პროფესიით იურისტი, ტელეწამყვანი ეკო ფანგანი სოციალურ ქსელში, განსაკუთრებით კი „ინსტაგრამზე“ აქტიურია და გულშემატკივრებს ყოვედღიურად უზიარებს საკუთარ ფოტოებს. გარდა ამისა, ის გამომწერების მიერ დასმულ კითხვებსაც ხშირად პასუხობს.
როგორც ჩანს, გამომწერებს ეკო ფანგანის პირადი ცხოვრების შესახებ არაერთი კითხვა აქვთ. ცოტა ხნის წინ კი, ტელეწამყვანმა „ინსტაგრამსთორის“ საშუალებით ერთ-ერთ გამომწერს უპასუხა და თქვა, რომ შეყვარებულია. ეკო რჩეულთან ერთად გადაღებულ ფოტოებსაც აქვეყნებს და უამრავ კომპლიმენტსაც იღებს. „ძალიან მომხიბვლელი წყვილი ხართ“ - წერენ ფოტოზე.
მიუხედავად იმისა, რომ ეკოს გამომწერებმა მას რჩეულის ვინაობის გამხელა არაერთხელ სთხოვეს, ტელეწამყვანი ამ საკითხზე ჯერ ხმამაღლა არ საუბრობს. ერთ-ერთ ინტერვიუში ის ამბობდა, რომ გათხოვება ამ ეტაპზე მის გეგმებში არ შედის, თუმცა, შესაძლოა, ეს გადაწყვეტილება მოულოდნელადაც კი მიიღოს.
„ყველა ადამიანი თავად ქმნის და ირჩევს თავის პირად ბედნიერებას. რადგან ეს ვიცი, ამიტომ სულ ბედნიერი ვარ“ - წერს ეკო „ინსტაგრამსთორიში“.