ზოგჯერ ადამიანებს იმის გამო აკრიტიკებენ, რომ ისინი ბევრს ოცნებობენ, თუმცა, როგორც ამბობენ, რომ ჩვენი აზრები მატერიალიზდება და თუ რაღაც კონკრეტულზე დაჟინებით ვიფიქრებთ, ის ნამდვილად ასრულდება, მთავარია, ვიცოდეთ როგორ მოვიქცეთ, რომ მივიღოთ ის, რაც გვინდა.
სურვილების რუკა: რა მნიშვნელობა აქვს მას?
სურვილების რუკა არის ვიზუალიზაცია, თუ რაზე / ვისზე ოცნებობთ. სურვილები შეიძლება იყოს ყველანაირი, მაგალითად, იპოვოთ მეგობარი ბიჭი, იყიდოთ ძაღლი, მიიღოთ მაღალი შეფასება ტესტში... . მაგრამ არის ერთი პირობა. სანამ სურვილების ბარათს გააკეთებთ, უნდა შეადგინოთ სურვილების სია. სიის შესაქმნელად, ზუსტად უნდა გესმოდეთ, რა გსურთ ამ ცხოვრებიდან.
1. სქემა
მაშ ასე, ავიღოთ ჩვეულებრივი ფურცელი ან დაფა, ეს თქვენს სურვილზეა დამოკიდებული. თქვენ შეგიძლიათ დახაზოთ ფურცელი სექტორებად (რამდენი სურვილიც გაქვთ, იმდენი სექტორი), შეგიძლიათ გამოიყენოთ დიაგრამა, ნებისმიერ შემთხვევაში, თქვენი ფოტო ცენტრში უნდა მოექცეს. მნიშვნელოვანია, რომ თითოეული სექტორი მხოლოდ ერთ სურვილს დაუთმოთ.
შეგიძლიათ თქვენი სურვილები თემების მიხედვით დაყოთ: სიყვარული, სწავლა, წარმატება, მეგობრობა და ა.შ. და დიახ, აქ დიდი მნიშვნელობა აქვს სურვილების რიგს, ე.ი. პირველ სექტორში უნდა იყოს ყველაზე სანუკვარი სურვილი, შემდეგ კი - უკვე ნაკლებად მნიშვნელოვანი. რა თქმა უნდა, ჩვენ ყველაფერი ერთბაშად გვინდა, მაგრამ ეს ასე არ ხდება, ამიტომ სწორად გაანაწილეთ პრიორიტეტები.
2. ფოტოების მომზადება
ახლა კი იწყება გართობა - სურათების ძებნა. ეს შრომატევადი საქმეა, რადგან თქვენ უნდა იპოვოთ ისეთი ფოტოები, რომლებიც სრული სიზუსტით ასახავს თქვენს სურვილებს. შეგიძლიათ ისინი ინტერნეტში მოიძიოთ და ამობეჭდოთ, ან ჟურნალებიდან ამოჭრათ...
3. ბარათის დამზადება
ახლა, როდესაც მომზადების ეტაპი დასრულდა, შეგიძლიათ გადახვიდეთ ყველაზე მნიშვნელოვანზე. რუკის დამზადება შესაძლებელია ხელით ან კომპიუტერით. ცენტრალურ სექტორში ათავსებთ თქვენს ფოტოს (სასურველია მასზე იღიმოდეთ, რათა რუკა პოზიტიური ენერგიით დამუხტოთ). შეგიძლიათ რუკას დაამატოთ წარწერები და სამოტივაციო ფრაზები.
ჩვენ უკვე ვთქვით, რომ აზრები და სიტყვები მატერიალურია. ასე რომ, თუ სურათების ქვეშ სურვილებს ტექტურადაც დაიტანთ, ეს მხოლოდ დააჩქარებს პროცესს. ესთეტიკისთვის, შეგიძლიათ გამოიყენოთ ლენტები, მარკები და სხვა დეკორაციები.
ფუნდამენტური წესები:
თქვენ უნდა წარმოიდგინოთ მხოლოდ ის სურვილები, რომლებიც შეიძლება ახდეს უახლოეს მომავალში, კონკრეტულად 2 წელში, ამიტომ ნათლად უნდა გესმოდეთ, რა გინდათ ამ ორ წელიწადში და უმჯობესია, თუ აბსტრაქტულ ოცნებებს რუკაში არ ჩაწერთ.
რუკა უცნობმა პირებმა არ უნდა ნახონ, დაუშვებელია, რომ სხვა ადამიანმა წაიკითხოს ის, რაც მასში გიწერიათ, ამიტომ შეურჩიეთ მას უსაფრთხო ადგილი. არ დაგავიწყდეთ რუკის განახლება და იმ სურვილების ამოღება, რომლებიც უკვე აგსრულდათ. გახსოვდეთ, რომ ჩვენ ვიზრდებით და, ჩვენთან ერთად, იზრდებიან ჩვენი ოცნებებიც.