„ცეკვავენ ვარსკვლავების“ არაერთი სეზონის მონაწილე ჯულიანა ბარგნარი ბევრისთვის საყვარელი მოცეკვავეა. მისი ფოტოები და ვიდეოები სოციალურ ქსელში ყოველთვის უამრავ კომენტარს იმსახურებს. ტელეეკრანზე გამოჩენის პირველ წლებში ხშირად ისმოდა კითხვები მის გვარსა და წარმომავლობასთან დაკავშირებით. ჯულიანა ეროვნებით ასურელია, თუმცა საქართველოში დაიბადა. რამდენიმე წლის განმავლობაში ის რუსეთში ცხოვრობდა, თუმცა 6 წლის ასაკში უკან დაბრუნდა და სამი წლის შემდეგ ცეკვაც დაიწყო.
ჯულიანა პროფესიონალი მოცეკვავის სტატუსით „ცეკვავენ ვარსკვლავების“ მეათე სეზონშიც იღებს მონაწილეობას და ახალ ფოტოებს სწორედ სტუდიიდან აქვეყნებს. მისმა ულამაზესმა კადრებმა გამომწერებისგან არაერთი კომპლიმენტი დაიმსახურა: „ჯულიანა, ყველაზე ლამაზი ხარ, ყველაზე ნაზი, ჰაეროვანი და ყველაზე ძლიერი მოცეკვავე ხარ, ბრწყინვალე და შეუდარებელი”, „ცეკვისთვის და პარკეტისთვის ხარ შექმნილი“, „სასწაული გოგო ხარ“ - წერენ „ინსტაგრამზე“.