ფსიქო

ყველაფერი იმის შესახებ, თუ რატომ არის წარსული ასეთი მიმზიდველი და როგორ მოვიშოროთ ყოფილთან დაბრუნების სურვილი

ყველაფერი იმის შესახებ, თუ რატომ არის წარსული ასეთი მიმზიდველი და როგორ მოვიშოროთ ყოფილთან დაბრუნების სურვილი
საკმაოდ დიდი დრო გავიდა მას შემდეგ, რაც დაშორდით. მას ახალი შეყვარებული ჰყავს (და შესაძლოა ერთზე მეტი); სოციალური ქსელების მიხედვით თუ ვიმსჯელებთ, თქვენ თავისუფლებით ტკბებით ან ახალ ურთიერთობაში ბედნიერი ხართ. მაგრამ უცებ შეხვდებით საერთო მეგობრის დაბადების დღეზე/ქორწილში/სახლის წვეულებაზე და ხვდებით, რომ კვლავ გიზიდავთ ერთმანეთი. ეს ყველაფერი იმიტომ, რომ ყველამ არ იცის, როგორ განშორდეს წარსულს ერთხელ და სამუდამოდ. შემდეგ კი ან ისევ ჩაეძირებით ამ ურთიერთობაში, რომელიც არაფერს გიტოვებთ, ან ვერ მოიშორებთ იმ აზრს, რომ უკეთესს ვერავის შეხვდებით
და იტანჯებით.

რატომ ვიხედებით უკან?

როგორც წესი, ყველაფრის დაბრუნება გვსურს, როცა გვეჩვენება, რომ ურთიერთობა ჯერ არ დასრულებულა. არ აქვს მნიშვნელობა, რა მიზეზით, მაგრამ ქალი არ არის მზად გაუშვას საყვარელი მამაკაცი, მით უმეტეს, თუ ინიციატივა მამაკაცის მხრიდან წამოვიდა.

დაშორებიდან გარკვეული პერიოდის შემდეგ თქვენ ივიწყებთ ყველანაირ ცუდს, შემდეგ კი კარგი მოგონებები ცვივა ნოსტალგიის ტალღაში, რომელთან გამკლავებაც ზოგჯერ შეუძლებელია. ადამიანის მეხსიერება ასე მუშაობს: ტვინი თანდათან ბლოკავს ტკივილის მიზეზს, რის გამოც გაჩნდა უფსკრული ურთიერთობაში. მაშინ ფიქრობთ, რომ შეცდომა დაუშვით, როდესაც ურთიერთობა დაანგრიეთ.

განშორების შემდეგ შეიძლებოდა თქვენ ირგვლივ ემოციური ვაკუუმიც ჩამოყალიბებულიყო: ჯერ ახალი ურთიერთობები არ არის და ძველი დამთავრდა – თქვენ განიცდით აუტანელ მარტოობას. ასე რომ, ყოფილ კაცზე ფიქრის მეტი გზა არ რჩება.

თუ გყავდათ საერთო მეგობრები ან კოლეგები, ადგილები, სადაც ერთად დადიოდით, მაშინ, რა თქმა უნდა, უფრო რთული იქნება წარსულის დავიწყება. ზოგი შეგნებულად ცდილობს ძველი გრძნობების გამეორებას: ეკითხება მეგობრებს, როგორ არის, უსმენს მასთან დაკავშირებულ სიმღერებს, ატარებს დროს კაფეში, სადაც პირველი პაემანი ჰქონდათ და არწმუნებს საკუთარ თავს, რომ ეს საუკეთესო დრო იყო.

თუ ყოფილი მამაკაცი დაჯილდოებულია აშკარა სათნოებით - გარეგნობით, ინტელექტით, რესურსებით - ანუ იმარჯვებს სხვა მამაკაცების ფონზე, რომელთაც ხვდებით, თქვენ მუდმივად შეადარებთ მათ, თუმცა ხაზს გაუსვამთ მხოლოდ ყოფილის კარგ თვისებებს.

ხანგრძლივი ურთიერთობის დროს შეიძლება დაკარგოთ მამაკაცებთან შეხვედრის, ფლირტის და შეყვარების უნარი. რა თქმა უნდა, წარსულ ურთიერთობებში შეიძინეთ კომპლექსები, რომლებიც არ შეგიმჩნევიათ განშორებამდე და ახლა ისინი გაგიჟებენ. ამიტომ, საკუთარ თავში დარწმუნებული არ ხართ და ფიქრობთ, რომ ვეღარ ასიამოვნებთ, მაგრამ ეს ასე არ არის.

  • გააანალიზეთ, რატომ არ გამოვიდა წარსული ურთიერთობები, გაითვალისწინეთ შეცდომები და გაიაზრეთ, როგორ უნდა გააუმჯობესოთ ახალი რომანი. დაიმახსოვრეთ, რომ ყველაფერი გამოვა მხოლოდ იმ შემთხვევაში, თუ მზად იქნებით.
  • მიაქციეთ ყურადღება საკუთარ თავს: დაკავდით სპორტით, შეცვალეთ იმიჯი, მიმართეთ კოსმეტოლოგს.
  • თუ გაქვთ მიზანი, დაივიწყოთ ყოფილი მამაკაცი, მაშინ უნდა მოიცილოთ ყველაფერი, რაც მას მოგაგონებთ და მოერიდეთ ადგილებს, სადაც შეგიძლიათ გადაიკვეთოთ მასთან.
  • მართალია, ერთი შეხედვით სულელურად შეიძლება მოგეჩვენოთ, მაგრამ არსებობს „გაშვების“ ტექნიკა, რომელიც ნამდვილად მოქმედებს. მაგალითად, შეგიძლიათ მისწეროთ გამოსამშვიდობებელი წერილი (გაგზავნის გარეშე), ქაღალდზე თქვათ ყველაფერი, რაც გაწუხებთ.
  • აუცილებლად შეხვდით სხვა მამაკაცებს, თუნდაც სურვილი არ გქონდეთ. თქვენ უნდა აიძულოთ თავი, მაგრამ დროთა განმავლობაში მიხვდებით, რომ ეს აუცილებელი იყო.
  • ინტელექტუალურად და ემოციურად „გადაერთეთ“ სხვა აქტივობებზე. დაიწყეთ ახალი ენის შესწავლა, შეუდექით ხატვას ან ცეკვას, შეცვალეთ თქვენი სოციალური წრე. დაინტერესდით თქვენით და გარშემომყოფებით, გახსენით ახალი ჰორიზონტები.
  • დაიმახსოვრეთ მარტივი ჭეშმარიტება და გჯეროდეთ: დასასრული, რომელმაც არ მოგიტანათ სიხარული, ახალი და წარმოუდგენლად საინტერესო ცხოვრების დასაწყისია - ისიამოვნეთ.


10 უბრალო გზა, რომელთა დახმარებითაც თქვენს საყვარელ მამაკაცს სიყვარულს ყოველდღე აგრძნობინებთ

თუ ქორწინებას ბზარი გაუჩნდა, აუცილებელია, ეს ერთი შეკითხვა დაუსვათ მეუღლეს

11 უტყუარი ნიშანი იმისა, რომ ვიღაც თქვენ მოტყუებას ცდილობს




FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif
გამოკითხვა
რას ელოდებით ახალი წლისგან?
არქივის კალენდარი
ორ სა ოთ ხუ პა შა კვ
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
e87a93