ევანგელისტურ-ბაპტისტური ეკლესიის მღვდელმსახური, რუსუდან გოცირიძე მედიაში გავრცელებულ ფარულ ჩანაწერებს სოციალური ქსელით ეხმაურება. მისი თქმით, არავის საქმე არაა ვინ ვის რას ელაპარაკება და არავინ უნდა იქექებოდეს მისი და მისი შვილების პირად ცხოვრებაში.
„მე არაფერი მაქვს დასამალი „იმ ოპერიდანაა“- ისეთი სექსი უნდა გქონდეს, გასაჯაროების არ შეგრცხვესო…
არავის საქმე არაა მე ვის რას ველაპარაკები, ან რატომ უნდა იქექებოდეს ვიღაც ჩინოვნიკი ჩემი შვილების პირად ცხოვრებაში? რატომ გვგონია, რომ პრობლემა მხოლოდ ვიღაცის „ცოდვებია“, რომლის გამოაშკარავებაც სამარცხვინოა?
თუ რუსეთის აგენტებს ეძებთ, მიიღეთ ლუსტრაციის კანონი, თუ არა და ეს „კაგებეშნიკური" მარაზმი ნიშნავს, რომ ჩვენი ქვეყნის თავზე საბჭოთა დროშა ფრიალებს!“,- წერს რუსუდან გოცირიძე სოციალურ ქსელში.