ყველა ქალის დიდი სურვილია, ზაფხულისთვის კარგად გამოიყურებოდეს და თამამად იპოზიოროს პლაჟზე. გთავაზობთ რჩევებს, რომლებიც დაგეხმარებათ ამის მიღწევაში:
1. დაიცავი ბალანსი
როდესაც სირბილს იწყებ, დისტანცია და სიჩქარე ნელ-ნელა, ყოველ კვირას - 10%-ით გაზარდე. ასე შენი სხეული მიეჩვევა დატვირთვას და უკეთეს შედეგსაც მიიღებ.
2. გახურდი და გააკეთე ვარჯიშები
კუნთების, ტერფისა და მუხლის სახსრების ტკივილი - ეს ყველაფერი სირბილის გვერდითი ეფექტია. მის თავიდან ასაცილებლად საჭიროა ვარჯიშამდე გახურება, ვარჯიშის მერე კი გაწელვების ვარჯიშების გაკეთება.
სირბილამდე აუცილებელია გაახურო უკანა კუნთები და პრესი, ასევე, ყურადღება მიაქციე ქუსლებსა და სახსრებს.
3. დაიტვირთე რეგულარულად
ნუ ფიქრობ, რომ ეს ადვილი იქნება. ნუ შეუშინდები მოქმედებას და გადადგი პირველი ნაბიჯები - პირველი წარმატებისკენ. ძლიერი და რეგულარული დატვირთვა ეფექტისა და ხარისხის გარანტია, რაც ხელს შეგიწყობს შედეგის მიღწევაში.
4. დაისვენე
ზედმეტადაც ნუ დატვირთავ ორგანიზმს. გახსოვდეს, მანქანა არ ხარ. პერიოდულად საჭიროა დასვენება, რომ აღდგენილი ძალებით მეტი მონდომებითა და ენერგიით განაგრძო ვარჯიში. ნუ შეგაშინებს სირთულე, უბრალოდ, დაისვენე და შემდეგ გაორმაგებული ძალებით გააგრძელე წინსვლა.
სჯობს, ივარჯიშო სამჯერ და დიდი დატვირთვით, ვიდრე კვირაში 4-ჯერ და საშუალო დატვირთვით.
5. სირბილის გრაფიკი
დავუშვათ, დარბიხარ კვირაში სამჯერ და დასაწყისისთვის 3 კმ-ს უპრობლემოდ ლახავ. როცა დისტანციას 5კმ-მდე აიყვან, ის მოითხოვს მნიშვნელოვან ძალისხმევას.
როგორ უნდა გაზარდო სირბილის დისტანცია:
• 1 კვირა: 3 კმ + 3 კმ + 5 კმ
• 2 კვირა: 3 კმ + 4 კმ + 6 კმ
• 3 კვირა: 4 კმ + 4 კმ + 7 კმ
• 4 კვირა: 4 კმ + 4 კმ+ 4 კმ
• 5 კვირა(იწყება ახალი ციკლი): 5 კმ + 4 კმ + 8 კმ
• 6 კვირა: 5 კმ + 5 კმ + 9 კმ
• 7 კვირა: 5 კმ + 6 კმ + 10 კმ
6. დაიცავი სუნთქვა
თუ გსურს, იზრუნო ჰარმონიაზე, უნდა ისწავლო ხანგრძლივი სირბილი. სუნთქვის შენარჩუნება ამ შემთხვევაში მხოლოდ მაშინაა შესაძლებელი, როცა შეგეძლება სუნთქვა და წყლის მიღების რეგულირება.
მარიამ რაქვიაშვილი