კარგად ცნობილია ბურღულეულის როლი წონის დაკლებაში, მაგრამ რატომ არის ასეთი მნიშვნელოვანი ეს პროდუქტი და რა განაპირობებს მის დადებით თვისებებს, მეცნიერებმა აქამდე არ იცოდნენ, თუმცა ბევრს საუბრობდნენ იმ სარგებელზე, რომლებიც მას ორგანიზმისთვის მოაქვს.
გარდა წონის კლებისა, ბურღულეულს სხვა უპირატესობებიც აქვს. მაგალითად, ეს დიეტური საკვები აწესრიგებს გულის მუშაობას და სამკურნალო მნიშვნელობისაა დიაბეტით დაავადებულთათვის.
„ნიუ იორკ თაიმსში“ გამოქვეყნებულ სტატიაში მეცნიერები, კვლევაზე დაყრდნობით, ბურღულეულის სასარგებლო თვისებების მიზეზებს ხსნიან. მათ ექსპერიმენტები თაგვებზე ჩაატარეს, რომელთაგან ერთ ჯგუფს მისცეს ცხიმიანი საკვები, მეორეს კი - ბურღულეულით მდიდარი. ამ უკანასკნელების ორგანიზმი მოწესრიგებული გახდა. კვევების მიხედვით, მათი ნაწლავებიც უფრო ჯანსაღია.
მეორე საკვლევი ჯგუფის თაგვებს შეუსუსტდათ საჭმლის მომნელებელი სისტემის ფუნქციონირება, რაც ორგანიზმის ბაქტერიებით დაბინძურების მაჩვენებელია, დაირღვა სისხლში შაქრის ბალანსი, დაიწყო წონის მომატებაც.
ეს შედეგები მიანიშნებს იმაზე, რომ ბურღულეული წმენდს ნაწლავებს და აწესრიგებს საჭმლის მომნელებელ სისტემას, რაც საბოლოოდ ორგანიზმის სწორად ფუნქციონირებას უზრუნველყოფს.
მარიამ ელიაშვილი