როგორ გგონიათ, ფულის შოვნის ნიჭი თანდაყოლილ იღბალზეა დამოკიდებული თუ ადამიანმა დროთა განმავლობაში გამოცდილებით უნდა გამოიმუშაოს?
ასტროლოგები თვლიან, რომ არსებობს ზოდიაქოს სამი ნიშანი, რომელიც ყველაზე ხშირად იზიდავს "ფინანსურ ქუდბედს".
ვერძი - ვერძები ბუნებით მებრძოლი და დაუღალავი ადამიანები არიან. მათ ხასიათში ამ თვისებებს განაპირობებს პლანეტა მარსი, რომელიც ვერძის ზოდიაქოს მმართველად ითვლება. მარსის გავლენით ვერძებს არ ეშინიათ რისკის, არასოდეს იციკლებიან წარუმატებლობაზე და ყოველი მარცხის შემდგომ უფრო მეტი ენთუზიაზმით იწყებენ სასურველი მიზნისკენ სვლას. აქედან გამომდინარე, გასაკვირი არ არის, რომ ვერძები ძალზე ხშირად მდიდრდებიან. თუმცა, როგორც წესი, მათ ფულის შოვნა უფრო ეხერხებათ, ვიდრე დაგროვება.
მორიელი - მორიელებს ძალაუფლება სწყურიათ. მათ უმეტესობას უყვარს სიფრთხილე, ყოველთვის წინასწარ ზვერავს ნებისმიერ სიტუაციას და გააჩნია "გეგმა ბე", იმ შემთხვევაში, თუკი არსებული მეთოდები არ გაამართლებს საქმეში. როგორც წესი, მორიელებს რისკიც ძალიან უყვართ. ამასთან ერთად, მათი ბრძოლისუნარიანობა, ვერძისგან განსხვავებით, სტრატეგიულ გათვლებს ეფუძნება. შესაბამისად, მორიელი უფრო ნაკლებად რჩება ამა თუ იმ ფინანსურ სიტუაციაში წაგებული. ქონების დაგროვებაც გაცილებით უფრო ოსტატურად გამოსდით. შეიძლება ითქვას, რომ ხანდახან ძუნწებიც კი არიან. გაგრძელება