თეირანის უნივერსიტეტის სპეციალისტები მივიდნენ დასკვნამდე, რომ კატაბალახა - პოპულარული დამამშვიდებელი საშუალება - მენოპაუზის სინდრომის საწინააღმდეგო საუკეთესო საშუალებაა.
მკვლევარებმა ჩაატარეს ექსპერიმენტი, რომელშიც 100 ქალი მონაწილეობდა. ამ ქალბატონებს მენოპაუზა ჰქონდათ, ბევრ მათგანს კი მისი ერთ-ერთი სიმპტომი - უძილობა აწუხებდა.
მთელი თვის განმავლობაში მათ დღეში სამჯერ კატაბალახას 2-2 აბის მიღებას ურჩევდნენ. 30 დღის შემდეგ მეცნიერებმა შედეგები გააანალიზეს და აღმოჩნდა, რომ კატაბალახამ რეალურად გააუმჯობესა ქალბატონების მდგომარეობა და მათ უძილობას თავი დააღწიეს.
ლიკა კერატიშვილი
გაზეთი "ყველა სიახლე"
(გამოდის ოთხშაბათობით)