რეჟისორ ლევან წულაძისა და მსახიობ მანანა კოზაკოვას ერთადერთი ქალიშვილი, მოცეკვავე თინათინ წულაძე შვილს ელოდება.
მისი თქმით, მამა ყოველდღე ლოცულობდა, რომ შვილიშვილი ჰყოლოდა.
„მეც და ჩემს მეუღლესაც უკვე ძალიან გვინდოდა შვილი. აღმოჩნდა, რომ ორსულად ვარ და ძალიან გახარებულები ვართ ამ ამბით.
მამა ყოველდღე მეკითხება, გული ხომ არ გერევაო. რატომღაც ჰგონია, რომ თუ გული მერევა, ყველაფერი კარგად არის. ახლა აღარ მერევა, კარგად ვარ-მეთქი და მეკითხება, რატომო. ჰგონია, რადგან ორსულად ვარ, რაღაც უნდა მაწუხებდეს. ამიტომაც ვიგონებ რაღაცებს – მეძინება, დავიღალე, მშია და ა.შ. და ამით ბედნიერია…
მამაჩემს გოგოები ძალიან უყვარს და ძალიან უნდა, გოგო იყოს, მაგრამ მგონი, იმედს გავუცრუებ და ბიჭი იქნება. დედაჩემიც ისევეა დარწმუნებული, რომ ბიჭი იქნება, როგორც მე… სქესის გაგებას არ ვჩქარობ. არც მაინტერესებს. მშვიდად, ეტაპობრივად მივყვები იმას, რაც საჭიროა…“ - ამბობს თინათინი ჟურნალ "სარკესთან" ინტერვიუს დროს.
<div> <div class="gtx-trans-icon"></div>
</div>