ხელოვნების მუზეუმის აუქციონისთვის გამართულ გლამურულ წვეულებაზე, რომელიც ჯასტინ და ჰეილი ბიბერებმა მოაწყვეს, განსაკუთრებული ყურადღების ცენტრში სწორედ თავად აღმოჩნდნენ. წყვილის თვალისმომჭრელი ვიზუალი და ჩაცმულობა დღეს ტაბლოიდების მთავარი თემაა.
ჰოლივუდში გამართულ ექსკლუზიურ საღამოზე ჯასტინ ბიბერი შავი სმოკინგით გამოჩნდა, ხოლო მისმა ცოლმა ჰეილი ბიბერმა ასევე შავი ხავერდის ორიგინალური კაბა მოირგო. გამოცემები წერენ, რომ ჯასტინის ჩაცმულობას ხშირად აფასებენ, როგორც „შემთხვევით შერჩეული სამოსი“. ის, ძირითადად, სპორტულ სტილს ანიჭებს უპირატესობას, თუმცა ახლა, ყველასთვის მოულოდნელად, კამერების წინ სადა, კლასიკური სამოსით გამოჩნდა.
განსაკუთრებული ყურადღება მიიქცია წყვილის სიახლოვემ, რაც ტაბლოიდებმა არაორდინარულად მიიჩნიეს და დაწერეს, რომ იმ ვირუსულად გავრცელებული კადრების ფონზე, რომელშიც ჩანს, როგორ კამათობს წყვილი საჯარო სივრცეში, ეს სიახლოვე უცნაური და უჩვეულოა.