შეექცეოდა.
„გოგონა-აქლემი“: ელა ჰარპერის ნამდვილი ისტორია
14:52 / 29-09-2017
ელა 1870 წელს, ტენესის შტატში (აშშ) დაიბადა, ძალიან იშვიათი გენეტიკური დაავადებით, რის გამოც მისი მუხლები სხვა მხარეს იყო ამოტრიალებული.
„ვიცი, აღარ მოვიმატებ!“ - ეფექტური დიეტა ჟურნალისტისგან, რომელსაც  არ დაარღვევთ
10:24 / 28-09-2017
"ახლა ლეპოლდინოც ვერ იტყოდა,რომ ყველაფერი კარგადაა, რადგან ღამის 2 საათის მიუხედავად, მე ვჭამ...
"ფილტვებანთებული" ჭიანჭველას მოკლე ამბავი
19:54 / 25-09-2017
4-5 წლისას კალმის ჩარჩოში ჭიანჭველების ფერმა მქონდა "გაშენებული". ჩავუყრიდი პურის ნამცეცებს და გარედან ვუყურებდი, დაახლოებით იმ იდეით, "დათა თუთაშხიას" პერსონაჟი კასრში ვირთაგვებს კაციჭამიებად რომ ზრდიდა.
ანჩოს ძევჩატნიკის ძაააააალიან უცნაური ფინალი
10:37 / 25-09-2017
ანა ჩემი დაქალია, 25 წლის. მე ანჩოს ვეძახი, იმიტომ, რომ ნამდვილი ანჩოა. აბაშიძის ყველაზე ძერსკი კაფეებიდან, ყველაზე ძერსკი გოგონები რომ აკრიფო და ანჩოს გარშემო დააყენო, ანჩო მაინც ყველაზე ძერსკი იქნება.
ძირს ბეგბედერი!
10:37 / 20-09-2017
დედის ღელვა, რომელიც შვილს სასწავლებლად 250 კილომეტრით შორს უშვებს, ზღვის ტალღებად რომ იქცეს, ზვირთები, ალბათ, მთლიანად წალეკავდნენ ქალაქებს.
ნანიკოს ბლოგი: სკოლის დაწყების წინ ბებიას აღარ უთქვამს - „ნელათაი იყავითო“...
11:22 / 15-09-2017
დილით, სკოლისკენ მიმავალი მომღიმარი მშობლების და პატარების გვერდით, ბებია-ბაბუებიც შევნიშნე.
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი
ორ სა ოთ ხუ პა შა კვ
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31